ខេត្តក្រចេះមានសាលាចំណេៈទូទៅសាធារណៈ ៣៥៦ កន្លែង ​ផ្តល់​ការ​អប់រំ​ដល់​កូនចៅ​ពលរដ្ឋ​​ពី​ជនបទដល់ទីប្រជុំជន

ខេត្តក្រចេះមានសាលាចំណេៈទូទៅសាធារណៈមានចំនួន ៣៥៦ កន្លែង ក្នុងនោះមានមត្តេយ្យដាច់ដោយឡែក ១០ កន្លែង ថ្នាក់មត្តេយ្យក្នុងបឋមសិក្សា ១០៣ កន្លែង បឋមសិក្សា ៥៣ កម្រង ២៩០ កន្លែង អនុវិទ្យាល័យ ៤១ កន្លែង វិទ្យាល័យចំនួន ១៥ កន្លែង។

នេះបើ​តាមការឱ្យដឹងពីលោក ធាម ហេង ប្រធានមន្ទីរអប់រំយុវជន និងកីឡាខេត្តក្រចេះ ក្នុងពិធីបើកសន្និបាតបូកសរុបការងារឆ្នាំ ២០២៤-២០២៥ និងលើកទិសដៅបន្តឆ្នាំ ២០២៥-២០២៦ នាថ្ងៃទី ២៦ មករា ឆ្នាំ២០២៦ ក្រោម​វត្តមានលោក ហង្ស ចាន់ឌី អភិបាលរងខេត្តក្រចេះនៅសាលមហោស្រពខេត្ត។

លោកបានឱ្យដឹងបន្ត​ថា ការអប់រំផ្សេងៗក្នុងនោះមត្តេយ្យសហគមន៍មាន ១៥៦ កន្លែង មត្តេយ្យឯកជនមាន ១១ កន្លែង បឋមសិក្សាឯកជនខ្មែរ ឯកជនចិន និងឯកជនឥស្លាមមាន ១០ កន្លែង មធ្យមសិក្សាឯកជនមាន ៣ កន្លែង និងអក្ខរកម្ម មាន ១១ ថ្នាក់៕