កីឡា

កីឡាការិនីបាល់ទះតំណាងក្រុម CIA លើកឡើងពីបទពិសោធល្អៗបានលេងក្នុងពានរង្វាន់សម្ដេច ក្រឡាហោម

បានផុស

៣ ខែ មុន

នៅ

ថ្ងៃពុធ ២៥ កុម្ភៈ ២០២៦

ដោយ

តំណាងក្រុមបាល់ទះនារីមកពីសាលា CIA FIRST INTL SCHOOL ថាសមាជិកក្រុមមានភាពសប្បាយរីករាយ ចេះសហការគ្នាបានល្អ និងជួយឲ្យបានកាត់បន្ថយភាពតានតឹងនានាពីការសិក្សាផងដែរបន្ទាប់ពីមានឱកាសចូលរួមប្រកួតប្រជែងពានរង្វាន់សម្ដេច ក្រឡាហោម លើកទី៤ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមបាល់ទះ CIA

កីឡាការិនី ទួន នាថមុនិ បានឲ្យដឹងថា ក្រុមរបស់ខ្លួនអស់ឱកាសឡើងទៅវគ្គបន្តហើយ ព្រោះប្រកួតកន្លងមកចាញ់ ២ និងឈ្នះ ១ កាលពីម្សិលមិញនេះ។ បើទោះជាក្រុម CIA មិនបានឡើងទៅវគ្គបន្ដយ៉ាងណាក្ដី ប៉ុន្តែសមាជិកក្រុមនិមួយៗមានចិត្តសប្បាយរីករាយក្នុងការចូលរួម និងទទួលបាននូវអ្វីដែលថ្មីពីការប្រកួតផងដែរ។

ទិដ្ឋភាពប្រកួតរបស់ក្រុម CIA (ក្រហម)

យុវតីតំណាងក្រុមរូបនេះបន្ថែមទៀតថា បទពិសោធល្អៗក្នុងការប្រកួតពានរង្វាន់នេះគឺសមាជិកក្រុមចេះសហការគ្នាជាក្រុម និងចេះជួយគ្នាកាលៈទេសៈលំបាក។ តាមរយៈការប្រកួតនេះបានធ្វើឲ្យម្នាក់ៗរឹតតែមានការខំប្រឹងប្រែង និងជួបនូវដៃគូល្អៗ និងថ្មីផ្សេងទៀត។ សមាជិកក្នុងក្រុមទទួលបានបទពិសោធថ្មីពីមួយប្រកួតទៅមួយប្រកួតដែលនេះជាចំណុចល្អមួយឆ្ពោះទៅរកភាពជោគជ័យនាឱកាសក្រោយៗ។ ក្រុមគ្រួសារវិញក៏មានការគាំទ្រខ្លាំងផងដែរចំពោះកូនដោយសារតែឃើញរវល់ច្រើនលើការសិក្សាហើយនៅឆ្លៀតអាចចូលរួមប្រកួតពានបានទៀត និងចេះធ្វើឲ្យខ្លួនរំសាយនូវភាពតានតឹងពីខាងក្រៅតាមរយៈការលេងកីឡាបាល់ទះនេះ។

ទិដ្ឋភាពប្រកួតរបស់ក្រុម CIA (ក្រហម)

បញ្ជាក់ដែរថា ក្រុមបាល់ទះនៃសាលា CIA FIRST INTL SCHOOL បានធ្លាក់ត្រឹមវគ្គជម្រុះក្នុងពូល A ហើយបន្ទាប់ពីធ្វើមិនបានល្អ។ យ៉ាងណានៅប្រកួតលើកទី៣ ចុងក្រោយកាលពីរសៀលថ្ងៃទី២៤ ខែកុម្ភៈ ឆ្នាំ២០២៦ នេះក្រុម CIA បានយកឈ្នះលើក្រុម MAHA JAK ដោយលទ្ធផល ៣-០ មុនបិទបញ្ចប់វគ្គជម្រុះក្នុងពូល៕

អត្ថបទដោយ៖ នួន ស៊ីណា

ព័ត៌មានអន្ដរជាតិ២៣ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា