កីឡា

កីឡាការិនីអកសមុទ្រ ហួន សុខរ៉ា អ្វីៗខុសការគិតទាំងអស់ និងប៉ិសមិនឈ្នះពានទៀតផង

បានផុស

៤ ខែ មុន

នៅ

ថ្ងៃចន្ទ ២ មីនា ២០២៦

ដោយ

កីឡាការិនីរបស់ក្រុមបាល់ទះអកសមុទ្រ ហួន សុខរ៉ា ថាអ្វីៗគឺខុសពីការគិតមុនប្រកួតទាំងអស់ និងប៉ិសមិនឈ្នះពានរង្វាន់សម្ដេច ក្រឡាហោម លើកទី៤ កាលពីម្សិលមិញនេះទៀតផង ព្រោះចាញ់ពិន្ទុស្នងការ ន.ប រាជធានីភ្នំពេញ ១៣-៩ ទៅហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាការិនី ហួន សុខរ៉ា

ស្មាត់ស្ដាំរបស់ក្រុមបាល់ទះអកសមុទ្រ ហួន សុខរ៉ា បានឲ្យដឹងថា មុនការប្រកួតវគ្គផ្ដាច់ព្រ័ត្រមកដល់រូបគេគិតថាការប្រកួតនេះប្រហែលមិនតឹងតែង ឬឈានដល់ ៥សិតបែបនេះឡើយ។ ព្រោះឃើញពីសមត្ថភាពក្រុមស្នងការ ន.ប រាជធានីភ្នំពេញអំឡុងពេលប៉ះក្រុមដទៃហាក់ជ្រាយសេវា និងស្ទើរជើងក្រោមបន្តិច។

ក្រុមអកសមុទ្រលើកពានសម្ដេច ក្រឡាហោម

កីឡាការិនីមកពីខេត្តបាត់ដំបងរូបនេះបន្ថែមទៀតថា ពេលប៉ះស្នងការ ន.ប រាជធានីភ្នំពេញវគ្គផ្ដាច់ព្រ័ត្រនេះជាក់ស្ដែងគឺក្រុមមួយនេះល្អខ្លាំងមិនដូចអ្វីដែលធ្លាប់គិតនោះឡើយ។ មួយវិញទៀតគឺអស់សង្ឃឹមខ្លាំងព្រោះចាញ់ពិន្ទុដាច់ដល់ ១៣-៩ ទៅហើយក្ដីសង្ឃឹមឈ្នះកាន់តែតិចទៅៗ។ ដោយសារតែមើលឃើញមិត្តរួមក្រុម និងជំនឿចិត្តខ្ពស់លើសមត្ថភាពក្រុមបានធ្វើឲ្យខ្លួនមានកម្លាំងចិត្តតស៊ូប្រកួតឡើងវិញរហូតឈ្នះពាននេះវិញ។

ក្រុមអកសមុទ្រលើកពានសម្ដេច ក្រឡាហោម

បញ្ជាក់ដែរថា ការប្រកួតពានរង្វាន់សម្ដេច ក្រឡាហោម លើកទី៤ ផ្នែកនារីគឺបន្លាយពេលរហូតដល់ទៅ ៥សិតទើបរកឃើញម្ចាស់ពានបន្ទាប់ពីមានការប្រកួតប្រជែងយ៉ាងស្និតស្វាញរួចមក។ លទ្ធផលចុងបញ្ចប់គឺក្រុមបាល់ទះអកសមុទ្រឈ្នះលើក្រុមស្នងការ ន.ប រាជធានីភ្នំពេញ ៣-២ ក្លាយជាម្ចាស់ពានឆ្នាំ២០២៦ នេះតែម្ដង។ សិតទី៥ នេះលទ្ធផលគឺប្រដេញគ្នារហូតដល់ ១៤-១៦ ដោយក្រុមអកសមុទ្រជាអ្នកឈ្នះ៕

អត្ថបទដោយ៖ នួន ស៊ីណា