ខេត្តក្រចេះមាន​កំពង់ចម្លង ១២ ទីតាំង បម្រើ​ការ​ដឹកជញ្ជូនសាធារណៈ​ដល់ពលរដ្ឋ​រស់នៅ​តាម​ដងទន្លេមេគង្គ

ខេត្តក្រចេះជាខេត្តមួយមានភូមិសាស្ត្រលាតសន្ធឹងតាម​ដង​ទន្លេមេគង្គ ដែល​ហូរកាត់ប្រវែង ១៤០ គីឡូម៉ែត្រ ហើយ​សព្វថ្ងៃក្នុង​ខេត្តមានកំពង់ចម្លងចំនួន ១២ ទីតាំង មានភាពមមាញឹកក្នុងការបម្រើ​ឲ្យ​ការ​ដឹកជញ្ជូនសាធារណៈក្នុងខេត្តក្រចេះ។

កំពង់ចម្លងទាំង ១២ ទីតាំងខាងលើ ជាកត្តាចម្បងដ៏សំខាន់ ក្នុងការជួយសម្រាលបន្ទុក និងបង្កើននូវភាពងាយស្រួល និងឆាប់រហ័សដល់ប្រជាកសិករ ពាក់ពន្ធ័នឹងវិស័យកសិកម្ម លើការដឹកជញ្ជូន ផលិត​ផលកសិផល ការធ្វើដំណើរទៅមក នៅតាមបណ្ដោយដងទន្លេមេគង្គ​ ទាំងតំបន់មេគង្គលើ និង មេគង្គក្រោម ជារួមនៃខេត្តក្រចេះ។

កំពង់ចម្លងទាំង ១២នោះមាន៖ ១.សំបួរ-កន្ទុយកោះរងាវ ២.ក្បាលស្ពានកកុត-វឌ្ឍនៈ ៣.ឬស្សីចសរ-កែវ ៤.ក្រចេះ-កោះទ្រង់ ៥.តាលុះ-ព្រែកព្រលូង ៦.ព្រែកតាថឹង-កោះច្រែង ៧.កោះច្រែង-ព្រែកប្រសព្វ ៨.ព្រែកសាម៉ាន់-ដីដុះ ៩.ឆ្លូង-កំពង់គរ ១០.ពង្រ-កោះតាស៊ុយ ១១.តាម៉ៅ-កោះតាស៊ុយ ១២.ព្រែកតាហ៊ុប-ភ្នំសុពណ៍កាឡី។

ប្រភពពី​មន្រ្តី​មន្ទីរសាធារណៈការណ និង ដឹកជញ្ជូនខេត្តក្រចេះ អាជីវករ ដែលជាម្ចាស់កម្មសិទ្ធិ និងកំពុងធ្វើអាជីវកម្មកំពង់ចម្លង​ សុទ្ធសឹងជាប្រជាពលរដ្ឋក្នុងតំបន់ដែលបានវិនិយោគចុះបញ្ជីធ្វើអាជីវកម្មតាំង​ពីឆ្នាំ២០១២ រហូតមកដល់បច្ចុប្បន្ន៕

អត្ថបទ៖ ប្រុញ វិធិន