កីឡា
កីឡាការិនី Preeti ចូលរួមក្លិបនៅកម្ពុជា ជាប្រទេសទី ៤ បន្ទាប់ពី ឈ្នះពាន ២ នៅហ្ស៊កដានី
កីឡាការិនីបាល់ទាត់ជម្រើសជាតិនេប៉ាល់ Preeti Rai បានចូលរួមជាមួយក្រុមបាល់ទាត់នារី ព្រះខ័នរាជស្វាយរៀង ដើម្បីត្រៀមខ្លួនប្រកួតលីគបាល់ទាត់នារីកម្ពុជា ដែលបានក្លាយជាប្រទេសទី៤ បន្ទាប់ពីលេងនៅនេប៉ាល់ ឥណ្ឌា និងហ្ស៊កដានី។ នេះបើតាមប្រភពសារព័ត៌មានរបស់ប្រទេសនេប៉ាល់បានផ្សាយ។
កីឡាការិនី Preeti Rai ដែលមាន អាយុ ២១ ឆ្នាំ កម្ពស់ ១.៥៨ ម៉ែត្រ លេងតួនាទីជាខ្សែបម្រើកណ្តាល មានបទពិសោធច្រើនទាំងជម្រើសជាតិនារីនេប៉ាល់ និងក្លិបអាជីព។ ចាប់ផ្តើមអាជីពបាល់ទាត់ដំបូង កីឡាការិនីរូបនេះលេងឲ្យក្រុម APF FC នៅលីគនារីរបស់នេប៉ាល់ ប៉ុន្តែរដូវកាល ២០២៣-២៤ បានចូលរួមជាមួយក្រុមនារី Kickstart ក្នុងលីគនារីរបស់ប្រទេសឥណ្ឌា។ នៅឆ្នាំ ២០២៥ នាងបានចូលរួមជាមួយក្រុមនារី Etihad Women FC ក្នុងប្រទេសហ្ស៊កដានី។
សម្រាប់ការលេងឲ្យក្រុម Etihad Women FC ខ្សែបម្រើ Preeti Rai បានជួយឲ្យក្រុមឈ្នះពាន ២ គឺ ជើងឯកលីគនារីហ្ស៊កដានី (Jordan Women’s Pro League) និងពាន Jordan Women’s Cup មុនពេលផ្លាស់មកចូលរួមជាមួយ ក្រុមនារីព្រះខ័នរាជស្វាយរៀង ដែលជាទំព័រប្រវត្តិសាស្ត្រថ្មីមួយទៀតសម្រាប់នាងក្នុងនាមជាកីឡាការិនីនេប៉ាល់។
បើនិយាយពីក្រុមបាល់ទាត់នារីជម្រើសជាតិ នេប៉ាល់ វិញ Preeti Rai បានជាប់លេងឲ្យក្រុមធំជម្រើសដៃទី ១ តាំងពីអាយុ ១៦ ឆ្នាំ។ បង្ហាញខ្លួនឲ្យក្រុមនារី នេប៉ាល់ លើកដំបូង កាលពីថ្ងៃទី៩ ខែកញ្ញា ឆ្នាំ ២០២១ ជាពេលដែល ក្រុមនារី នេប៉ាល់ ប្រកួតមិត្តភាពអន្តរជាតិជាមួយ ក្រុមនារីបង់ក្លាដែស។ ពេលនោះ នាងស៊ុតចូល ១ គ្រាប់ដ៏ល្អ ប៉ុន្តែ នេប៉ាល់ បានចាញ់ ១-២។
កីឡាការិនី Preeti Rai លេចធ្លោខ្លាំងឲ្យ ក្រុមនារី នេប៉ាល់ ក្នុងព្រឹត្តិការណ៍ប្រកួតជើងឯកនារីអាស៊ីខាងលិច WAFF Women’s Championship ឆ្នាំ ២០២៤។ ពេលនោះ កីឡាការីនីរូបនេះជួយក្រុមនារី នេប៉ាល់ ឈានដល់វគ្គផ្តាច់ព្រ័ត្រដោយទទួលបានចំណាត់ថ្នាក់លេខ ២ បន្ទាប់ពីចាញ់ ក្រុមនារីហ្ស៊កដានី ដោយការទាត់ប៉េណាល់ទីកាត់សេចក្តី ៣-៤ ក្រោយស្មើគ្នា ២-២។
រហូតដល់ពេលនេះ Preeti Rai បានបង្ហាញខ្លួនសម្រាប់ការប្រកួតអន្តរជាតិ ឲ្យក្រុមនារី នេប៉ាល់ បានប្រមាណ ២១ ប្រកួត និងរកបាន ៥ គ្រាប់។ កីឡាការិនីរូបនេះត្រូវបានចាត់ទុកជា អ្នកនាំលេងប្រកបដោយភាពឆ្លាតវៃ និងបច្ចេកទេសដ៏ប៉ិនប្រសប់សម្រាប់ក្រុមនារីនេប៉ាល់៕
អត្ថបទ៖ វិរបុត្រ
-
ព័ត៌មានអន្ដរជាតិ២២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ