កីឡា

សមិទ្ធផលសំខាន់ ៧ សម្រាប់ Kwame Peprah រដូវកាលដំបូងនៅកម្ពុជា

បានផុស

២ ខែ មុន

នៅ

ថ្ងៃអង្គារ ១៩ ឧសភា ២០២៦

ដោយ

ខ្សែប្រយុទ្ធសញ្ជាតិហ្គាណា Kwame Peprah បានក្លាយជាកីឡាករបាល់ទាត់ដែលទទួលបានជោគជ័យជាងគេបំផុតនៅក្នុងលីគបាល់ទាត់កំពូលកម្ពុជា រដូវកាលដំបូង បន្ទាប់ពីរូបគេបានឈ្នះពានជាក្រុម និងពានរង្វាន់ឯកត្តជនជាច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្សែប្រយុទ្ធ Kwame Peprah បានចាកចេញពីក្លិបឥណ្ឌា Kerala Blasters និងបានចូលរួមជាមួយ ព្រះខ័នរាជស្វាយរៀង កាលពីថ្ងៃទី៣ ខែកក្កដា ឆ្នាំ ២០២៥។ សម្រាប់រដូវកាលដំបូងនៅក្នុងប្រទេសកម្ពុជា រូបគេកំពុងទទួលបានជោគជ័យលើសពីការរំពឹងទុក។

សមិទ្ធផលសំខាន់ៗចំនួន ៧ សម្រាប់ Kwame Peprah នៅព្រះខ័នរាជស្វាយរៀង រដូវកាលដំបូង។ ទី១ កីឡាករ Kwame Peprah បានជួយឲ្យឈ្នះពានរង្វាន់បើករដូវកាល ២០២៥-២៦ គឺ ខេមបូឌានស៊ុបភើខាប់ ដែលជាជើងឯក ២ លើកជាប់គ្នាសម្រាប់ ព្រះខ័នរាជស្វាយរៀង។ ទី២. រូបគេបានជួយក្រុមព្រះខ័នរាជស្វាយរៀង ឈ្នះ ជើងឯកលីគបាល់ទាត់កំពូល កម្ពុជា។ ទី៣ រូបគេបានឲ្យក្លិបទទួលបានចំណាត់ថ្នាក់លេខ ២ ពានរង្វាន់អាស៊ី AFC Challenge League។

ទី៤ Kwame Peprah បានឈ្នះពានរង្វាន់កីឡាករល្អបំផុតប្រចាំរដូវកាលនៃខេមបូឌានបូឌាព្រីមៀរលីគ។ ទី៥ រូបគេបានឈ្នះពានស្បែកជើងមាស ក្នុងនាមជាកីឡាកររកបានគ្រាប់បាល់ច្រើនជាងគេចំនួន ២៤ ក្នុងលីគកំពូលកម្ពុជា។ ទី៦ រូបគេបានឈ្នះពានកីឡាករជម្រើស ១១ ល្អបំផុតប្រចាំរដូវកាល។

ទី៧ កីឡាករសញ្ជាតិហ្គាណារូបនេះ បានឈ្នះពានស្បែកជើងមាស ក្នុងពានរង្វាន់អាស៊ី AFC Challenge League ដោយរកបាន ៨ គ្រាប់ ដែលបានក្លាយជាកីឡាករមកពីលីគកម្ពុជាដំបូងគេបានឈ្នះពានកម្រិតអាស៊ី។