ទុស្សេខ្សែភ្លើងឆេះផ្ទះមួយខ្នង ស្លាប់មនុស្សក្នុងគ្រួសារ ៦ នាក់ រួចខ្លួនប្តីម្នាក់

សមាជិកក្នុងគ្រួសារមួយចំនួន០៦នាក់បានស្លាប់ ក្នុងហេតុការណ៍ទុស្សេខ្សែភ្លើងឆេះផ្ទះមួយខ្នង កាលពីម៉ោង ០៨:៤០ នាទីយប់ ថ្ងៃទី ០៩ ខែឧសភា ឆ្នាំ២០២១ នៅចំណុចអ្នកតារាជ ស្ថិតក្នុងភូមិដើមជ្រៃ ឃុំខុនរ៉ង់ ស្រុកបរិបូណ៌ខេត្តកំពង់ឆ្នាំង។

អធិការរងនគរបាលស្រុកបរិបូណ៍ លោក ផល សុភាព បានឱ្យដឹងថា ផ្ទះជនរងគ្រោះមានទំហំ ៧ ម៉ែត្រគុណ និង១២ សង់ពីសរសរដែក ជញ្ជាំង និងដំបូលសង្កសី។

ម្ចាស់មានឈ្មោះ នន់ សារ៉េត ភេទប្រុសជាមេគ្រួសារ រស់នៅភូមិដើមជ្រៃ ឃុំខុនរ៉ង ស្រុកបរិបូណ៌ ខេត្តកំពង់ឆ្នាំង ខណៈផ្ទះឆេះអស់ទាំងស្រុងនិងបានស្លាប់មនុស្សចំនួន ៦នាក់ ក្នុងនោះមានទាំងម្ដាយមានផ្ទៃពោះនិងកូនៗ។

តាមការអះអាងរបស់សមត្ថកិច្ច ចំពោះមូលហេតុ ដោយសារការទុស្សេខ្សែភ្លើងពេល យប់ក្នុងពេលម្ចាស់ដេកលង់លក់។

ប្រតិបត្តិការពន្លត់ សមត្ថកិច្ចប្រើរថយន្ត៣គ្រឿង ប្រើទឹកអស់ចំនួន ៣ រថយន្តទើបរលត់ទាំងស្រុង។

ជនរងគ្រោះមូយគ្រួសារ ចំនួន៦នាក់ បានស្លាប់ទាំង អស់ គឺរួចខ្លួនតែបុរសជាប្ដីម្នាក់ឈ្មោះ នួន សារ៉េត តែប៉ុណ្ណោះ៕

អត្ថបទ៖ ឈៀង ថារិទ្ធ