ខេត្តព្រៃវែងរកឃើញអ្នកឆ្លងជំងឺកូវីដ ​ថ្មីចំនួន២៨នាក់បន្ថែម និងស្លាប់២នាក់

រដ្ឋបាលខេត្តព្រៃវែង នៅថ្ងៃទី៥ ខែកក្ដដា ឆ្នាំ២០២១ បានប្រកាសរកឃើញអ្នកឆ្លងជំងឺកូវីដ-១៩ ថ្មីចំនួន២៨​នាក់​បន្ថែមទៀត នៅក្នុងមូលដ្ឋានស្រុកចំនួន១០ និងមកពីខេត្តកណ្ដាល១នាក់ តាមរយៈការធ្វើតេស្តរហ័ស (Rapid Test) ។​ ហើយនៅថ្ងៃទី៥ ខែកក្ដដា នេះដែរ រដ្ឋបាលខេត្តក៏បានប្រកាស​មានករណីស្លាប់២នាក់ ដោយ​សារជំងឺកូវីដ-១៩ នេះដែរ។

រដ្ឋបាលខេត្តបានបញ្ជាក់ថា ស្រុកដែលរកឃើញអ្នកឆ្លងជំងឺកូវីដ-១៩ នេះរួមមាន៖ ១- ស្រុកពារាំង ចំនួន ​១១នាក់។ ២- ស្រុកព្រះសេ្តច ចំនួន៤នាក់។ ៣-ស្រុកពាមជរ ចំនួន៣នាក់។ ៤-ស្រុកមេសាង ចំនួន២នាក់។៥- ស្រុកកញ្ច្រៀច ចំនួន​២នាក់។ ៦- ស្រុកពាមរក៍ ចំនួន១នាក់។ ៧- ស្រុកបាភ្នំ ចំនួន១នាក់។ ៨ ស្រុក​ស៊ីធរកណ្តាល ចំនួន១នាក់ ៩- ស្រុកកំពង់​ត្របែក ចំនួន១នាក់។ ១០-ស្រុកកំចាយមារ ចំនួន១នាក់។ ១១-មកពីខេត្តកណ្ដាល ចំនួន១នាក់។

អ្នកវិជ្ជមានជំងឺកូវីដ-១៩ ទាំង២៨នាក់ខាងលើ ត្រូវបានបញ្ជូនទៅ​សម្រាកព្យាបាលនៅមន្ទីរពេទ្យបង្អែក​ខេត្ត និងតាមមន្ទីរ​ពេទ្យ​បង្អែកស្រុករបស់ពួកគេនីមួយៗ។

គិតត្រឹមថ្ងៃទី៥ ខែកក្ដដា ឆ្នាំ២០២១នេះ ខេត្តព្រៃវែងមានអ្នកឆ្លងជំងឺកូវីដ-១៩ សរុប១,៧៩៤នាក់ ជាសះ​ស្បើយ​១,២១១នាក់ កំពុងសម្រាកព្យាបាល៥៥៥នាក់ និងស្លាប់២៨នាក់៕

អត្ថបទ ៖ សុខុម