ព្រះបដិមាបរិនិពា្វនបិតមាសសុទ្ធមានដំបូងគេ ក្នុងវត្តដំណាក់

ថ្មីៗនេះនៅក្នុងវត្តដំណាក់ សង្កាត់សាលាកម្រើក ក្រុងសៀមរាប ខេត្តសៀមរាបបានកសាងព្រះបដិមាបរិនិពា្វនបិតមាសសុទ្ធយ៉ាងល្អឯកជាទីទាក់ទាញពុទ្ធបរិស័ទចំណុះជើងវត្ត។

លោកគ្រូ ធម្មាចារ្យ កែវ វិមុត្ត ដែលជាអ្នកផ្តួចផ្តើមកសាងព្រះបដិមាបរិនិពា្វនបិតមាសនេះលើកពី​គោល​បំណង ដើម្បី​ទុកជាការគោរពបូជា និងជាការរំលឹកដឹងគុណព្រះអង្គចូលបរិនិពា្វន្ត។

គម្រោងនៃការកសាងសម្មិទ្ធផលក្នុងវត្តដំណាក់មានចំនួនបី គឺរូបដំរីបាលិលេយ្យបិតមាស ព្រះបដិមាបរិនិព្វានបិតមាសសុទ្ធដែលធ្វើបានសម្រេចរួចហើយ និងបន្តធ្វើពិដានពីស្ពាន់បិតមាសជាកងចក្រផ្កាឈូកចំនួន១០៨ទៀត។

លោកគ្រូ ធម្មាចារ្យ បន្តទៀតថា ទោះជាមិនបានឃើញព្រះពុទ្ធអង្គចូលនិព្វានមានលោមពណ៌ស្រស់ស្អាតម្តង នឹងនៅពេលព្រះអង្គចូលបរិនិពានម្តងទៀតមានលោមពណ៌ស្រស់ស្អាត តែបើបានមកឃើញព្រះបដិមាបរិនិព្វានបិតមាសក្នុងវត្តដំណាក់ពិតជាភ្ញាក់ផ្អើល ពេលឃើញព្រះវរកាយមានពន្លឺស្អាតពីរពណ៌។

លោកគ្រូ ធម្មាចារ្យ បញ្ជាក់ទៀតថា ក្នុងគម្រោងក្នុងការកសាងព្រះបដិមាបរិនិព្វានបិតមាស ដំរីបាលិលេយ្យ​បិតមាស ពិដានកុដិបិតមាសជាកងចក្រផ្កាឈូក១០៨ ជាការកើតចេញពីសទ្ធាជ្រះថ្លាពុទ្ធបរិស័ទជិតឆ្ងាយនិងក្រៅប្រទេសផងដែរ៕

អត្ថបទ៖ កញ្ញា វ៉ាត.