ព័ត៌មានជាតិ

យុវជន៣នាក់ ជាប់អន្ទាក់សមត្ថកិច្ច ក្រោយ លួចកាច់កម៉ូតូមួយគ្រឿង យកមកលាក់ទុក

បានផុស

៥ years មុន

នៅ

ថ្ងៃព្រហស្បតិ៍ ២៩ កក្កដា ២០២១

ដោយ

យុវជនទំនើង៣នាក់ ដែលលួចកាច់កម៉ូតូមួយគ្រឿងពីស្រុកកំពង់លែង យកមកលាក់ទុកនៅស្រុកជលគិរី ត្រូវបានសមត្ថកិច្ចនគរបាលប៉ុស្តិ៍រដ្ឋបាលឃុំកោះថ្កូវឃាត់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចនគបាលមូលដ្ឋានបានឲ្យដឹងថា ករណីខាងលើនេះ បានកើតឡើងនៅវេលាម៉ោង១០ និង០០នាទីថ្ងៃ២៨ ខែកក្កដា ឆ្នាំ២០២១ នៅចំណុចមាត់ស្ទឹងសំរោងសែន ក្នុងភូមិសំរោងសែន ឃុំសំរោងសែន ស្រុកកំពង់លែង។ ម្ចាស់ម៉ូតូជាជនរងគ្រោះត្រូវចោរលួចយកម៉ូតូ ឈ្មោះ ម៉ាន ម៉ាច ភេទប្រុស អាយុ២៧ឆ្នាំ រស់ភូមិធ្លក ឃុំច្រណូក ស្រុកកំពង់លែង ខេត្តកំពង់ឆ្នាំង។

សមត្ថកិច្ចនគរបាលប៉ុស្តិ៍រដ្ឋបាលឃុំកោះថ្កូវបានឲ្យដឹង នៅព្រឹកថ្ងៃទី២៩ ខែកក្ដដា ឆ្នាំ២០២១ នេះថា ករណីលួចខាងលើនេះ បង្កឡើងដោយជនសង្ស័យចំនួន៣នាក់ ទី១.ឈ្មោះ គង់ ភាស់ ភេទប្រុស អាយុ១៩ឆ្នាំ រស់នៅភូមិកោះលត ឃុំកោះថ្កូវ ស្រុកជលគិរី, ទី២.ឈ្មោះ រ៉ុន ចំរ៉ុង ភេទប្រុស អាយុ១៧ឆ្នាំរ ស់នៅភូមិសំរោងសែន ឃុំសំរោង សែនស្រុកកំពង់លែង និងទី៣.ឈ្មោះ ឆឺយ សុភ័ក្រ ភេទប្រុស អាយុ១៧ឆ្នាំ រស់នៅភូមិសំរោងសែន ឃុំសំរោងសែនស្រុកកំលែង ។

ចំណែកម៉ូតូដែលត្រូវក្រុមចោរលួចនោះម៉ាកហុងដាទ្រីម ពណ៌ខ្មៅគ្មានខោអាវទេ ពាក់ស្លាកលេខកំពង់ឆ្នាំង1B.5757 ម្ចាស់រវល់ចុះទៅដាក់លាន់អន្ទង់ ហើយបានចត់ម៉ូតូទុកនៅមាត់ស្ទឹងកន្លែងកើតហេតុ ក៏ត្រូវបានជនសង្ស័យទាំង៣នាក់ខាងលើ លួចជិះយកមកផ្ទះរបស់ជនសង្ស័យឈ្មោះ គង់ ភាស់ នៅភូមិកោះលត ឃុំកោះថ្កូវ ស្រុកជលគិរី ។

សមត្ថកិច្ចបានបញ្ជាក់ថា ក្រោយពីទទួលបានបទបញ្ជារពីលោកវរសេនីយ៍ឯក ពេជ្រ សុខឿ នាយការិយាល័យព្រហ្មទណ្ឌកម្រិតស្រាលស្នងការនគរបាលខេត្តកំពង់ឆ្នាំង កម្លាំងជំនាញបានសហការណ៍ជាមួយកម្លាំងប៉ុស្តិនគរបាលរដ្ឋបាលកោះថ្កូវចុះស្រាវជ្រាវ ឃាត់ខ្លួនជនសង្ស័យចំនួន ៣ នាក់ កសាងសំណុំរឿងតាមនីតិវិធី។ ចំណែកវត្ថុតាងម៉ូតូ១គ្រឿង មានភិនភាគដូចខាងលើយកមករក្សាទុកបណ្ដោះអាសន្ននៅប៉ុស្តិ៍នគរបាលរដ្ឋបាលកោះថ្កូវ រង់ចាំប្រគល់ឲ្យមន្ត្រីជំនាញនគរបាលស្រុកកំពង់លែងយកប្រគល់ឲ្យម្ចាស់គាត់វិញ៕

អត្ថបទ៖ ឈៀងថារិទ្ធ

Related Topics:ខេត្តកំពង់ឆ្នាំង