ជីវិតកម្សាន្ដ

លោកគ្រូ អៀង ស៊ីធុល វះកាត់ជំងឺសរសៃបេះដូងដំណាក់កាលទី៣

បានផុស

៥ years មុន

នៅ

ថ្ងៃចន្ទ ៩ សីហា ២០២១

ដោយ

វីរសិល្បករជើងចាស់លោកគ្រូ អៀង ស៊ីធុល ស្របពេលដែលបាត់មុខពីសិល្បៈអស់មួយរយៈធំនោះកាលពីថ្មីៗកន្លងទៅឮដំណឹងភ្ញាក់ផ្អើលថា បច្ចុប្បន្នលោកគ្រូកំពុងធ្លាក់ខ្លួនឈឺធ្ងន់ចេញទៅនិងព្យាបាលនៅឯក្រៅប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានបានឲ្យដឹងថា លោកគ្រូ អៀង ស៊ីធុលពេលនេះ កំពុងតែសម្រាកព្យាបាលជំងឺបេះដូងកម្រិតធ្ងន់។ ម្យ៉ាងទៀតមុននេះ ក៏មានព័ត៌មានទៀតថា លោកគ្រូ អៀង ស៊ីធុល ត្រូវចូលវះកាត់ជំងឺសរសៃបេះដូងដំណាក់កាលទី៣ នៅអាមេរិកផងដែរ។ ប្រភពបានលើកឡើងថា ចំពោះការវះកាត់ដំណាក់ កាលទី៣នេះគឺទទួលលទ្ធផលបានជោគជ័យបន្ទាប់ពីសន្លប់រយៈពេល១ខែលើគ្រែពេទ្យ។ សម្រាប់ដំណាក់កាលទី៣នេះ ត្រូវចោះនិងកាត់សរសៃជើងមកតសរសៃបេះដូង។

បន្ទាប់ពីការព្យាបាលយ៉ាងជំនាញរបស់ក្រុមគ្រូពេទ្យអាមេរិកកាលពីថ្ងៃទី០២ ខែសីហា ឆ្នាំ២០២១លោកគ្រូបានចេញពីពេទ្យទៅសម្រាកនៅផ្ទះកូនស្រីនៅរដ្ឋម៉ាស្សាឈូសេតសហរដ្ឋអាមេរិកវិញហើយ។ យ៉ាងណាមិញក្រោយទទួលបានការវះកាត់រួចរាល់ហើយ លោកគ្រូ អៀង ស៊ីធុល ឥឡូវនេះហាក់មានសភាពធូរស្រាលខ្លះ គ្រាន់តែត្រូវប្រើពេលច្រើនខែទៀតទើបលោកគ្រូអាចវិលមករកសភាពដូចដើមវិញ។

គេសង្កេតឃើញថា តារាចម្រៀងជើងចាស់និងជាសាស្ត្រាចារ្យផ្នែកសិល្បៈបុរាណលោក អៀង ស៊ីធុល បានស្ងប់ស្ងាត់ពីសិល្បៈមានរយៈពេលយូរហើយទើបតែថ្មីៗនេះធ្លាយដំណឹងនៃការធ្លាក់ខ្លួនឈឺធ្វើឲ្យមហាជននិងអ្នកគាំទ្របារម្ភគ្រប់គ្នា៕

អត្ថបទ៖ ចាន់រ៉ា