KPT+
រលាកស្បែកដោយពន្លឺព្រះអាទិត្យ ចេះវិធីនេះអាចជួយកែខៃបាន
យោងតាមការសិក្សារដែលបានបោះពុម្ភផ្សាយដោយ Journal Cancer Epidemiology, Biomarkers and Prevention បានបង្ហាញថា ស្ត្រីដែលមានចំណុចពងបែកលើស្បែករលាកដោយសារកម្ដៅថ្ងៃចាប់ពី៥ចំណុចឡើងទៅ អាយុចន្លោះពី១៥ទៅ២០ឆ្នាំ គឺងាយនឹងប្រឈមនឹងជំងឺមហារីកស្បែក Melanoma ដែលជាជំងឺមហារីកស្បែកដ៏កាចសាហាវមួយ រហូត ៨០%។ ទោះបីបញ្ហានេះកើតមានរយៈពេលខ្លីក៏ពិតមែន ប៉ុន្តែការរលាកស្បែកដោយកំដៅថ្ងៃអាចបង្កឲ្យមានការខូចខាតស្បែករយៈពេលវែងបានដោយបង្កឲ្យកើនឡើងការប្រឈមកើតជំងឺមហារីកស្បែក ស្បែកជ្រីវជ្រួញ និងចំណុចរលាកដោយកម្ដៅថ្ងៃកាន់តែខ្ពស់។
រលាកកម្ដៅថ្ងៃគឺជាបញ្ហាខូចស្បែកដែលបង្កឡើងដោយកាំរស្មី អុលត្រាវីយ៉ូលេ (Ultraviolet ray – កាំរស្មីពណ៌ស្វាយរបស់ព្រះអាទិត្យ) នៅពេលដែលចេញក្រៅក្រោមកម្ដៅថ្ងៃយូរ។ ស្បែកដែលរលាកនឹងប្រែទៅជាពណ៌ក្រហម ក្ដៅឧណ្ឌៗ ឈឺនិងក្រហាយ។ បន្ទាប់ពីប៉ុន្មានថ្ងៃក្រោយមក ស្បែកចាប់ផ្ដើមប្រេះ និងរលាត់ ហើយជាធម្មតាវានឹងជាទៅវិញ ក្នុងចន្លោះពេល ៧ថ្ងៃ។ ការរលាកដោយកម្ដៅថ្ងៃ ជាទូទៅគឺមានរយៈពេលខ្លី និងមិនធ្ងន់ធ្ងរទេ ប៉ុន្តែ វាជាការសំខាន់ដែលត្រូវព្យាបាលដើម្បីការពារកុំឲ្យមានការខូចខាតស្បែកកាន់តែខ្លាំងទៀត។
១- ត្រូវនៅឆ្ងាយពីពន្លឺព្រះអាទិត្យ
នៅពេលដែលយើងមានអារម្មណ៍ថារលាកកម្ដៅថ្ងៃហើយ សូមស្វែងរកកន្លែងដែលម្លប់និងគ្រប់រាងកាយភ្លាម។ បើសិនយើងនៅឯឆ្នេរសមុទ្រ ឬនៅអាងហែលទឹក សារធាតុដូចជាទឹកអំបិល និងជាតិក្លរីនដែលមាននៅក្នុងទឹកនឹងធ្វើឲ្យស្បែកកាន់តែឈឺចាប់នឹងអាចបង្កជាការបង្ករោគបានទៀតផង។
២- ត្រូវធ្វើឲ្យស្បែកត្រជាក់
ការងូតទឹកត្រជាក់អាចបន្ធូរបញ្ហារលាកស្បែកបាន។ បើសិនយើងនៅជិតអាង ស្រះ ឬសមុទ្រដែលមានទឹកត្រជាក់ យើងគួរតែត្រាំខ្លួននៅក្នុងនោះឲ្យបានមួយភ្លែតសិន មុននឹងស្វែងរកកន្លែងជ្រកម្លប់។ ប៉ុន្តែត្រូវប្រុងប្រយ័ត្ន មិនត្រូវត្រាំយូរពេកទេ ព្រោះវាអាចធ្វើឲ្យយើងប៉ះពន្លឺថ្ងៃកាន់តែយូរ។ យើងត្រូវបន្តស្អំបន្ទះដែលត្រជាក់នៅកន្លែងដែលរលាក ដូចជាប្រើទឹកកកជាដើម ប៉ុន្តែយើងមិនត្រូវស្អំទឹកកកដោយផ្ទាល់ទៅលើកន្លែងដែលរលាកទេ ជំនួសវិញគួររុំកន្សែងដែលមានកញ្ចប់ទឹកកក ទៅកន្លែងដែលប៉ះពាល់នោះប្រហែល ៥នាទី។ យើងត្រូវស្អំកន្លែងនោះម្ដងទៀត ជាច្រើនដងក្នុងមួយថ្ងៃបើសិនជានៅតែមានបញ្ហា។
៣- ធ្វើឲ្យស្បែកដែលមានបញ្ហាមានសំណើម
បន្ទាប់ពីងូតទឹករួច សូមប្រើឡូសិនដែលផ្ដល់សំណើមស្បែក លាបពីលើស្រទាប់ស្បែកខាងលើបំផុត ដើម្បីការពារវាពីការបង្ករោគនិងរលាក។ សូមចៀសវាងកុំប្រើផលិតផលដែលមានក្លិនក្រអូប ហើយសូមជ្រើសយកផលិតផលដែលផ្ដល់សំណើមស្បែកធម្មតាដែលអាចការពារនិងបន្ទន់ស្បែកបាន។ សូមបន្តធ្វើឲ្យស្បែកដែលរលាកឬដែលរបកនោះ មានសំណើមរហូតច្រើនជាងពីរបីថ្ងៃ។
៤- សូមស្លៀកពាក់ខោអាវរលុង
ខោអាវរលុងនឹងជួយឲ្យយើងកាន់តែមានអារម្មណ៍សុខស្រួលជាងមុន រហូតដល់ពេលដែលជាពីការរលាក។ យើងក៏គួរតែដោះជញ្ជៀនដែលតឹង ខ្សែដៃ ឬនាឡិកា បើសិនដៃ រលាក និងហើម។ ខោអាវដែលតឹងនឹងធ្វើឲ្យស្បែកដែលមានបញ្ហានោះកាន់តែឈឺចាប់នឹងកាន់តែខូច។
៥- ញ៉ាំទឹកឲ្យច្រើន
ការរលាកស្បែកដោយសារកម្ដៅថ្ងៃនឹងទាញយកជាតិទឹកពីក្នុងខ្លួនចេញទៅលើផ្ទៃខាងក្រៅរបស់ស្បែក ដូចនេះដើម្បីបង្គ្រប់ជាតិទឹកដែលបាត់បង់ សូមញ៉ាំទឹកឲ្យច្រើនដើម្បីកុំឲ្យយើងបាត់បង់ជាតិទឹក។
៦- ប្រើថ្នាំពេទ្យ
អ្នកអាចកាត់បន្ថយការរលាកដោយប្រើថ្នាំប្រឆាំងនឹងការរលាក។ វាមិនត្រឹមតែជួយកាត់បន្ថយការហើមនិងក្រហមប៉ុណ្ណោះទេ ប៉ុន្តែវាថែមទាំងជួយយើងកាត់បន្ថយការឈឺចាប់ខ្លាំងទៀតផង។ ពពួកថ្នាំដែលមិនត្រូវការវេជ្ជបញ្ជាដូចជា អ៊ីប៊ុយប្រូហ្វែន (Ibuprofen) ណាប្រុកហ្សែន (Naproxen) ឬអាស្ពៀរីន គឺសុទ្ធតែអាចជួយបាន។ នៅពេលដែលការហើមបានស្រកហើយនោះ កោសិកាស្បែកអាចនឹងជួសជុលកន្លែងដែលរលាកនោះ នឹងបង្កើតកោសិកាស្បែកថ្មី។
៧- ការពារកន្លែងដែលមានពងបែកលើស្បែក
ការរលាកស្បែកកម្រិតពីរ អាចបង្កឲ្យមានពងបែកបាន។ បើសិនជាមានពងបែក សូមកុំបំបែកឬបកវាឲ្យសោះ។ សូមរក្សាស្បែកកន្លែងនោះឲ្យស្អាត ស្ងួត និងរុំវា ឬគ្របវាដោយប្រើបង់រុំ អំឡុងពេលថ្ងៃ។ អ្នកអាចយកបង់រុំចេញ និងរុំរបួសរលាកនោះសើរៗជាមួយបង់រុំដែលអាចឲ្យស្បែកទទួលបានខ្យល់ និងការពារពីការរមាស់ ឬរលាកបាន។ សូមលាបថ្នាំផ្សះសម្រាប់លាបលើស្បេក ប្រសិនបើពងបែកនោះ ធ្លាយបែក និងរុំវាជាមួយនឹងបង់រុំរបួស។
៨- ការពារពីការខូចស្បែកដោយសារពន្លឺព្រះអាទិត្យទៅថ្ងៃមុខ
ខណៈដែលស្បែកដែលរលាកកំពុងជាសះស្បើយ ជាចាំបាច់ដែលត្រូវការពារវាពីការប៉ះពាល់ជាមួយពន្លឺថ្ងៃបន្ថែមទៀត។ ដូចនេះ សូមស្ថិតនៅក្នុងម្លប់ ពាក់ខោអាវការពារពីពន្លឺព្រះអាទិត្យ និងជាពិសេសទៀតនោះ គឺត្រូវលាបផលិតផលការពារពន្លឺថ្ងៃ។ យើងគួរតែរកជំនួយពីគ្រូពេទ្យប្រសិនបើមានពងបែកលើស្បែកក្នុងកម្រិតធ្ងន់ធ្ងរ លើផ្នែកជាច្រើនរបស់រាងកាយ មានគ្រុនក្ដៅ រងារញាក់ ឬបើសិនពងបែកទាំងនោះមានខ្ទុះដែលបង្ហាញថាជាសញ្ញានៃការបង្ករោគកើតឡើង៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ប្រយ័ត្នផង! អាកាសធាតុក្ដៅអាចប៉ះពាល់ការដកដង្ហើម និងសួត
ចុចអាន៖ ប្រើក្រែមកម្ដៅថ្ងៃ SPF ប៉ុន្មានជាន់ ទើបការពារមហារីកបាន?
ស្រុកសំឡូត តំបន់កសិកម្មដ៏ល្បីមានច្រកទ្វារព្រំដែន ៤ កន្លែងសម្រាប់ទំនាក់ទំនងជាមួយថៃ
ប្រធាន IAEA៖ អ៊ីរ៉ង់អាចចាប់ផ្ដើមចម្រាញ់អ៊ុយរ៉ាញូមឡើងវិញនៅ«ប៉ុន្មានខែខាងមុខ»
លោក ត្រាំ៖ ការចោទប្រកាន់អំពើពុករលួយលើ ណេតាន់យ៉ាហ៊ូ គឺជា«រឿងឆ្កួតលីលា»
អភិបាលខេត្តពោធិ៍សាត់ ចុះត្រួតពិនិត្យបទល្មើសនេសាទក្នុងរដូវបិទ រកឃើញមានត្រីកើនឡើងជាងឆ្នាំមុន
លោក ហេង សួរ ឯកភាពជាមួយ CDRI ដើម្បីសិក្សាស្រាវជ្រាវពីវឌ្ឍនភាពតម្រូវការជំនាញនៅលើទីផ្សារ
លោកស្រី បាន ស្រីមុំ៖ អភិបាលខេត្តស្រះកែវ អត់ដឹងប្រវត្តិស្ពានព្រំ-បានប៉ាក់កាដ
រកឃើញសពម្ចាស់ទូកដ ២ នាក់ ប្ដីប្រពន្ធ បាត់ខ្លួនក្នុងហេតុការណ៍លិចទូក ម្សិលមិញ
បង្ហាញខ្លួនលើកនេះ ភរិយា និងកូនស្រីលោក គីម ស្ពាយកាបូប ពាក់នាឡិកាខ្ទង់ម៉ឺនដុល្លារ
សម្ដេចតេជោផ្ញើសារប្ដេជ្ញាការពារទឹកដីក្នុងពិធីខួបបក្សដែលធ្វើនៅទល់មុខស្ថានទូតថៃ
ពលករខ្មែរម្នាក់ដែលពេទ្យថៃទុកចោល ត្រូវបានអភិបាលខេត្តប៉ៃលិនអន្តរាគមសង្គ្រោះ ផ្តល់ទាំងថ្លៃព្យាបាល និងធ្វើដំណើរ
-
ព័ត៌មានអន្ដរជាតិ៤ ថ្ងៃ agoពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
-
ព័ត៌មានអន្ដរជាតិ១ ថ្ងៃ agoផែថងថាន លើកយកជម្លោះព្រំដែនកម្ពុជា-ថៃនិងឧក្រិដ្ឋកម្មអនឡាញ ពិភាក្សាជាមួយ ម៉ាក្រុង
-
សន្តិសុខសង្គម២ ថ្ងៃ agoអាជ្ញាធរខេត្តព្រះវិហារ ដុតកម្ទេចចោលដូងក្រអូប១៥០០គីឡូក្រាម ដែលលួចនាំចេញពីថៃ ឆ្លងកាត់ប្រទេសឡាវចូលមកកម្ពុជាដោយខុសច្បាប់
-
ព័ត៌មានអន្ដរជាតិ៦ ថ្ងៃ agoរុស្ស៊ី អះអាងថា ប្រទេសមួយចំនួន ត្រៀមបញ្ជូនក្បាលគ្រាប់នុយក្លេអ៊ែរ ឲ្យអ៊ីរ៉ង់ ដោយផ្ទាល់
-
ព័ត៌មានជាតិ៥ ថ្ងៃ agoកម្ពុជា ទទួលរងឥទ្ធិពលពីព្យុះមួយទៀត គឺព្យុះទី២ ឈ្មោះ សេពផេត
-
ព័ត៌មានជាតិ៦ ថ្ងៃ agoជប៉ុន ប្រកាសពង្រឹងទំនាក់ទំនងកងទ័ពជាមួយកម្ពុជាឱ្យកាន់តែរឹងមាំ
-
នយោបាយ៦ ថ្ងៃ agoក្រោយបិទនាំចូលឥន្ធនៈនាយករដ្ឋមន្ត្រីថានៅអាចឆ្លើយតបថែមទៀតបើថៃចង់លេង
-
ព័ត៌មានអន្ដរជាតិ៦ ថ្ងៃ agoPTT៖ ការផ្អាកនាំចូលប្រេងថៃរបស់កម្ពុជា មិនប៉ះពាល់ធ្ងន់ធ្ងរដល់ចំណូលក្រុមហ៊ុនទេ