សុខភាព

ស្រីៗចង់បានស្បែកភ្លឺរលោង និងបន្ថែមជាតិទឹកដល់ស្បែក គួរទទួលទានអាហារ ៩ មុខនេះ

បានផុស

៣ years មុន

នៅ

ថ្ងៃពុធ ១៤ មិថុនា ២០២៣

ដោយ

ស្រីៗប្រាកដជាដឹងហើយថា ការផឹកទឹកឲ្យបានគ្រប់គ្រាន់ជារៀងរាល់ថ្ងៃនឹងជួយឲ្យស្បែកស្អាត។ ទន្ទឹមនឹងការជ្រើសរើសផលិតផលថែរក្សាស្បែក ដើម្បីបន្ថែមជាតិទឹកដល់ស្បែក ផ្តល់សំណើមគ្រប់ពេលវេលា មានវិធីមួយទៀតដែលអាចជួយបន្ថែមជាតិទឹកដល់ស្បែកភ្លឺថ្លាតាមបែបធម្មជាតិ នោះគឺជ្រើសរើសទទួលទានអាហារដែលមានជាតិទឹកច្រើន។

១ ត្រសក់ ត្រសក់ជាបន្លែដែលមានជាតិទឹកដល់ទៅ ៩៧% ហើយសម្បូរវីតាមីន និងសារធាតុរ៉ែ ដែលមានតួនាទីជួយរក្សាជាតិទឹកដល់ស្បែក វាធ្វើឲ្យស្បែករបស់មនុស្សស្រីភ្លឺថ្លា ហើយក៏ជួយបំបាត់ភាពជ្រីវជ្រួញបានយ៉ាងល្អ។

២ ឆៃថាវ ឆៃថាវ សម្បូរទៅដោយសារធាតុប្រឆាំងអុកស៊ីតកម្ម ទឹក និងសារធាតុ glycrosides ដែលជាសារធាតុជួយចិញ្ចឹមស្បែក ក៏ដូចជាជួយកាត់បន្ថយស្នាមមុន។ យ៉ាងណាក៏ដោយ បើតាមសៀវភៅសិក្សាចិនបានកត់ត្រាទុកថា ឆៃថាវ មានប្រសិទ្ធិភាពធ្វើឲ្យរាងកាយត្រជាក់ និងជួយកាត់បន្ថយកម្ដៅនៅលើស្បែកពីការប៉ះពាល់នឹងពន្លឺព្រះអាទិត្យ ដូច្នេះហើយក៏ជួយប្រឆាំងនឹងស្នាមជាំ ដែលបណ្ដាលមកពីត្រូវបានត្រូវពន្លឺថ្ងៃផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៣ ផ្កាខាត់ណា ផ្កាខាត់ណាសម្បូរទៅដោយវីតាមីន និងសារធាតុរ៉ែជាច្រើនដែលមានប្រយោជន៍សម្រាប់ស្បែក។ វីតាមីន និងសារធាតុរ៉ែដ៏សម្បូរបែបដែលមាននៅក្នុងផ្កាខាត់ណាជួយចិញ្ចឹម និងផ្តល់សំណើមដល់ស្បែក។ វាក៏ជួយការពារជំងឺមហារីកស្បែក ពីការប៉ះពាល់នឹងកាំរស្មីយូវីផងដែរ។

៤ ផ្កាខាត់ណាខៀវ ផ្កាខាត់ណាខៀវសម្បូរទៅដោយវីតាមីន A វីតាមីន C និងសារធាតុប្រឆាំងអុកស៊ីតកម្មដែលមានឥទ្ធិពលប្រឆាំងនឹងជំងឺមហារីក។ សំខាន់សារធាតុចិញ្ចឹមទាំងនេះក៏ជួយស្តារសំណើមដល់ស្បែកបានយ៉ាងល្អផងដែរ។

៥ ផ្លែស្ត្របឺរី ផ្លែស្ត្របឺរីសម្បូរទៅដោយវីតាមីន C ខ្ពស់។ វាក៏មានផ្ទុកនូវសារធាតុប្រឆាំងអុកស៊ីតកម្មដែលជួយពន្លឿនការផ្លាស់ប្តូរកោសិកាស្បែកដែលស្រអាប់ក៏ដូចជាបន្ថែមភាពភ្លឺថ្លា និងភ្លឺថ្លាដល់ស្បែក វាក៏ជួយឲ្យស្បែករលោងផងដែរ។

៦ ផ្លែស្ពឺ ផ្លែស្ពឺសម្បូរទៅដោយវីតាមីន C និងវីតាមីន E ខ្ពស់។ សារធាតុចិញ្ចឹមទាំងនេះជួយបន្សាបរ៉ាឌីកាល់សេរី។ ទន្ទឹមនឹងការជួយបំប៉នស្បែក វាសំខាន់វាក៏ជួយឲ្យស្បែកភ្លឺថ្លា កាត់បន្ថយស្នាមជាំ អាចម៍រុយ និងស្នាមអុចខ្មៅដែលបណ្ដាលមកពីមុនផងដែរ។

៧ ឪឡឹក ឪឡឹកមានផ្ទុកសារធាតុ Lycopene ដែលជាសារធាតុជួយប្រឆាំងរ៉ាឌីកាល់សេរី និងការពារជំងឺមហារីកផងដែរ។ ឪឡឹកក៏ត្រូវបានគេចាត់ទុកថាជាផ្លែឈើមានជាតិទឹក ដែលជួយបំបាត់ការស្រេកទឹកក្នុងកម្ដៅ។ វាក៏ជួយស្បែករបស់ពេញដោយទឹកផងដែរ។

៩ ប៉េងប៉ោះ ប៉េងប៉ោះមានផ្ទុកសារធាតុ Lycopene ដែលសារធាតុនេះជួយកាត់បន្ថយស្នាមជ្រួញ ជួយឲ្យស្បែកភ្លឺថ្លា និងពណ៌ផ្កាឈូក ជួយប្រឆាំងនឹងស្នាមជាំ អាចម៍រុយ និងស្នាមអុចខ្មៅ លើសពីនេះ ប៉េងប៉ោះក៏ជួយកាត់បន្ថយជាតិខ្លាញ់នៅលើផ្ទៃមុខបានយ៉ាងល្អផងដែរ។

៩ ត្រសក់ស្រូវ ត្រសក់ស្រូវសម្បូរទៅដោយវីតាមីន A វីតាមីន B3 វីតាមីន C បេតាការ៉ូទីន និង carotenoids ។ សារធាតុចិញ្ចឹមទាំងនេះត្រូវបានចាត់ថ្នាក់ជាសារធាតុប្រឆាំងអុកស៊ីតកម្មដែលជួយរារាំងការលូតលាស់នៃកោសិកាមហារីក។ ដូច្នេះហើយទើបធ្វើឲ្យស្បែករបស់ស្រីៗភ្លឺរលោង ហើយក៏ជួយកាត់បន្ថយស្នាមជ្រីវជ្រួញផងដែរ។

សម្រាប់មិត្តនារីដែលចង់ចិញ្ចឹមស្បែក ឬចង់បន្ថែមជាតិទឹកដល់ស្បែក ធ្វើឲ្យស្បែកស ភ្លឺម៉ត់រលោងតាមបែបធម្មជាតិគួរជ្រើសរើសទទួលទានអាហារទាំង៩ប្រភេទដែលរួមចំណែកបន្ថែមជាតិទឹកដល់ស្បែក ដូចដែលយើងបាននាំយកមកជូនលោកអ្នកខាងលើ៕

ប្រែសម្រួល៖ សាង ស្រីល័ក្ខ

ចុចអាន៖ហេតុអ្វីបានជាអ្នកមិនគួរផឹកទឹកដូង លើសពីបីផ្លែក្នុងមួយសប្ដាហ៍?

Related Topics:ស្រីៗការទទួលទានអាហារ ការថែទាំស្បែក

ព័ត៌មានអន្ដរជាតិ១៧ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា