ព័ត៌មានអន្ដរជាតិ

រថយន្តរាប់រយគ្រឿងក្លាយជារានដាំបន្លែនៅថៃ ព្រោះអ្នករត់ឈ្នួលទុកចោល

បានផុស

៥ years មុន

នៅ

ថ្ងៃសៅរ៍ ១៨ កញ្ញា ២០២១

ដោយ

ពិតជាស្ទើរមិនគួរឲ្យជឿដែល រថយន្តរាប់រយគ្រឿងត្រូវបានយកធ្វើជាកន្លែងដាំបន្លែនៅក្នុងទីក្រុងបាំងកក ប្រទេសថៃ បន្ទាប់អ្នកប្រកបមុខរបរថយន្តឈ្នួលបានបោះបង់ចោល ហើយបំណុលកើនឡើង។

នៅលើដំបូលរថយន្តត្រូវបានគេមើលឃើញពីការដាំបន្លែផ្សេងៗដូចជា ខ្ទឹម ត្រប ម្ទេស និងជីនានាដោយការដាក់រាន ឬទ្រើងនៅពីលើហើយដាក់ដីដើម្បីដាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រថយន្តប្រហែលជា២០០គ្រឿងត្រូវបានចតចោលនៅចំណតក្រុមហ៊ុន Ratchapruek Taxi Cooperative នៅផ្លូវ Bang Waek ប្រហែលមួយឆ្នាំហើយ បន្ទាប់ពីម្ចាស់មិនអាចប្រកបមុខរបរបានចាប់តាំងពីវិបត្តិកូវីដ-១៩ផ្ទុះឡើង។

បុរសឈ្មោះ Thapakorn Asawalertkul អាយុ៥៤ឆ្នាំបាននិយាយថា ៖«បុគ្គលិករបស់ខ្ញុំស្ត្រេសខ្លាំង។ យើងទាំងអស់គ្នាធុញថប់នៅការិយាល័យ ដូច្នេះយើងមានគំនិតដាំបន្លែផ្សេងៗដែលអាចញាំបាន»។

បន្ទាប់ពីដើរចុះឡើង ហើយឃើញរថយន្តទុកចោលរាប់រយគ្រឿងក៏កើតគំនិតដាំនៅលើរថយន្ត។ លោក Thapakorn ជាទីប្រឹក្សានៅក្រុមហ៊ុន Ratchapruek និង Baworn ដែលមានរថយន្តប្រហែលជា៨០០០គ្រឿង។

អាជីវកម្មបានជួយអ្នករកស៊ីរថយន្តឈ្នួលទទួលបានប្រាក់ចំណូលល្អគួរសម។ ចុងក្រោយ ពួកគេត្រូវបង់ប្រាក់រំលស់មុនត្រឹមតែ៩១ដុល្លារប៉ុណ្ណោះដើម្បីទទួលបានរថយន្តមួយគ្រឿងយកទៅរត់។ ទោះបីជាយ៉ាងណា ចាប់តាំងកូវីដ-១៩បានរាតត្បាតប្រទេសថៃកាលពីឆ្នាំមុនមក អ្នកបើករថយន្តឈ្នួលបានជួបបញ្ហាប្រាក់ចំណូល។ ពួកគេរកប្រាក់ចំណូលមិនបានដោយសារខ្វះអ្នកជិះ ហើយបំណុលក៏កើនឡើង។

ទីបំផុត ពួកគេមិនអាចសងបំណុលបាន ដូច្នេះពួកគេសម្រេចយករថយន្តមកទុកចោល និងវិលត្រឡប់ទៅស្រុកកំណើតវិញតាមខេត្តនានា។