មនុស្សរាប់រយនាក់នៅ អង់គ្លេស នាំគ្នាស្រាតននលគកចុះងូតទឹកសមុទ្រ ប្រារព្ធពិធីមួយ

សារព័ត៌មាន Daily Mail បានរាយការណ៍ថា មនុស្សរាប់រយនាក់នៅប្រទេសអង់គ្លេសបានស្រាតខោអាវរបស់ពួកគេ ហើយចុះទៅងូតទឹកនៅសមុទ្រ North Sea ដើម្បីកត់សម្គាល់ការមកដល់នៃរដូវស្លឹកឈើជ្រុះ ឬ Autumn Equinox ។

យោងតាមកាសែតនេះបានឲ្យដឹងថា កម្មវិធីងូតទឹកននលគកប្រចាំឆ្នាំ North East Skinny Dip លើកទី ៩ ត្រូវបានប្រារព្ធឡើងកាលពីព្រឹកថ្ងៃទី ១៩ ខែកញ្ញានៅឆ្នេរ Druridge ក្នុងតំបន់ជនបទ Northumberland ដោយមានបុរស និងស្ត្រីគ្រប់វ័យជាង ៨០០ នាក់ចូលរួម ។

លោក Jax Higginson អ្នករៀបចំព្រឹត្តិការណ៍បាននិយាយថា “អ្វីគ្រប់យ៉ាងគឺអស្ចារ្យ ហើយយើងមានអ្នកហែលទឹកយ៉ាងតិច ៨២០ នាក់ ទោះបីជាចំនួនចុងក្រោយមិនទាន់ត្រូវបានប្រកាសក៏ដោយ ។ នេះជាបទពិសោធន៍ពិសេសមួយ” ។

កាសែតនេះក៏កត់សម្គាល់ផងដែរថា ព្រឹត្តិការណ៍ North East Skinny Dip ក៏ទទួលបានការបរិច្ចាគ និងរៃអង្គាសប្រាក់សម្រាប់កម្មវិធីសប្បុរសធម៌សុខភាពផ្លូវចិត្តរបស់អង់គ្លេស (MIND) ផងដែរ ។

គួរបញ្ជាក់ថា ព្រឹត្តិការណ៍ North East Skinny Dip ត្រូវបានធ្វើឡើងជារៀងរាល់ឆ្នាំនៅអាទិត្យចុងក្រោយ មុនរដូវស្លឹកឈើជ្រុះដែលនឹងកើតឡើងនៅថ្ងៃពុធ ទី ២២ ខែកញ្ញានេះ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អង់គ្លេស ប្រកាសច្បាស់ៗនឹងវាយប្រហារប្រឆាំងក្រុម ISIS នៅអាហ្វហ្គានីស្ថាន