ព័ត៌មានអន្ដរជាតិ
មន្ត្រី កូរ៉េខាងត្បូង ប្រាប់ពីស្ថានភាពមេបក្សប្រឆាំងដែលត្រូវជនសង្ស័យរត់ទៅចាក់ ក
មន្ត្រីក្នុងតំបន់ Busan នៅថ្ងៃអង្គារនេះបានចេញមកបញ្ជាក់ពីស្ថានភាពរបស់លោក Lee Jae-myung មេដឹកនាំបក្សប្រឆាំងដ៏ធំរបស់កូរ៉េខាងត្បូង ក្រោយហេតុការណ៍វាយប្រហារចាក់កញ្ចឹង ក ទាំងកណ្ដាលថ្ងៃត្រង់នៅក្នុងទីក្រុងកំពង់ផែភាគអាគ្នេយ៍ ។
ក្រុមមន្ត្រីបាននិយាយប្រាប់សារព័ត៌មាន Yonhap ថា បច្ចុប្បន្ននេះរបួសរបស់លោក Lee គឺមិនប៉ះពាល់ទៅដល់អាយុជីវិតរបស់លោកនោះឡើយ ប៉ុន្តែឈាមនៅតែហូរជ្រៀបចេញពីមុខរបួស បើទោះបីជាធ្វើការវះកាត់ហើយក៏ដោយ ។
លោក Lee ដែលជាប្រធានគណបក្សប្រជាធិបតេយ្យ ត្រូវបានជនមិនស្គាល់អត្តសញ្ញាណរត់ទៅចាក់ចំកញ្ចឹង ក ខាងឆ្វេងនៅម៉ោង ១០ និង ២៧ នាទីព្រឹក អំឡុងពេលដែលលោកកំពុងផ្ដល់បទសម្ភាសន៍ជាមួយអ្នកសារព័ត៌មាន ក្រោយចុះទៅពិនិត្យមើលការដ្ឋានសាងសង់ព្រលានយន្តហោះថ្មីលើកោះ Gadeok របស់ទីក្រុង Busan ខណៈ ២០ នាទីក្រោយមក លោកត្រូវបានដឹកតាមឧទ្ធម្ភាគចក្រទៅកាន់មន្ទីរពេទ្យក្នុងទីសេអ៊ូលដើម្បីធ្វើការវះកាត់ ។
ពាក់ព័ន្ធនឹងបញ្ហានេះដែរ សាក្សីបានរ៉ាយរ៉ាប់ថា ជនសង្ស័យជាបុរសបានក្លែងខ្លួនធ្វើជាអ្នកគាំទ្រលោក Lee ហើយបានចូលទៅកៀកអ្នកនយោបាយរូបនេះដើម្បីសុំហត្ថលេខា ។ បន្ទាប់មកជនសង្ស័យមិនស្គាល់អត្តសញ្ញាណរូបនេះបានដករបស់មួយមានមុខស្រួច និងមានប្រវែងប្រហែល ២០ ទៅ ៣០ សង់ទីម៉ែត្ររត់ទៅចាក់កញ្ចឹង ក មេបក្សប្រឆាំងរូបនេះតែម្ដង ។
គួរបញ្ជាក់ថា ជនសង្ស័យមានវ័យប្រហែល ៥០ ឬ ៦០ ឆ្នាំ ពាក់មកុដក្រដាសដែលមានសរសេរឈ្មោះលោក Lee នៅលើនោះ បានរត់សំដៅទៅចាក់ ក អ្នកនយោបាយរូបនេះ បើទោះបីជាមានប៉ូលិសការពារប្រមាណ ២៤ នាក់ក៏ដោយ ហើយក្រោយហេតុការណ៍ដ៏ព្រឺព្រួចនេះ លោក Lee មានមុខរបួសប្រហែល ១ សង់ទីម៉ែត្រ ខណៈជនសង្ស័យត្រូវចាប់ឃាត់ខ្លួននៅនឹងកន្លែង ហើយរហូតមកដល់ពេលនេះរូបគេក៏មិនទាន់មាត់ ក ឬសារភាពប្រាប់មន្ត្រីសមត្ថកិច្ចនៅឡើយនោះដែរ ៕
ប្រែសម្រួលដោយ ៖ ជីវ័ន្ត
ចុចអាន ៖ សាក្សីនៅកន្លែងកើតហេតុរ៉ាយរ៉ាប់ពីដំណើរដើមទង មុនឈានដល់ការចាក់ ក មេបក្សប្រឆាំង កូរ៉េខាងត្បូង
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ