ព័ត៌មានអន្ដរជាតិ
ចិន ចោទ ហ្វីលីពីន បង្កជម្លោះនៅសមុទ្រចិនខាងត្បូង ទើបទំនាក់ទំនងភាគីទាំងពីរកាន់តែល្អក់កករ
រដ្ឋមន្ត្រីការបរទេសចិនលោក Wang Yi បានព្រមានហ្វីលីពីនថា ទំនាក់ទំនងទ្វេភាគីរបស់ប្រទេសទាំងពីរកំពុងស្ថិតក្នុងស្ថានភាពល្អក់កករៗទៅហើយ ដោយសារតែការប្រឈមមុខដាក់គ្នាពីមួយកម្រិតទៅមួយកម្រិតជុំវិញជម្លោះទឹកដីនៅសមុទ្រចិនខាងត្បូង ប៉ុន្តែទោះជាយ៉ាងណា លោកក៏បានអំពាវនាវឲ្យមានកិច្ចសន្ទនាគ្នាដើម្បីដោះស្រាយលើបញ្ហានេះផងដែរ ។
ការសង្គ្រឺតធ្មេញដាក់គ្នាកាន់តែខ្លាំងឡើងរវាងទីក្រុងប៉េកាំង និងទីក្រុងម៉ានីលនៅសមុទ្រចិនខាងត្បូងកើតមានឡើង ចាប់តាំងពីខែសីហាមកម្ល៉េះ ជុំវិញឧប្បត្តិហេតុកប៉ាល់របស់ប្រទេសទាំងពីរបានប៉ះទង្គិចគ្នានៅក្នុងដែនទឹក ខណៈនាវាឆ្មាំសមុទ្រចិនថែមទាំងបានប្រើកាណុងបាញ់ទឹកដាក់លើទូកផ្គត់ផ្គង់សម្ភារៈយោធាហ្វីលីពីនទៀតផង ។
ថ្លែងក្នុងជំនួបតាមទូរសព្ទជាមួយលោក Enrique Manalo រដ្ឋមន្ត្រីការបរទេសហ្វីលីពីនជុំវិញបញ្ហានេះ, លោក Wang Yi បានបញ្ជាក់ច្បាស់ៗថា ហ្វីលីពីនបានបង្កជម្លោះលើដែនសមុទ្រចិនខាងត្បូង ហើយកំពុងផ្លាស់ប្ដូរជំហរ និងគោលនយោបាយរបស់ខ្លួនពាក់ព័ន្ធនឹងដែនទឹកមួយនេះ ។
ប៉ុន្តែទោះជាយ៉ាងណា លោករដ្ឋមន្ត្រីការបរទេសចិនក៏បានបន្ទន់ឥរិយាបថផងដែរថា ចិន និងហ្វីលីពីនគឺជាអ្នកជិតខាងនៅក្នុងដែនទឹករួមគ្នា ហើយភាគីទាំងពីរគួរតែដោះស្រាយជម្លោះតាមរយៈការសន្ទនា ជាជាងការប្រើកម្លាំងយោធាដាក់គ្នាទៅវិញទៅមក ។
គួរបញ្ជាក់ថា ការកត់សម្គាល់នេះអាចឆ្លុះបញ្ចាំងពីចេតនារបស់រដ្ឋាភិបាលទីក្រុងប៉េកាំងដើម្បីបញ្ចៀសការប្រឈមមុខដាក់គ្នាកាន់តែខ្លាំងឡើងជាមួយហ្វីលីពីន ស្របពេលដែលរដ្ឋាភិបាលទីក្រុងម៉ានីលកំពុងស្វែងរកកិច្ចសហប្រតិបត្តិការកាន់តែជិតស្និទ្ធជាមួយសហរដ្ឋអាមេរិក និងជប៉ុន ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ចិន ឆ្លើយតបទៅ ជប៉ុន រឿងកិច្ចសហប្រតិបត្តិការសន្តិសុខដែនសមុទ្រ ជាមួយ អាស៊ាន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត