ព័ត៌មានអន្ដរជាតិ

មកដឹងបណ្ដាប្រទេស អាស៊ាន ត្រៀមបើកទទួលភ្ញៀវទេសចរបរទេស (មានវីដេអូ)

បានផុស

៥ years មុន

នៅ

ថ្ងៃព្រហស្បតិ៍ ២៨ តុលា ២០២១

ដោយ

បច្ចុប្បន្នបណ្ដាប្រទេសអាស៊ានមួយចំនួនកំពុងមើលឃើញពីការបើកប្រទេសឡើងវិញ ដើម្បីទទួលភ្ញៀវទេសចរ បន្ទាប់ពីវិស័យមួយនេះបានដាំក្បាលចុះ ដោយសាររោគរាតត្បាតកូវីដ ១៩ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាការក្រឡេកមើលថាតើប្រទេសណាខ្លះនៅតំបន់អាស៊ានកំពុងបើកទូលាយទទួលអ្នកទេសចរ និងប្រទេសណាដែលនៅតែបិទព្រំដែនរបស់ខ្លួន ។

ព្រះរាជាណាចក្រកម្ពុជា

កម្ពុជាប្រកាសបើកទទួលទេសចរណ៍វ៉ាក់សាំង ដែលការបើកដំបូង គឺនៅក្រុងព្រះសីហនុ ក្រុងកោះរ៉ុង នៃខេត្តព្រះសីហនុ និងនៅតារាសាគរ នៃខេត្តកោះកុង ចាប់ពីថ្ងៃទី ៣០ ខែវិច្ឆិកា ឆ្នាំ ២០២១នេះតទៅ ។

ថៃ

ថៃនឹងអនុញ្ញាតឲ្យអ្នកដំណើរដែលបានចាក់វ៉ាក់សាំងពីប្រទេស និងដែនដីចំនួន ៤៦ ចូលក្នុងប្រទេស ដោយមិនឲ្យធ្វើចត្តាឡីស័ក ចាប់ពីថ្ងៃទី ១ ខែវិច្ឆិកាតទៅ ខណៈដែលប្រទេសមួយនេះកំពុងស្វែងរកការធ្វើឲ្យឧស្សាហកម្មទេសចរណ៍ដ៏សំខាន់របស់ខ្លួនរស់ឡើងវិញ ។

សិង្ហបុរី

មជ្ឈមណ្ឌលពាណិជ្ជកម្មសិង្ហបុរីបានចាប់ផ្តើមបើកដំណើរការធ្វើដំណើរដោយមិនចាំបាច់ធ្វើចត្តាឡីស័ក សម្រាប់ភ្ញៀវទេសចរដែលបានចាក់វ៉ាក់សាំងពេញដូសពីប្រទេសចំនួន ១០ រួមទាំងសហរដ្ឋអាមេរិក និងបណ្តាប្រទេសអឺរ៉ុបមួយចំនួន ហើយនឹងបន្ថែមទៀតក្នុងពេលឆាប់ៗនេះ ។

ឥណ្ឌូណេស៊ី

ប្រទេសឥណ្ឌូណេស៊ីបានបើកដំណើរការឡើងវិញនូវកោះបាលីក្នុងខែនេះដល់ភ្ញៀវទេសចរមកពីប្រទេសមួយចំនួន ប៉ុន្តែអ្នកធ្វើដំណើរនៅតែតម្រូវឲ្យធ្វើចត្តាឡីស័ករយៈពេល ៥ ថ្ងៃ នៅពេលមកដល់ ។