ប្រជុំលើកដំបូងជាមួយ អាស៊ាន អាមេរិក ​​ផ្តល់​ថវិកា ១០២ លាន​ដុល្លារដល់ប្លុកមួយនេះ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ប្រជុំលើកដំបូងជាមួយ អាស៊ាន អាមេរិក ​​ផ្តល់​ថវិកា ១០២ លាន​ដុល្លារដល់ប្លុកមួយនេះ

បានផុស

នៅ

ប្រធានាធិបតីអាមេរិកលោក ចូ បៃដិន និយាយថា ទីក្រុងវ៉ាស៊ីនតោននឹងផ្តល់ប្រាក់ចំនួន ១០២ លានដុល្លារដល់សមាគមប្រជាជាតិអាស៊ីអាគ្នេយ៍ (អាស៊ាន) ដើម្បីពង្រីកកិច្ចសហប្រតិបត្តិការជាមួយប្លុកក្នុងតំបន់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក បៃដិន បានប្រកាសបែបនេះកាលពីថ្ងៃអង្គារ នៅក្នុងកិច្ចប្រជុំកំពូលតាមអនឡាញជាមួយមេដឹកនាំអាស៊ាន ហើយកិច្ចប្រជុំបែបនេះគឺជាលើកដំបូងហើយក្នុងរយៈពេល ៤ ឆ្នាំ រវាងភាគីទាំងពីរ ។

លោកបាននិយាយថា “ភាពជាដៃគូរបស់យើងមានសារៈសំខាន់ក្នុងការរក្សាតំបន់ឥណ្ឌូ-ប៉ាស៊ីហ្វិក សេរី និងបើកចំហ ដែលជាមូលដ្ឋានគ្រឹះនៃសន្តិសុខ និងវិបុលភាពរួមគ្នារបស់យើង អស់រយៈពេលជាច្រើនទសវត្សរ៍មកហើយ” ។

លោកបញ្ជាក់ថា ជំនួយផ្នែកហិរញ្ញវត្ថុនេះ មានគោលបំណងជួយតំបន់នេះឲ្យងើបឡើងវិញពីជំងឺរាតត្បាតកូវីដ ១៩ និងដោះស្រាយការប្រែប្រួលអាកាសធាតុ ក្នុងចំណោមបញ្ហាផ្សេងៗទៀត ។

ទន្ទឹមនោះ លោក បៃដិន បានជំរុញឲ្យអាស៊ានបង្កើនតម្លៃរួម និងចក្ខុវិស័យរួមរបស់យើងសម្រាប់តំបន់មួយ ដែលគ្រប់ប្រទេសទាំងអស់អាចប្រកួតប្រជែង និងទទួលបានជោគជ័យនៅលើទីលានប្រកួតមួយកម្រិត ហើយគ្រប់ជាតិសាសន៍ទាំងអស់ មិនថាធំ ឬខ្លាំងយ៉ាងណាក៏ដោយ ត្រូវតែគោរពតាមច្បាប់”។

ស្របពេលជាមួយគ្នានេះ សុន្ទរកថារបស់លោក បៃដិន ត្រូវបានគេជឿថា សំដៅទៅលើប្រទេសចិនដែលកំពុងបង្កើនទម្រង់យោធា និងសេដ្ឋកិច្ចរបស់ខ្លួន ។

បន្ថែមពីនេះ រដ្ឋបាលរបស់លោក បៃដិន ក៏បាននិងកំពុងធ្វើការដើម្បីជំរុញកិច្ចសហប្រតិបត្តិការ ជាមួយបណ្តាប្រទេសអាស៊ីអាគ្នេយ៍ ដើម្បីទប់ទល់នឹងប្រទេសចិនផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ប្រធានាធិបតី អាមេរិក លោក Joe Biden ដឹកនាំគណៈប្រតិភូ ចូលរួមកិច្ចប្រជុំ អាស៊ាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services