Connect with us

ព័ត៌មានជាតិ

កម្ពុជាមានជនជាតិដើមភាគតិច ២២ អម្បូរ រស់នៅ ៦ ខេត្ត

បានផុស

នៅ

​នៅ​ក្នុងប្រទេសកម្ពុជាបច្ចុប្បន្នមានជនជាតិដើមភាគតិច ២២ អម្បូរ ស្មើជាង ១៨ ម៉ឺន​នាក់ប្រមាណ ១,២៥% ​នៃប្រជាជន​កម្ពុជា​សរុប ដែលកំពុងរស់នៅ​ច្រើនជាងគេរហូត ដល់​ជាង ៩០% នៅ​ក្នុងខេត្ត​ចំនួន៦​ ភូមិភាគឥសាន្ត ​និងខេត្តកំពង់ធំ។​ នេះបើយោងតាមរបាយការណ៍ជាតិស្តីពី ស្ថានភាពប្រជាសាស្ត្រ និងសង្គម សេដ្ឋកិច្ច របស់ជនជាតិដើមភាគតិចកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី៤ ខែវិច្ឆិកានេះ លោកទេសរដ្ឋមន្ត្រី ឆាយ ថន រដ្ឋមន្ត្រីក្រសួងផែនការ បានចូលរួមក្នុងពិធីផ្សព្វផ្សាយរបាយការណ៍ជាតិស្តីពី ស្ថានភាពប្រជាសាស្ត្រ ​និងសង្គម សេដ្ឋកិច្ច របស់ជនជាតិដើមភាគតិចកម្ពុជា។ លោក ឆាយ ថន បានលើកឡើងថា ការកំណត់ជនជាតិដើមភាគតិចនៅកម្ពុជាត្រូវបានកំណត់តាមរយៈការប្រើភាសានិយាយពីដើមកំណើត។ ជនជាតិដើមភាគតិចនៅកម្ពុជាមានចំនួន ២២ អម្បូរដែលមានប្រជាជនសរុប ១៧៩ ១៩៣ នាក់ ស្មើនឹង ១,៣៤% នៃប្រជាជនកម្ពុជាសរុបនៅឆ្នាំ ២០០៨ និង មានចំនួន ១៨៣ ៨៣១ នាក់ស្មើនឹង ១,២៥% នៃប្រជាជនកម្ពុជាសរុបនៅឆ្នាំ២០១៣ (អត្រាកំណើនមានត្រឹម ០,៥១% ក្នុងមួយឆ្នាំ)។

លោករដ្ឋមន្ត្រីបានបន្តថា ក្នុងចំណោមអំបូរទាំង ២២ ជនជាតិដើមភាគតិចដែលមានចំនួនច្រើនជាង ១ ម៉ឺននាក់មានតែ ៦ អំបូរប៉ុណ្ណោះគឺ ទំពួន ព្នង គ្រឹង កួយ ចារាយ និងព្រៅ ដែលសរុបមានចំនួនស្មើនឹង ៨៨% នៃប្រជាជនជនជាតិដើមភាគតិចទាំង ២២ អម្បូរ។ ភាគច្រើននៃជនជាតិដើមភាគតិចទាំងនោះរស់នៅក្នុងខេត្តចំនួន ៦ ដូចជាខេត្តរតនគីរី មណ្ឌលគីរី ក្រចេះ ស្ទឹងត្រែង ព្រះវិហារ និងខេត្តកំពង់ធំ ដែលមានចំនួន ៩២,៤% នៃជនជាតិដើមភាគតិចរស់ទាំងអស់នៅឆ្នាំ២០១៣។

ទាក់ទងទៅនឹងការសិក្សាអប់រំ ជនជាតិដើមភាគតិចទទួលបានការអប់រំតិចគឺប្រហែល ១ភាគ៣ នៃជនជាតិដើមភាគតិចចេះអាន និងចេះសរសេរភាសាខ្មែរ ក្នុងនោះកុមារជិត ៥០% មិនបានរៀនសោះ។ ក្នុងចំណោមជនជាតិដើមភាគតិចអាយុ ១៥ ឆ្នាំឡើង ជិត ៦៦% មិនបានរៀន ឬបញ្ចប់កម្រិតសិក្សាអ្វីទាំងអស់ រីឯ ២៤,១% ទៀត បានរៀនត្រឹមបឋមសិក្សា ខណៈ ១០% បានរៀនដល់មធ្យមសិក្សាបឋមភូមិ និង ៤% រៀនបានមធ្យមសិក្សាទុតិយភូមិ។

ចំពោះស្ថានភាពសេដ្ឋកិច្ច និងការងារវិញ ជនជាតិដើមភាគតិចចាប់ពីអាយុ ១៥ ឆ្នាំឡើងទៅ ដែលមានការងារធ្វើប្រកបរបរ​ក្នុងវិស័យកសិកម្ម គឺមានសរុបចំនួន ៩៣,៣% មានតិចតួចគឺ ១,៦% ធ្វើការក្នុងវិស័យឧស្សាហកម្ម និង ៥,១% បានបំរើការងារក្នុងវិស័យសេវាកម្ម។ ជាមួយគ្នានេះ បញ្ហាសុខភាព និង អនាម័យ គឺជនជាតិដើមភាគតិច ៥៣% ច្រើនសម្រាលកូនតាមផ្ទះ និង ៣៨% ទៅមន្ទីរពេទ្យ ខណៈ ៦% នៅមណ្ឌលសុខភាព។ ជាទូទៅជនជាតិដើមភាគតិច ៩៥% ឆ្នាំ២០១៣ មានលំនៅឋានខ្លួនឯងដោយពួកគេនៅបន្តប្រើប្រាស់ចង្កៀងប្រេងកាត និងអាគុយជាប្រភពភ្លើងបំភ្លឺ ខណៈអ្នកប្រើអគ្គិសនី ឬម៉ាស៊ីនភ្លើងផ្ទាល់ខ្លួនមានចំនួន ២០,៦%។ ក្រៅពីនេះ ៩៥% នៃជនជាតិដើមភាគតិច នៅបន្តប្រើប្រាស់អុសជាថាមពលចម្អិន ហើយ ១ភាគ៣ នៃគ្រួសារពួកគេមានទូរទស្សន៍ប្រើ។ ដោយឡែកសម្ភារៈសម្រាប់ធ្វើដំណើរវិញគ្រួសារជនជាតិដើមភាគតិចជាង ៧៦% មានម៉ូតូប្រើ ២,២% មានរថយន្ត ជាង ៩% មានគោយន្ត ៧,៨% មានទូក និងជាង ៣៧% ប្រើកង់។

លោកកិត្តិសេដ្ឋាបណ្ឌិត ឆាយ ថន មានប្រសាសន៍ថា របាយការណ៍ជាតិស្តីពីស្ថានភាព​ប្រជា​សាស្ត្រ និងសង្គម សេដ្ឋកិច្ច របស់ជនជាតិដើមភាគតិចកម្ពុជា គឺជារបាយការណ៍សំខាន់​ដែល​រាជរដ្ឋាភិបាល​សហការ​រៀបចំ​បង្កើនការ​យក​ចិត្តទុកដាក់អភិវឌ្ឍន៍ និងអភិរក្សដោយមិនទុក​ពលរដ្ឋ​ខ្មែរ​ណាម្នាក់ មិន​ទទួលសេវាអភិវឌ្ឍន៍ពីរដ្ឋឡើយ។

លោកបណ្ឌិតសភាចារ្យ អ៊ុក រ៉ាប៊ុន ថ្លែងថា តាមរយៈការទទួលបានរបាយការណ៍ជាតិ​ស្តីពី ​ស្ថានភាព​ប្រជាសាស្ត្រ ​និង​សង្គមសេដ្ឋកិច្ចរបស់ជនជាតិដើមភាគតិច នៅកម្ពុជា​នេះ​ គឺ​​បានផ្តល់នូវធាតុ​ជា​ច្រើនដែលនឹងជួយជំរុញដល់​ការ​ដាក់​ផែនការជាតិនានាការរៀបចំគោលនយោបាយ និង​ការ​លើក​គម្រោង​អភិវឌ្ឍន៍ និងអភិរក្ស លើកស្ទួយ​វិស័យ​សេដ្ឋកិច្ច សង្គម និងវប្បធម៌របស់ជនជាតិ​ដើម​ភាគតិចឱ្យបានល្អប្រសើរ ​ពិសសេស ​ការចូលរួមកាត់បន្ថយ​ភាព​ក្រីក្រ និងបញ្ហាប្រឈម​នានា​​ទៀត ដល់ជនជាតិដើមភាគតិច៕

អត្ថបទ៖ ណារី

Helistar Cambodia - Helicopter Charter Services
Sokimex Investment Group
កីឡា១៣ នាទីutes មុន

Morioka Yuki ប្រកាសចង់​ជួប​​គុន​ខ្មែរ​ ជា​ជើង​ឯក​ឃីក​បុក​ស៊ីង​ជាតិ​ជប៉ុន ខ្លាំង​កណ្តាប់ដៃ

ព័ត៌មានអន្ដរជាតិ១៣ នាទីutes មុន

ថៃ តែងអះអាងថា ទាហានល្បាតលើដីខ្លួនឯង ប៉ុន្តែពេលជាន់មីន មកបន្ទោសតែកម្ពុជា

សេដ្ឋកិច្ច២៣ នាទីutes មុន

កម្ពុជារកចំណូលបានជាង ៧៥៣ លានដុល្លារ ពីការនាំចេញគ្រាប់ស្វាយចន្ទី

ព័ត៌មានជាតិ៣០ នាទីutes មុន

ក្រសួងការងារ លើកទឹកចិត្តដល់និស្សិតជ័យលាភីអាហារូបករណ៍ទៅសិក្សានៅប្រទេសហុងគ្រីឲ្យក្លាយជាមូលធនមនុស្សប្រកបដោយសក្តានុពលរបស់កម្ពុជាក្នុងយុគសម័យឌីជីថល

ព័ត៌មានជាតិ៥១ នាទីutes មុន

ACU បើកវគ្គផ្សព្វផ្សាយច្បាប់ ស្តីពីការប្រឆាំងអំពើពុករលួយដល់អាជ្ញាធរខណ្ឌ៧មករា ដើម្បីចែករំលែក​បទពិសោធន៍ដល់មន្រ្តីថ្នាក់មូលដ្ឋាន

ព័ត៌មានអន្ដរជាតិ២៣ ម៉ោង មុន

ថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន

ព័ត៌មានអន្ដរជាតិ១៨ ម៉ោង មុន

ថៃ ប្រើលេសចំនួន២ ដើម្បីបញ្ជូនកម្លាំងបន្ថែមមកកាន់តំបន់រសើបនៅព្រំដែនជាប់កម្ពុជា

ព័ត៌មានអន្ដរជាតិ១៦ ម៉ោង មុន

ថៃធ្វើបាន! សូម្បីម៉ូដសក់យុវជនខ្មែរ ក៏ថៃអះអាងថា ជារបស់ខ្លួនដែរ

ព័ត៌មានអន្ដរជាតិ២១ ម៉ោង មុន

តុលាការថៃ សម្រេចដាក់ពន្ធនាគារទាហាន ២ រូបដែលវាយសម្លាប់កូនទាហានខ្លួនឯង

ព័ត៌មានអន្ដរជាតិ២០ ម៉ោង មុន

​​​​កង​ទ័ពអ៊ុយក្រែនបាត់​បង់​យន្តហោះ​ចម្បាំង​បារាំង​​«Dassault Mirage 2000»​ លើក​ដំបូង​​​​ ​​​​​

Sokha Hotels

ព័ត៌មានពេញនិយម