ជីវិតកម្សាន្ដ

អ្នកគាំទ្រភ្ញាក់ផ្អើល ក្រោយ SWSB ក្រុមតូច ប្រកាសចែកផ្លូវគ្នា

បានផុស

៤ years មុន

នៅ

ថ្ងៃសុក្រ ៣១ ធ្នូ ២០២១

ដោយ

នេះជាដំណឹងដ៏ចាប់អារម្មណ៍ និងភ្ញាក់ផ្អើលមួយសម្រាប់អ្នកគាំទ្រពិសេសមិត្តៗយុវវ័យ ដែលតែងនិយមគាំទ្ររាល់បទចម្រៀងរបស់ក្រុមតូចឬជាភាសាអង់គ្លេសហៅថា«SmallWorld SmallBand» ខណៈដែលសុខៗក្រុមនេះក៏ប្រកាសចែកផ្លូវគ្នាដើររៀងខ្លួនដោយគ្មានមូលហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមតូចឬ«SmallWorld S mallBand»ត្រូវបានគេដឹងថា មកទល់បំណាច់ឆ្នាំ២០២១នេះ គឺបង្កើតឡើងមានរយៈពេល៩ឆ្នាំទៅហើយ។ ម្យ៉ាងទៀត បទចម្រៀងដែលផ្ទុះការគាំទ្រខ្លាំងដំបូងគេក្នុងស្រទាប់យុវវ័យនោះ គឺបទ«បើអាច»ដែលស្ថិតក្នុងអាល់ប៊ុមចម្រៀង២គុណ៥របស់ពួកគេ។

យោងតាមការបង្ហោះនៅលើទំព័រហ្វេសប៊ុករបស់ក្រុមតូចបានលើកឡើងថា ថ្ងៃនេះក្រុមតូចសូមជូនដំណឹងដល់អ្នកគាំទ្រ និងមហាជនទាំងអស់គ្នាថា«ដំណើរសិល្បៈ៩ឆ្នាំ(២០១២-២០២១) របស់Small World SmallBand ក្រុមតូចត្រូវបានបញ្ចប់»នៅថ្ងៃនេះហើយ។ យ៉ាងណាមិញនេះ មិនមែនជាទីអវ សាននៃតន្ត្រីរបស់សមាជិកនីមួយៗក្នុងក្រុមតូចនោះឡើយ។ ពួកយើងនៅតែបន្តដំណើរសិល្បៈបន្តទៀត តែរៀងៗខ្លួនក្នុងពេលអនាគត។ ពួកយើងនៅតែជាមិត្តភក្តិ អ្នកស្រលាញ់ និងគាំទ្រតន្ត្រី។ពួកយើងនៅតែបន្តផលិតស្នាដៃបន្ថែមជូនដល់អ្នកគាំទ្រ និងមហាជនទាំងអស់គ្នា។

ក្រុមនេះ បានបន្តថាឆ្លៀតឱកាសពេលនេះក្រុមតូច សូមអរគុណបុគ្គលគ្រប់រូប ស្ថាប័ន ក្រុមហ៊ុននានា ដែលបានចូលរួមដំណើរសិល្បៈជាមួយក្រុមតូចតាំងពីថ្ងៃដំបូងមកដល់ថ្ងៃនេះ។ អរគុណដល់សមាជិកក្រុមនីមួយៗក្នុងក្រុមតូច ដែលបានក្លាយជាគ្រួសារទី២របស់យើង។ ដោយសារតែតន្ត្រីបានធ្វើឲ្យពួកយើងជួបគ្នា។ ដោយសារតែស្រលាញ់បានធ្វើឲ្យពួកយើងនៅជាមួយគ្នា។

អរគុណដល់អ្នកគាំទ្រទាំងអស់ បើពុំមានអ្នកទាំងអស់គ្នាទេម្ល៉ោះអី វត្តមានក្រុមតូចពិតគ្មានន័យអ្វីនោះឡើយ។ អ្នកទាំងអស់គ្នាជាកំលាំងចិត្ត។ ក្រុមតូចស្រលាញ់អ្នកទាំងអស់គ្នាណាស់។ ពួកយើងសំណាងណាស់ ដែលមានអ្នកគាំទ្រដូចអ្នករាល់គ្នា។ ក្រុមតូចអរគុណខ្លាំងណាស់ហើយសង្ឃឹមថា ដំណឹងនេះមិនមែនជាដំណឹងមិនល្អសម្រាប់អ្នករាល់គ្នាតែផ្ទុយទៅវិញនេះជាដំណឹងសម្រាប់ការបើកទំព័រថ្មី នៃដំណើរតន្ត្រីថ្មីពីសមាជិកក្រុមតូច។ អ្នកទាំងអស់គ្នានៅតែអាចស្តាប់បទចម្រៀងក្រុមតូចតាមទំព័រផ្លូវការរបស់ក្រុមតូច ដែលមានក្នុងFacebook និង Youtube។ ក្រុមតូចសូមជូនពរឆ្នាំថ្មី សិរីសួស្ដីមានដល់អ្នករាល់គ្នា។ សប្បាយចិត្តឲ្យបានច្រើន និងថែរក្សាសុខភាពផងណា៎។

សូមបញ្ជាក់ថា ក្រុមតូចឬSmallworld Small band គឺជាក្រុមមួយដែលល្បីល្បាញក្នុងស្រទាប់យុវវ័យជាពិសេសនោះ គឺការជ្រើសរើសយកបទចម្រៀងពិសេសៗរបស់ក្រុមមកច្នៃឡើងវិញបន្ថែមជាមួយឧបករណ៍ភ្លេងប្រពៃណីខ្មែរឲ្យក្លាយជាទម្រង់សិល្បៈសហសម័យ ដើម្បីរំលេចលក្ខណៈពិសេសនៃអត្តសញ្ញាណសិល្បៈបុរាណខ្មែរឲ្យអន្តរជាតិបានស្គាល់។ក្រុម Small World Small Band គឺមានសមាជិក ៤រូបដូចជា កញ្ញា រិទ្ធី លំអរកេសរ, លោក ម៉ម ពេជ្ជរិទ្ធ , លោក រៀម សុខភិរម្យ និងលោក រ៉ុង សុភីដេវីដ៕

អត្ថបទ៖ ចាន់រ៉ា

Related Topics:តារាចម្រៀងខ្មែរ

ព័ត៌មានជាតិ៧ ថ្ងៃ ago

ថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ

ព័ត៌មានអន្ដរជាតិ៥ ថ្ងៃ ago

អង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ

ព័ត៌មានជាតិ១ សប្តាហ៍ ago

ក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា