ព័ត៌មានជាតិ
ខេត្តស្ទឹងត្រែង នឹងចុះចាក់វ៉ាក់សាំងជូនប្រជាពលរដ្ឋដល់មូលដ្ឋាន
មន្ត្រីមន្ទីរសុខាភិបាលខេត្តស្ទឹងត្រែង នឹងសហការជាមួយអាជ្ញាធរ ភូមិ ឃុំ នៅតាមមូលដ្ឋានចុះចាក់វ៉ាក់សាំង ការពារជំងឺកូវីដ១៩ ជូនប្រជាពលរដ្ឋនៅតំបន់ឆ្ងាយដាច់ស្រយាលដែលមិនទាន់បានចាក់។
លោក អុង សូវៀត ប្រធានមន្ទីរសុខាភិបាលខេត្តស្ទឹងត្រែង បានបញ្ជាក់ថានៅក្នុងយុទ្ធនាការចាក់វ៉ាក់សាំង ដូសមូលដ្ឋានបានចាក់បាន១០០ ភាគរយហើយ។ ដោយឡែកដូសជំរុញមន្ត្រីរាជការអាជ្ញាធរមានសមត្ថកិច្ចទាំងអស់យើងចាក់បានរួចអស់ហើយដែរ។
ប៉ុន្តែប្រជាពលរដ្ឋយើងចាក់បានមួយចំនួនដែរហើយ តែមិនទាន់ដល់កម្រិតគោលដៅរបស់យើងនោះទេ។
លោកប្រធានមន្ទីរក៏បានបញ្ជាក់បន្ថែមដែរថា ពេលនេះមន្ទីរសុខាភិបាលខេត្តកំពុងបន្ត ចាក់ដូសជំរុញដល់ប្រជាពលរដ្ឋ ខណៈរដូវនេះមានការលំបាកដោយសារប្រជាពលរដ្ឋជាប់រវល់ប្រមូលផលដកដំឡូង។
លោកប្រធានមន្ទីរបានបន្តថា ពេលនេះមន្ត្រីមន្ទីរសុខាភិបាលខេត្តកំពុងចុះអប់រំ ឱ្យប្រជាពលរដ្ឋសហការជាមួយអាជ្ញាធរមូលដ្ឋាន ដើម្បីឱ្យគាត់ឆ្លៀតពេលព្រោះវាមិនមានរយៈពេលយូរទេ។
លោកបន្តថា:អ្វីដែលជាអាវក្រោះការពារខ្លួនយើងដ៏មានប្រសិទ្ធភាពបំផុតនោះ គឺការចាក់វ៉ាក់សាំងហ្នឹងហើយ បូកជាមួយ ៣ ការពារនឹង ៣កុំ ហ្នឹង លេណដ្ឋានយើង ជាអាវក្រោះយើងការពារសុខភាពយើងពីជំងឺកូវីដ១៩ បាន ពីការស្លាប់ជំងឺកូវីដ១៩ បានយើងក៏បានពន្យល់ពួកគាត់ និងបានចុះបណ្ដើរៗហើយ យើងមិនមែនចាក់តែនៅមួយកន្លែងទេ យើងមានក្រុមការងារចល័ត ចុះចាក់តាមភូមិឆ្ងាយៗដែលពួកគាត់មិនអាចមកបាន។
លោកថាអ្នកដែលទទួលចាក់ដូសមូលដ្ឋានហើយយើងនឹងចាក់ជូន និងអ្នកដែលមិនទាន់បានចាក់មូលដ្ឋានហើយយើងក៏ចាក់ជូន អ្នកដែលចាក់ដុសទីមួយហើយមិនទាន់បានចាក់ដុសទីពីក៏យើងចាក់ជូន ព្រោះយើងចាក់គ្រប់ដុសទាំងអស់ មិនមែនថាចាក់ដុសជម្រុញ ដុសមូលដ្ឋានអត់ចាក់នោះទេ នៅតែចាក់អញ្ចឹង ឱ្យតែអ្នកណាមិនទាន់បានចាក់
ជួនកាលពីមុនមកគាត់ឈឺ សុខភាពគាត់មិនល្អ គាត់មិនទាន់បានចាក់ អញ្ចឹងសុខភាពគាត់បានស្រួលហើយគាត់អាចមកចាក់បាន។
លោកប្រធានមន្ទីរបានសំណូមពរដល់បងប្អូនប្រជាពលរដ្ឋទាំងអស់ត្រូវចូលរួមការចាក់វ៉ាក់សាំង ព្រោះវ៉ាក់សាំង ជាអាវក្រោះដ៏ក្រាស់បំផុតហើយ សម្រាប់ការពារខ្លួនយើង ព្រោះទោះជាមេរោគឆ្លង ក៏វាមិនធ្វើឲ្យឲ្យយើងឈឺ ហើយបើធ្វើឲ្យយើងឈឺក៏វាមិនធ្វើឲ្យយើងធ្ងន់ ហើយបើធ្វើឲ្យយើងធ្ងន់ក៏មិនធ្វើអោយយើងស្លាប់ដែរ៕
អត្ថបទ៖ ងិនលីម
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)