លទ្ធផលនៃកិច្ចប្រជុំកំពូលពិសេស​អាស៊ាន-អាមេរិក

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងនាម​​ជាប្រធានអាស៊ាន បាន​ដឹកនាំគណៈប្រតិភូជាន់ខ្ពស់​​​ចាកចេញពីប្រទេសកម្ពុជា ​ដើម្បីធ្វើជាសហប្រ​ធានកិច្ចប្រជុំកំពូលអាស៊ាន-សហរដ្ឋអាមេរិក ជាមួយ​ប្រធានាធិបតី​អាមេរិកលោក ចូ បៃដិន (Joe Biden)​ ទីក្រុងវ៉ាស៊ីនតោន​ កាលពីព្រឹកថ្ងៃទី ១០ ខែឧសភា ឆ្នាំ ២០២២ ហើយបា​នត្រ​ឡប់​មកដល់ប្រទេសកម្ពុជាវិញ​​ នៅវេលាម៉ោងប្រមាណជិត ៨​យប់ ថ្ងៃអាទិត្យ ទី ១៥ ខែឧសភា ឆ្នាំ ២០២២​។​

នៅពេល​ទៅ​ដល់​​​ភ្លាម សម្តេចតេជោ ហ៊ុន សែន បាន​​​ជួបជាមួយប្រជាពលរដ្ឋខ្មែរ ដែលកំពុងរស់នៅ​សហរដ្ឋអាមេរិក និងប្រទេសកាណាដា ដែលបាន​អញ្ជើញមកស្វាគមន៍ ​ចំពោះវត្តមាន​របស់សម្តេច​ និងសំណេះ​សំណាល ​ប្រកប​ដោយក្តីសប្បាយរីករាយ  និងកក់ក្តៅជាទីបំផុត។

បន្ទាប់មក សម្តេចតេជោនាយករដ្ឋមន្ត្រី បាន​ជួបសន្ទនាដោយផ្ទាល់ជាមួយក្រុមវិភាគសង្គម​​, ជួបពិភាក្សាការងារជាមួយ​លោក ដូណាល់ អេម បេនតុន (Donald M. Benton) អតីតសមាជិកព្រឹទ្ធសភា​សហរដ្ឋអាមេរិក, ជួបពិភាក្សាការងារជាមួយលោកជំទាវ ថាមមី ដាកវើក (Tammy Duckworth) សមាជិកព្រឹទ្ធសភាសហរដ្ឋអាមេរិក, ជួបពិភាក្សាការងារជាមួយលោក ផាម មិញជីញ នាយករដ្ឋមន្ត្រីនៃសាធារណរដ្ឋសង្គមនិយមវៀតណាម​, ជួប​ពិភាក្សាការងារជាមួយលោក មីសែល ភីទ្រុសហ្សិលឡូ (Michael Petruzzello) ប្រធានក្រុមហ៊ុន​ទំនាក់ទំនងសាធារណៈ (PR Firm-Qorvis Communication) , ជួប​ពិភាក្សាការងារជាមួយលោក ស្កុត ដេវីដ ផាវិន (Scott David Parven) តំណាងក្រុមហ៊ុនប្រឹក្សាយោបល់ និងបញ្ចុះបញ្ចូលផ្នែកច្បាប់របស់អាមេរិក ​ហើយ​ទើបចូលកដល់កិច្ចប្រជុំកំពូលពិសេសអាស៊ាន-​​សហរដ្ឋអាមេរិក​៕

អត្ថបទ៖ កោះកែវ

ខាងក្រោមនេះ​ជាលទ្ធផលទាំងស្រុង នៃកិច្ចប្រជុំកំពូលពិសេសអាស៊ាន-​សហរដ្ឋអាមេរិក​​៖ ​