ថ្ងៃពិសេសរបស់ភរិយា ឧកញ៉ា ខេមរៈ សិរីមន្ត ទិញរថយន្តទំនើបជាកាដូរ

កំពូលតារាចម្រៀ ខេមរៈ សិរីមន្ត ដែលមានងារជាឧកញ៉ា បើគិតមកទល់ពេលនេះគឺបានសាងសម្ព័ន្ធភាពស្នេហាដោយរៀបការជាមួយភរិយាមានរយ:ពេលយូរឆ្នាំមកហើយ ខណ:ចំណងស្នេហានោះទទួលបានកាដូរចំណងដៃកូនប្រុស-ស្រីចំនួន៣នាក់។

កត់សម្គាល់ពីសម្ព័ន្ធភាពស្នេហ៍ឧកញ៉ា ខេមរ: សិរីមន្ត កន្លងមក គឺមហាជននិងអ្នកគាំទ្រធ្លាប់បានដឹងខ្លះរួចមកហើយពាក់ព័ន្ធនឹងការសាងជីវិតគ្រួសារយ៉ាងផ្អែមល្ហែមដោយមកដល់ពេលនេះលោកឧកញ៉ា និងភរិយាបានរស់នៅចាប់ដៃគ្នាយ៉ាងមានសុភមង្គលលើគំនរទ្រព្យសម្បត្តិដ៏ស្តុកស្តមដែលកើតចេញពីអាជីពជាតារាចម្រៀងផង និងមុខជំនួញពេញដៃផង​ដែរ។

ស្របពេលដែលជីវិតគ្រួសារកាន់តែទទួលបានភាពជោគជ័យទាំងមុខជំនួញ និងសុភមង្គលក្នុងគ្រួសារនោះស្រាប់តែមុននេះលោកឧកញ៉ា ខេមរៈ សិរីមន្ត បានធ្វើឲ្យអ្នកគាំទ្រចាប់អារម្មណ៍ និងសរសើរក្រោយឃើញកំពូលតារាចម្រៀងរូបនេះបង្ហាញរថយន្តស៊េរីទំនើបមួយគ្រឿងដោយបានបញ្ជាក់ច្បាស់ៗថា ជាកាដូរសម្រាប់ថ្ងៃខួបកំណើតឧត្តមភរិយាជាទីស្រ លាញ់។

លោកឧកញ៉ា ខេមរៈ សិរីមន្ត បានសរសេរភ្ជាប់រូបភាពចំនួន៣សន្លឹកដោយខ្លីបែបនេះថា នេះជាកាដូថ្ងៃកំណើតអូនជូនពរអូនមានសុភមង្គលពេញមួយជីវិត។ ចំពោះការដូរដែលទិញសម្រាប់ភរិយាសំណព្វចិត្តរក្នុងថ្ងៃខួបកំណើតនេះ គឺជារថយន្តថ្មីសន្លាងពណ៌ខ្មៅរលោងស្រិលម៉ាកJeep ស៊េរីថ្មីដែលត្រូវបានគេដឹងថា មានតម្លៃរាប់ម៉ឺនដុល្លារឯណ្ណោះ៕

អត្ថបទ៖ ចាន់រ៉ា