សេដ្ឋកិច្ច
ផលិតផលកសិកម្ម៥មុខ ត្រៀមចុះបញ្ជីម៉ាកសម្គាល់ភូមិសាស្រ្តទំនិញ ឬម៉ាកសមូហភាព
ក្រសួងពាណិជ្ជកម្ម បានខិតខំស្វះស្វែងរកអង្គការដៃគូអភិវឌ្ឍន៍ ដើម្បីសិក្សាលទ្ធភាពក្នុងការចុះបញ្ជីម៉ាកសម្គាល់ភូមិសាស្រ្តទំនិញ ឬម៉ាកសមូហភាព លើវិស័យកសិកម្ម និងជលផល មួយចំនួនទៀត រួមមាន៖ អង្ករបាត់ដំបង បង្គារក្រៀមកំពង់សោម បង្គារក្រៀមកោះកុង ប្រហុកត្រីសៀមរាប អំបិល និងផ្កាអំបិលកំពត-កែប ដែលជាផលិតផលសក្តានុពលនៃប្រទេសកម្ពុជា។ នេះជាការបញ្ជាក់របស់លោក សួន វិជ្ជា ទីប្រឹក្សាក្រសួងពាណិជ្ជកម្ម និងជាប្រធានលេខាធិការដ្ឋាននៃគណៈកម្មាធិការជាតិគ្រប់គ្រងកម្មសិទ្ធិបញ្ញា និងជាប្រធាននាយកដ្ឋានកម្មសិទ្ធិបញ្ញា នៅក្នុងសិក្ខាសាលាពិគ្រោះយោបល់ស្តីពី ទស្សនទាន និងអត្ថប្រយោជន៍នៃ ការចុះបញ្ជីម៉ាកសម្គាល់ភូមិសាស្រ្តទំនិញ “អំបិល និងផ្កាអំបិលកំពត-កែប” និងការបង្កើតសមាគមម៉ាកសម្គាល់ភូមិសាស្រ្តទំនិញ កាលពីថ្ងៃពុធ ម្សិលមិញ។
បន្ទាប់ពី “អំបិល និងផ្កាអំបិលកំពត-កែប” ចុះបញ្ជីម៉ាកសម្គាល់ភូមិសាស្រ្តទំនិញនាពេលឆាប់ៗខាងមុខនេះ ផលិតផលកសិកម្ម និងជលផលបួនមុខទៀត រួមមាន៖ អង្ករបាត់ដំបង បង្គារក្រៀមកំពង់សោម បង្គារក្រៀមកោះកុង ប្រហុកត្រីសៀមរាប នឹងត្រៀមចុះបញ្ជីជាបន្តបន្ទាប់។
នាយកដ្ឋានកម្មសិទ្ធិបញ្ញា នៃក្រសួងពាណិជ្ជកម្ម បានសហការជាមួយជំនាញការថ្នាក់ជាតិ និងអន្តរជាតិរបស់អង្គការកម្មសិទ្ធិបញ្ញាពិភពលោក WIPO ក្នុងការរៀបចំសិក្ខាសាលាផ្សព្វផ្សាយ និងបានចុះយកសំណាក (ទឹកសមុទ្រ ដី និងអំបិល) ដើម្បីយកទៅពិនិត្យអំពីគុណភាព “អំបិល និងផ្កាអំបិលកំពត-កែប” ក្នុងមណ្ឌលផលិតកម្មទាំង ៧ រួមមាន៖ បឹងទូក ត្រើយកោះ បឹងរួង១ បឹងរួង ២ សេះស កែប កំពង់ត្រាច និងទទួលបានលទ្ធផលជាវិជ្ជមាន និងអាចបញ្ចូលក្នុងតំបន់ផលិតកម្ម “អំបិល និងផ្កាអំបិលកំពត-កែប”។
នាយកដ្ឋាននឹងសហការជាមួយអង្គការ AFD ដើម្បីរៀបចំបង្កើតសមាគមម៉ាកសម្គាល់ភូមិសាស្រ្តទំនិញ ដើម្បីចូលរួមរៀបចំសៀវភៅលក្ខន្តិកៈសមាគម បទបញ្ជាផ្ទៃក្នុង សៀវភៅបន្ទុកម៉ាកសម្គាល់ភូមិសាស្រ្តទំនិញ រូបសញ្ញាម៉ាកសម្គាល់ភូមិសាស្រ្តទំនិញ “អំបិល និងផ្កាអំបិលកំពត-កែប” និងឯកសារពាក់ព័ន្ធផ្សេងៗ។
លោក សួន វិជ្ជា ក៏បានស្នើឱ្យគ្រប់ភាគីពាក់ព័ន្ធទាំងអស់ ចូលរួមអនុវត្តគម្រោងចុះបញ្ជីម៉ាកសម្គាល់ភូមិសាស្រ្តទំនិញ “អំបិល និងផ្កាអំបិលកំពត-កែប” ឱ្យបានទទួលជោគជ័យ ក្នុងពេលឆាប់ៗខាងមុខនេះ៕
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៧ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព