ព័ត៌មានជាតិ
ផ្លូវកាត់ថ្មីទៅលេងសមុទ្រខេត្តកោះកុង ចម្ងាយជាង ៧០ គីឡូម៉ែត្រ រថយន្ត Pick Up ទើបអាចទៅរួច
ផ្លូវកាត់ពីថ្មដាមកចាំយាម ចម្ងាយត្រឹមជាង ៧០ គីឡូម៉ែត្រ ជាផ្លូវយុទ្ធសាស្ត្រភ្ជាប់ច្រកសេដ្ឋកិច្ចសំខាន់ពីររបស់ខេត្តពោធិ៍សាត់និងកោះកុង។
លោក អន ដាវុធ ប្រធានមន្ទីរសាធារណការនិងដឹកជញ្ជូនខេត្តកោះកុងប្រាប់ថា កំណាត់ផ្លូវនេះ រថយន្តធម្មតានៅមិនទាន់អាចធ្វើដំណើរបានស្រួលនៅឡើយទេ ទាល់តែប្រភេទរថយន្តខ្ពស់ៗ PICK UP ទើបជម្នះជិះកាត់ផ្លូវនេះបាន។
លោកបន្តថា ផ្លូវយុទ្ធសាស្ត្រប្របតាមបណ្តោយព្រំដែនថៃនេះ ស្ថិតនៅក្រោមការគ្រប់គ្រងរបស់ក្រសួងអភិវឌ្ឍជនបទ អនាគតរដ្ឋាភិបាលគ្រោងកែលម្អឲ្យប្រសើរឡើង ដើម្បីភ្ជាប់សេដ្ឋកិច្ចរវាងច្រកថ្មដានិងច្រកចាំយាមសម្រួលការធ្វើពាណិជ្ជកម្ម និងទេសចរណ៍រវាងខេត្តជាប់ថៃទាំងពីរនេះ។
ផ្លូវក្រវាត់ព្រំដែនថៃនេះ ជាផ្លូវយុទ្ធសាស្រ្តសម្រាប់ការពារជាតិផង និងសមាហរណកម្មផ្ទៃក្នុងប្រទេសផង តាមរយៈច្រកថ្មដា និងចាំយាម ភ្ជាប់ទៅកំពង់ផែសមុទ្រទឹកជ្រៅនៅខេត្តព្រះសីហនុ និងខេត្តកោះកុង។
រដ្ឋាភិបាលកំពុងស្ថាបនាបណ្តាញគមនាគមន៍ច្រករបៀងភាគខាងលិចរវាងខេត្តកោះកុង ពោធិសាត់ តាមរយៈផ្លូវជាតិលេខ ១០។ ផ្លូវមួយខ្សែថ្មីនេះតភ្ជាប់ពីសំឡូត- វាលវែង-អូរសោម ដល់កោះកុង ចម្ងាយ ១៩៩ គីឡូម៉ែត្រ សម្រេចបានជាង ៤០ ភាគរយ តាមផែនការគ្រោងបញ្ចប់នៅឆ្នាំ២០២៣។ បច្ចុប្បន្ន ផ្លូវនេះបានធ្វើការឈូសឆាយបានរលោងស្អាត អាចឲ្យរថយន្តទេសចរណ៍តូចធំជិះធ្វើដំណើរទៅមកបានស្រួល ចំណាយពេល ៣ ទៅ ៤ ម៉ោងប៉ុណ្ណោះ។
នៅពេលផ្លូវជាតិថ្មីនេះបញ្ចប់ទាំងស្រុង ពលរដ្ឋនៅខេត្តកោះកុង អាចធ្វើដំណើរទៅពោធិសាត់ ឆ្ពោះទៅស្រុកសំឡូត ខេត្តបាត់ដំបង ឬទៅសៀមរាប បន្ទាយមានជ័យនិងច្រកទ្វារប៉ោយប៉ែតចំណាយពេលតិចជាងមុន៕
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព