គេថា យល់សប្តិឃើញ “សត្វស្លាប” នឹងឈ្នះរង្វាន់ធំ?

ក្នុងជីវិតពិត ពេលមានសត្វបក្សីហើរចូលផ្ទះ គេជឿថា ជាសញ្ញាសំខាន់នៃទ្រព្យសម្បត្តិមកពីស្ថានសួគ៌។ រីឯក្នុងយល់សប្តិវិញ សត្វបក្សីបង្ហាញខ្លួន វាជាប្រផ្នូលនៃ​សំណាង ដែលនាំទៅដល់ការ​សម្រេច​​បំណង និងឈ្នះរង្វាន់ផ្សេងៗ។ យ៉ាងណាមិញ ក្នុងនោះក៏មានអត្ថន័យមិនល្អមួយចំនួនផងដែរ។

បក្សីហើររំលងក្បាល

បុរាណ​មាន​ជំនឿ​ថា វា​អាច​ជា​ការ​ដាស់តឿន​ឲ្យ​អ្នក​ប្រយ័ត្ន។ ចូរកុំមើលស្រាលលើអ្វីដែលអ្នកកំពុងធ្វើ ដោយសារសេចក្ដីប្រមាថ នាំទៅរកការវិនាស។ ក្នុងនោះក៏ត្រូវប្រយ័ត្នខ្ពស់ចំពោះការធ្វើដំណើរទីឆ្ងាយ ព្រោះអ្នកអាចជួបគ្រោះថ្នាក់ ជាពិសេសដំណើរទៅតំបន់ភ្នំ។

បក្សីជុះអាចម៍ដាក់ក្បាល​ឬមុខ

សត្វស្លាបស្ដោះទឹកមាត់ ឬជុះអាចម៍ដាក់លើមុខឬក្បាល នៅក្នុងយល់សប្តិ ​នោះ​ជា​ប្រផ្នូល​អាក្រក់​ពាក់ព័ន្ធនឹងហិរញ្ញវត្ថុ។ ចូរវិនិយោគ និងចាយវាយដោយឆ្លាតវៃបំផុត ពុំនោះទេ អ្នកប្រាកដជារលីងគូទខោមិនខាន។

បក្សីមកទុំលើដៃឬស្មា

ប្រសិនបើអ្នកកំពុងឈរឬដើរ ហើយស្រាប់តែមានបក្សីមកទុំលើដៃឬស្មា មិនថាដៃឆ្វេង ឬស្តាំទេ មានន័យថា អ្នកមានសំណាងទទួលបានលាភពីញាតិ ឬមិត្តសម្លាញ់។ ​ប្រសិនផ្សងសំណាង អាចត្រូវរង្វាន់ធំ៕

អត្ថបទ៖ សន្យា

ចុចអាន៖ យល់សប្ដិឃើញប្រភេទបក្សី ជាប្រផ្នូលនាំលាភសំណាង និងកិត្តិយសមកឲ្យអ្នក

ចុចអាន៖ សុបិន ៥ ប្រភេទ​ ចាស់ៗជឿថា ម្ចាស់ខ្លួននឹងទទួលបានលាភធំ