ព័ត៌មានជាតិ

ចុងឆ្នាំ ២០២២ អត្តសញ្ញាណប័ណ្ណជាង ៨០ម៉ឺននាក់ នឹងផុតសុពលភាព

បានផុស

៤ years មុន

នៅ

ថ្ងៃអង្គារ ២៥ តុលា ២០២២

ដោយ

សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានរៀបចំបើកកិច្ចប្រជុំនាព្រឹកថ្ងៃទី ២៥ ខែតុលា ឆ្នាំ២០២២ នេះ ដើម្បីស្ដាប់របាយការណ៍ និងរកដំណោះស្រាយបញ្ហាទាក់ទងនឹងការផុតសុពលភាពអត្តសញ្ញាណប័ណ្ណ ស្របពេលគណៈកម្មាធិការជាតិរៀបចំការបោះឆ្នោត កំពុងដំណើរការចុះឈ្មោះបោះឆ្នោត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កង សាខន អគ្គនាយកនៃអគ្គនាយកដ្ឋានអត្តសញ្ញាណកម្ម បានលើកឡើងក្នុងកិច្ចប្រជុំថា គិតមកដល់ពេលនេះមានប្រជាពលរដ្ឋជាង ១២លាននាក់ បានទទួលអត្តសញ្ញាណប័ណ្ណ ក្នុងនោះអត្តសញ្ញាណប័ណ្ណផុតសុពលភាពនាចុងឆ្នាំ២០២២ មានជាង ៨០ម៉ឺននាក់។

អគ្គនាយកនៃអគ្គនាយកដ្ឋានអត្តសញ្ញាណកម្មបានឲ្យដឹងថា ចំនួនអត្តសញ្ញាណប័ណ្ណផុតសុពលភាព អាចបន្តកើនឡើងដល់ច្រើនជាង ១លាននាក់ បើគិតដល់ខែកក្កដា ឆ្នាំ២០២៣ ព្រោះក្នុងចំណោមប្រជាពលរដ្ឋ មានអត្តសញ្ញាណប័ណ្ណត្រូវផុតសុពលភាពនាពេលខាងមុខនោះ មួយចំនួនបានទទួលមរណភាព មួយចំនួនជាប់ពន្ធនាគារ និងមួយចំនួនធំបានធ្វើចំណាកស្រុក។

សម្រាប់វិធានការដោះស្រាយចំពោះមុខ គឺជំរុញផ្សព្វផ្សាយឲ្យប្រជាពលរដ្ឋនៅគ្រប់មូលដ្ឋានរាជធានីខេត្ត ក្រុង ស្រុក ខណ្ឌ ឃុំ សង្កាត់ និងទាមទារការគាំទ្រពីអាជ្ញាធរ និងមន្ត្រីពាក់ព័ន្ធនៅថ្នាក់ក្រោមជាតិ ដើម្បីឱ្យពលរដ្ឋបានដឹងថា អត្តសញ្ញាណប័ណ្ណដែលខ្លួនកំពុងប្រើប្រាស់នោះជិតអស់សុពលភាព ហើយចូលរួមបំពេញនីតិវិធីធ្វើអត្តសញ្ញាណប័ណ្ណថ្មីឡើងវិញ៕

អត្ថបទ៖ ថារី

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា