ព័ត៌មានអន្ដរជាតិ
លោក ពូទីន ថា រុស្ស៊ី មិនមែនជាសត្រូវរបស់លោកខាងលិចនោះទេ
ប្រធានាធិបតីរុស្ស៊ីលោក វ្ល៉ាឌីមៀ ពូទីន បាននិយាយកាលពីថ្ងៃព្រហស្បតិ៍ថា ប្រទេសរុស្ស៊ីមិនបានពិចារណា និងមិនបានចាត់ទុកខ្លួនឯងថាជា សត្រូវរបស់លោកខាងលិចនោះទេ ។
ថ្លែងនៅក្នុងកិច្ចប្រជុំប្រចាំឆ្នាំរបស់វិទ្យាស្ថាន Valdai Discussion Club នៅទីក្រុងមូស្គូ លោក ពូទីន បាននិយាយថា “ព្រឹត្តិការណ៍ពិភពលោកនាពេលថ្មីៗនេះ បាននាំឲ្យមានការផ្លាស់ប្តូរទិសដៅនៅក្នុងឆាកអន្តរជាតិ ហើយលោកខាងលិចនឹងត្រូវចាប់ផ្តើមការសន្ទនាស្មើភាពគ្នាអំពីអនាគតរួមមួយនៅក្នុងកិច្ចការពិភពលោក ពោលកាន់តែឆាប់កាន់តែល្អ” ។
លោកបាននិយាយថា “រុស្ស៊ីមិនបានចាត់ទុកខ្លួនឯងជាសត្រូវរបស់បស្ចិមប្រទេសនោះទេ ។ រុស្ស៊ីបានព្យាយាមកសាងទំនាក់ទំនងជាមួយលោកខាងលិច និងអង្គការណាតូ ជាមួយនឹងសារតែមួយគឺ យើងរស់នៅជាមួយគ្នាក្នុងមិត្តភាព” ។
លោកប្រធានាធិបតីបានកត់សម្គាល់ថា ប្រទេសរុស្ស៊ីមិនមានផែនការដើម្បីក្លាយជាអនុត្តរភាពខ្លួនឯងនោះទេ ចំពេលមានវិបត្តិខាងគោលលទ្ធិសេរីនិយមនៃសណ្តាប់ធ្នាប់ពិភពលោករបស់អាមេរិក ខណៈទីក្រុងវ៉ាស៊ីនតោនមិនបានផ្ដល់ឲ្យពិភពលោកនូវរបៀបវារៈវិជ្ជមានឡើយ ពោលមានតែការត្រួតត្រារបស់ខ្លួនប៉ុណ្ណោះ” ។
ជាចុងក្រោយលោក ពូទីន បានបញ្ជាក់ថា បច្ចុប្បន្នលោកខាងលិចកំពុងព្យាយាមជំនួសច្បាប់អន្តរជាតិជាមួយនឹង “បទបញ្ជាផ្អែកលើច្បាប់” ហើយដើម្បីរក្សាការគ្រប់គ្រងរបស់ខ្លួន លោកខាងលិចកំពុងតែបន្តអនុវត្តគោលនយោបាយ “បង្ហូរឈាមដ៏ឃោរឃៅ” ដោយបដិសេធអធិបតេយ្យភាពរបស់ប្រទេស និងប្រជាជនរបស់ពិភពលោកយើង ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានអន្ដរជាតិ១ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានជាតិ១ សប្តាហ៍ agoផ្លូវពីព្រលានថ្មីមកក្រុងសៀមរាប ស្ថិតក្នុងដំណាក់កាលសិក្សាបឋម មុនឈានបើកការដ្ឋានសាងសង់