ព័ត៌មានជាតិ

មន្ត្រីរាជការ ដែលបានដាក់ពាក្យប្រឡង វគ្គវិក្រឹត្យការនៅសាលាភូមិន្ទរដ្ឋបាល ត្រូវឲ្យជាប់ចូលរៀនជាស្វ័យប្រវត្តិ

បានផុស

៥ years មុន

នៅ

ថ្ងៃពុធ ៦ មករា ២០២១

ដោយ

ភ្នំពេញ ៖ មន្ត្រីរាជការដែលបានដាក់ពាក្យប្រឡង វគ្គវិក្រឹត្យការនៅសាលាភូមិន្ទរដ្ឋបាល ត្រូវឲ្យជាប់ចូលរៀនជាស្វ័យប្រវត្តិដោយមិនចាំបាច់ធ្វើការប្រឡងឡើយ។

លោក ព្រំសុខា រដ្ឋមន្ត្រីក្រសួងមុខងារសាធារណៈនិងជាប្រធានក្រុមប្រឹក្សាភិបាលសាលាភូមិន្ទរដ្ឋបាលបានឲ្យដឹងនៅក្នុងសេចក្តីជួនដំណឹងថា យោងតាមស្ថានភាពចាំបាច់ក្រុមប្រឹក្សាសាលាភូមិន្ទរដ្ឋបាលបានសម្រេចទទួលស្គាល់មន្ត្រីរាជការជាបេក្ខជនប្រឡងត្រួតពិនិត្យសមត្ថភាពចូលសិក្សាក្នុងវគ្គបណ្ដុះបណ្ដាលបន្តឆ្នាំ២០២១សរុបចំនួន៩៤២អង្គ/នាក់ជាកម្មសិក្សាការីពេញសិទ្ធិទាំងអស់ដោយពុំចាំបាច់ឆ្លងកាត់ការប្រឡងត្រួតពិនិត្យសមត្ថភាពដើម្បីអនុញ្ញាតឲ្យសាលារៀបចំការបណ្ដុះបណ្ដាលបន្តឆ្នាំ២០២១នេះ។

លោករដ្ឋមន្ត្រីបានបន្តថា សាលាភូមិន្ទរដ្ឋបាលនឹងចាប់ផ្ដើមផ្ដល់ការបណ្ដុះបណ្ដាលសម្រាប់វិក្រឹត្យការខាងលើចាប់ពីថ្ងៃទី០១ ខែកុម្ភៈ ឆ្នាំ២០២១តទៅ។

លោករដ្ឋមន្ត្រីបានបន្ថែមថា «អាស្រ័យហេតុនេះ ខ្ញុំសូមគោរពស្នើសុំសម្ដេចឯកឧត្ដមលោកជំទាវមេត្តាពិនិត្យនិងសម្រេចអនុញ្ញាតឲ្យមន្ត្រីកម្មសិក្សាការីដូចមានបញ្ជាក់ក្នុងសេចក្តីសម្រេចដូចយោងខាងលើដើម្បីទទួលការបណ្តុះបណ្តាលនៅសាលាភូមិន្ទរដ្ឋបាលក្នុងឆ្នាំ ២០២១ដោយដាក់មន្ត្រីទាំងនោះឲ្យស្ថិតក្នុងស្ថានភាពទំនេរពីមុខងារដោយរក្សាបៀវត្សនិងមុខតំណែងនៅដដែលក្នុងរយៈពេលនៃការបណ្ដុះបណ្ដាល»។

លោករដ្ឋមន្ត្រីបានស្នើឲ្យសម្ដេចឯកឧត្ដមលោកជំទាវមេត្តាបញ្ជូនលិខិតការអនុញ្ញាតរបស់ក្រសួងស្ថាប័នមកសាលាភូមិន្ទរដ្ឋបាលផ្ទាល់ឲ្យបានមុនថ្ងៃទី២៦ ខែមករាឆ្នាំ២០២១ដោយក្តីអនុគ្រោះ៕

ដោយ ៖ សំអឿន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Related Topics:លោក ព្រុំ សុខា

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា