ព័ត៌មានជាតិ

កម្ពុជាមានមន្រ្តីរាជការស៊ីវិលជាង ២២ ម៉ឺន កំពុងបម្រើការងារថ្នាក់ជាតិ និងថ្នាក់ក្រោមជាតិ

បានផុស

៤ years មុន

នៅ

ថ្ងៃព្រហស្បតិ៍ ២០ តុលា ២០២២

ដោយ

មន្រ្តីរាជការស៊ីវិលទូទាំងប្រទេស បច្ចុប្បន្នមានជាង ២២ ម៉ឺននាក់។ នេះបើតាមការឲ្យដឹងពីរដ្ឋមន្ត្រីក្រសួងមុខងារសាធារណៈ។

លោក ព្រុំ សុខា រដ្ឋមន្ត្រីក្រសួងមុខងារសាធារណៈបានថ្លែងក្នុងសន្និសីទពីវឌ្ឍនភាពរយៈពេល ៥ ឆ្នាំ នៅព្រឹកនេះថា បច្ចុប្បន្នមន្ត្រីរាជការស៊ីវិល (ដោយមិនគិតកងកម្លាំងប្រដាប់អាវុធ) ទូទាំងប្រទេសមានចំនួន ២២៦ ៩៤៩ នាក់ ក្នុងនោះថ្នាក់ជាតិមានចំនួន ៤៩ ៨៤៥ នាក់ និងថ្នាក់ក្រោមជាតិមានចំនួន ១៧៧ ១០៤ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបន្តថា ក្នុងរយៈពេល ៥ ឆ្នាំនេះ រាជរដ្ឋាភិបាលក៏បានផ្ដល់ក្របខ័ណ្ឌថ្មីចំនួន ២៦ ៧៩៨ កន្លែង និងមន្ត្រីជាប់កិច្ចសន្យាគ្រប់ប្រភេទចំនួន ៤៥ ៩៣១ កន្លែង។ ជាមួយគ្នានេះ មន្ត្រីរាជការសរុបចំនួន ៤២០ ៦៣៧ នាក់ ក៏ត្រូវបានដំឡើងឋានន្តរសក្ដិ និងដាក់ឱ្យចូលនិវត្តន៍ចំនួន ១០ ៥១៤ នាក់។

ទាក់ទងមន្រ្តីខ្មោច ឬមន្រ្តីមិនប្រក្រតី លោកព្រុំ សុខា បានបញ្ជាក់ដែរថា តាមការធ្វើជំរឿនចំនួនពីរលើកបានរកឃើញចំនួន ៣១ ៥៥៥នាក់។

ក្នុងសន្និសីទលោក ព្រុំ សុខា រដ្ឋមន្ត្រីក្រសួងមុខងារសាធារណៈ ក៏បានបង្ហើបពីប្រាក់បៀវត្សមន្រ្តីរាជការដែលនឹងត្រូវដំឡើងនៅឆ្នាំ២០២៣។ បើតាមលោករដ្ឋមន្រ្តី នៅក្នុងឆ្នាំ២០២៣ ប្រាក់បៀវត្សអប្បបរមា (ទាបបំផុត) របស់មន្ត្រីរាជការនឹងឡើងដល់ ១.៣០០០.០០០ រៀល (៣២៥ ដុល្លារ)៕