ទម្លាប់ល្អ ៦ ចំណុច ជួយក្រចកឲ្យមានសុខភាពល្អ

ក្រចកដៃផ្សំឡើងពីស្រទាប់ប្រូតេអ៊ីនដែលហៅថា Keratin វាដុះចេញពីផ្ទៃក្រចកនៅក្រោមរង្វង់ក្រចករបស់អ្នក ។ ក្រចកដៃដែលមានសុខភាពល្អគឺ រលោង គ្មានរណ្តៅ គ្មានចង្អូរ មានពណ៌ដូចគ្នា និងមិនប្រែពណ៌ ។ ដើម្បីឲ្យក្រចកដៃស្អាត រឹងមាំ និងមានសុខភាពល្អ អ្នកអនុវត្តតាមវិធីខាងក្រោមនេះ ៖

១. រក្សាក្រចកឲ្យនៅស្ងួត និងមានអនាម័យ

វិធីនេះការពារបាក់តេរីមិនឲ្យលូតលាស់ក្រោមក្រចក និងការពារក្រចកពីការផុយស្រួយងាយរហែក ជាពិសេសពេលលាងចាន បោកខោអាវ និងមុជទឹកយូរពេក ។

២. សម្អាតក្រចកដោយយកចិត្តទុកដាក់

ប្រើកន្ត្រៃកាត់ក្រចកដែលមុត ហើយកាត់តាមទម្រង់ក្រចក ។ ជៀសវាងកាត់ត្រង់ៗតាមម៉ូដជ្រុងៗព្រោះវាខុសពីទម្រង់ក្រចកធម្មតា ។

៣. ផ្ដល់សំណើម

ប្រើឡេ ឬគ្រីមលាបប្រអប់ដៃម៉ាស្សាតាមដងម្រាមដៃ និងក្រចកឲ្យសព្វជាប្រចាំដើម្បីទទួលបានក្រចករលោងស្អាត ។ 

៤. ប្រើប្យ៊ូទីន

ការប្រើប្រាស់ប្យ៊ូទីន ត្រូវការសាកសួរពីពេទ្យជំនាញដែលអ្នកទុកចិត្ត ។ ប្យ៊ូទីនជា សារជាតិជួយស្ដារក្រចកទន់ផុយឲ្យប្រែជារឹងមាំវិញ ។ 

៥. ហាមខាំក្រចក

ការខាំក្រចកជា ទម្លាប់មិនល្អចំពោះក្រចកព្រោះមុខរបួសតែបន្តិចនឹងបង្កឲ្យមានការឆ្លងបាក់តេរី និងផ្សិតយ៉ាងងាយ ។

៦. ទាញក្រចកដែលរហែក

អ្នកគួរតែកាត់ជាមួយឧបករណ៍ត្រឹមកន្លែងលៀនចេញមក មិនត្រូវទាញវាឲ្យដាច់នោះទេ ។ បើអ្នកទាញក្រចកនោះឲ្យដាច់ វានឹងខូចក្រចកជាបន្តបន្ទាប់ ។

មួយវិញទៀតសម្រាប់អ្នកមានទម្លាប់ធ្វើក្រចកនៅហាង គួរតែជ្រើសរើសហាងដែលមានជំនាញច្បាស់លាស់ ធ្វើបានស្អាត និងមានអនាម័យខ្ពស់ជានិច្ច ៕

ប្រែសម្រួលដោយ ៖ វារី

ចុចអាន ៖ ចេះតែឈឺមិនជា ដោយសារតែមិនកាត់ក្រចកដៃឲ្យខ្លីៗ ទុកឲ្យបាក់តេរីនិងផ្សិតតោងជាប់

ចុចអាន ៖ អត្ថប្រយោជន៍ដ៏គួរឲ្យភ្ញាក់ផ្អើល ៦ យ៉ាង អំពីការធ្វើក្រចកដៃ និងជើងទៀងទាត់