រុស្ស៊ី បន្តបាញ់មីស៊ីលស្រោចលើ អ៊ុយក្រែន ខណៈក្រុងកៀវ កំពុងចាំរថក្រោះ

កងកម្លាំងរុស្ស៊ីបានបន្តបាញ់ស្រោចកាំជ្រួចមីស៊ីលទៅលើរោងចក្រថាមពល និងគោលដៅជនស៊ីវិលផ្សេងទៀតនៅទូទាំងប្រទេសអ៊ុយក្រែន បន្ទាប់ពីប្រទេសអាល្លឺម៉ង់ សហរដ្ឋអាមេរិក និងប្រទេសផ្សេងទៀតបានសន្យាថានឹងបញ្ជូនរថក្រោះប្រយុទ្ធរបស់ពួកគេទៅជួយកងកម្លាំងអ៊ុយក្រែន ។

អ្នកនាំពាក្យក្រសួងការពារជាតិ លោក Igor Konashenkov បាននិយាយថា “ការវាយប្រហារនេះបានរារាំងដល់ប្រទេសណាតូក្នុងការដឹកជញ្ជូនអាវុធ និងគ្រាប់រំសេវ រួមទាំងការផ្គត់ផ្គង់របស់ចាំបាច់ផ្សេងទៀតទៅកាន់តំបន់ប្រយុទ្ធផងដែរ ខណៈការបាញ់ប្រហារនោះបានសម្លាប់យោធាយ៉ាងហោចណាស់មនុស្ស ១១ នាក់ ។

ពាក់ព័ន្ធនឹងបញ្ហានេះដែរ ប្រធានាធិបតីអ៊ុយក្រេនលោក Volodymyr Zelensky បានអំពាវនាវាឲ្យមេដឹកនាំលោកខាងលិចបញ្ជូនមីស៊ីលរយៈចម្ងាយឆ្ងាយ យន្តហោះចម្បាំង និងរថក្រោះប្រយុទ្ធឲ្យបានឆាប់បន្តិចមក បើមិនដូច្នេះទេ ប្រជាជនរបស់យើងនឹងស្លាប់កាន់តែច្រើនឡើងៗហើយ ។

លោក Zelensky បាននិយាយកាលពីថ្ងៃសុក្រថា កងទ័ពរបស់អ៊ុយក្រែនត្រូវការរថក្រោះយ៉ាងហោចណាស់ពី ៣០០ ទៅ ៥០០ គ្រឿងដើម្បីវាយតបតទៅកាន់កងកម្លាំងរបស់រុស្ស៊ីវិញ ក្រោយពេលដែលអាមេរិក និងអាល្លឺម៉ង់ប្រកាសនឹងបញ្ជូនរថក្រោះប្រយុទ្ធ Abrams និងរថក្រោះខ្លារខិន Leopard ទៅឲ្យរដ្ឋាភិបាលទីក្រុងកៀវ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ រុស្ស៊ី បន្តបាញ់មីស៊ីលស្រោចលើ អ៊ុយក្រែន ខណៈក្រុងកៀវ កំពុងចាំរថក្រោះ