ជីវិតកម្សាន្ដ

តារាកំប្លែង កាឆយ បញ្ជាក់ថា ម្ចាស់ឡានដែលបុកម៉ូតូកូនប្រុសយប់មិញ ចេញមុខដោះស្រាយហើយ

បានផុស

២ years មុន

នៅ

ថ្ងៃសុក្រ ៣ កុម្ភៈ ២០២៣

ដោយ

តារាកំប្លែងជើងចាស់ល្បីឈ្មោះអ្នកនាង កាឆយ បានថ្លែងបញ្ជាក់ឲ្យដឹងមុននេះថា បន្ទាប់ពីអ្នកនាងធ្វើការបង្ហោះនៅលើបណ្ដាញសង្គមដើម្បីស្វែងរកម្ចាស់ឡានដែលបុកម៉ូតូកូនប្រុសខ្លួនកាលពីយប់មិញហើយជ្រុះស្លាកលេខនោះ ឥឡូវនេះបានចេញមុខដោះស្រាយហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាកំប្លែងសំឡេងមិនចេះរឹងស្ងួតអ្នកនាង កាឆយ បាននិយាយប្រាប់ដោយខ្លីថា “ខ្ញុំអរគុណបងប្អូនទាំងអស់ដែលបានបារម្ភ និងសួរសុខទុក្ខ កូនខ្ញុំត្រូវតិចទេ តែម៉ូតូធ្ងន់ ឥឡូវម្នាក់ឡានចេញមកដោះស្រាយហើយ”។

សូមបញ្ជាក់ថា នៅលើបណ្ដាញសង្គមហ្វេសប៊ុក អ្នកនាង កាឆយ កាលពីយប់មិញ បានបង្ហោះសារដ៏ភ្ញាក់ផ្អើល ជុំវិញករណីគ្រោះថ្នាក់ចរាចរណ៍រថយន្តបុកម៉ូតូកូនប្រុសអ្នកនាង ហើយបើកគេចខ្លួន។

អ្នកនាង កាឆយ រៀបរាប់ដោយខ្លឹមសារបែបនេះថា សូមម្ចាស់ឡានដែលមានស្លាកលេខភ្នំពេញ ២BS- ៣៥២៥ ដែលបានប៉ះម៉ូតូកូនប្រុសខ្ញុំកាលពីវេលាម៉ោង ១០ និង ០០ នាទីយប់ ថ្ងៃទី ០២ ខែកុម្ភៈ ឆ្នាំ ២០២៣ ចំណុចស្តុបលូប្រាំ ស្ថិតក្នុងសង្កាត់ស្ទឹងមានជ័យ ៣ ខណ្ឌមានជ័យ រាជធានីភ្នំពេញ ដែលបានបុកហើយជ្រុះស្លាកលេខ និងគេចខ្លួនពីកន្លែងកើតហេតុ ចូលមកដោះស្រាយ សូមបងប្អូនជួយស៊ែរឲ្យដឹងដល់ម្ចាស់ឡានផងណាបងប្អូន៕

អត្ថបទ ៖ ចាន់រ៉ា