ព័ត៌មានជាតិ

ប្អូនស្រីសម្ដេចកិត្តិព្រឹទ្ធបណ្ឌិត ទទួលមរណភាព ក្នុងជន្មាយុ ៦៧ឆ្នាំ

បានផុស

៣ years មុន

នៅ

ថ្ងៃសុក្រ ៣ កុម្ភៈ ២០២៣

ដោយ

លោកជំទាវ ប៊ុន សុថា ហៅ ប៊ុន សាមហ៊ឹង ត្រូវប្អូនស្រីរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន គឺ បានទទួលមរណភាព នៅវេលាម៉ោង៦ និង១៣នាទីល្ងាចថ្ងៃទី៣ ខែកុម្ភៈ ឆ្នាំ២០២៣ ក្នុងជន្មាយុ៦៧ឆ្នាំ ដោយរោគាពាធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សពតម្កល់ទុកធ្វើបុណ្យតាមប្រពៃណី នៅផ្ទះលេខ៦៦ ផ្លូវលេខ៥២៨ កែងនឹងផ្លូវលេខ២៨៥ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។ សពនឹងដង្ហែ ទៅបញ្ចុះនៅវត្តបទុមវតី នៅថ្ងៃទី៧ ខែកុម្ភៈ ឆ្នាំ២០២៣។

សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងនាមជាបងប្រុសថ្លៃ បានបង្ហោះលើទំព័រហ្វេសបុកមុននេះថា៖ “ក្រិត្យក្រមធម្មជាតិ ឆ្នាំមុនបាត់បង់បងប្រុស ឆ្នាំនេះបាត់បង់ ប្អូនថ្លៃស្រី”។

មរណភាពរបស់លោកជំទាវ ប៊ុន សុថា គឺជាបាត់បង់នូវប្អូនស្រី ភរិយា អ្នកម្តាយ ម្តាយមីង ជីដូន ប្រកបដោយព្រហ្មវិហារធម៌ និងក្តីសន្ដោសប្រណី ចំពោះបងប្អូន កូនចៅ ក្មួយៗ និងក្រុមគ្រួសារ។ សូមបួងសួងដល់វិញ្ញាណក្ខន្ធរបស់លោកជំទាវ ប៊ុន សុថា បានទៅកាន់សុគតិភព កុំបីឃ្លៀងឃ្លាតឡើយ៕