ព័ត៌មានជាតិ

សម្តេចតេជោផ្ញើលិខិតរំលែកទុក្ខជូនលោក កឹម សុខា ចំពោះមរណភាពម្ដាយបង្កើត

បានផុស

៣ នាទី មុន

នៅ

ថ្ងៃព្រហស្បតិ៍ ៩ កក្កដា ២០២៦

ដោយ

ប្រធានព្រឹទ្ធសភា នៃព្រះរាជាណាចក្រកម្ពុជា សម្តេចតេជោ ហ៊ុន សែន បានផ្ញើសារលិខិតចូលរួមរំលែកទុក្ខជូន លោក កឹម សុខា និងក្រុមគ្រួសារ ចំពោះមរណភាពរបស់ ឧបាសិកា សៅ ង៉ែត ដែលត្រូវជាមាតាបង្កើតរបស់ លោក កឹម សុខា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសារលិខិតរំលែកទុក្ខ ចុះថ្ងៃទី៩ ខែកក្កដា ឆ្នាំ២០២៦ សម្តេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត បានសម្តែងនូវការសោកស្តាយស្រណោះអាឡោះអាល័យជាពន់ពេក ចំពោះការបាត់បង់ឧបាសិកា សៅ ង៉ែត ដែលត្រូវជាមាតាបង្កើត មាតាក្មេក ជីដូន និងជីទួត ជាទីគោរពស្រឡាញ់បំផុតនៃគ្រួសារលោក កឹម សុខា និងជាបុគ្គលដែលប្រកបដោយព្រហ្មវិហារធម៌ និងសង្គហធម៌ជាគំរូមួយរូបរបស់កូន ចៅ ប្រុស ស្រី។ ជាមួយគ្នានេះដែរ សម្តេចតេជោ និងសម្ដេចកិត្តិព្រឹទ្ធបណ្ឌិត ក៏បានឧទ្ទិសបួងសួងដល់ដួងវិញ្ញាណក្ខន្ធរបស់ ឧបាសិកា សៅ ង៉ែត បានទៅចាប់បដិសន្ធិ និងសោយសុខក្នុងសុគតិភពកុំបីឃ្លៀងឃ្លាតឡើយ ។

គួរឱ្យដឹងដែរថាឧបាសិកា សៅ ង៉ែត ត្រូវជាម្ដាយបង្កើតរបស់លោក កឹម សុខា ប្រធានអតីតគណបក្សសង្គ្រោះជាតិ បានទទួលមរណភាព កាលពីថ្ងៃពុធ ទី៨ ខែកក្កដា ឆ្នាំ២០២៦ វេលាម៉ោង ១១យប់ ដោយជរាពាធក្នុងជន្មាយុ១០១ឆ្នាំ៕