ទន្សាយមិនដែលក្អួត​ មកពីមូលហេតុមួយនេះសោះ

សត្វទន្សាយជាសត្វចិញ្ចឹមជាប់ចំណាត់ថ្នាក់លេខបីបន្ទាប់ពីឆ្កែឆ្មា ទន្ទឹមនឹងរូបរាងគួរឲ្យស្រលាញ់របស់វាគេសង្កេតឃើញថាទន្សាយមិនដែលក្អួតម្ដងណាទេ ។ ខាងក្រោមនេះជាមូលហេតុពិតនៃទន្សាយមិនចេះក្អួត ៖

Gag Reflex គឺជាការកន្ត្រាក់សាច់ដុំប្រតិកម្មពេលខក់ ឬមិនស្រួលខ្លួនធ្វើឲ្យចង់ក្អួត ។ សកម្មភាពនេះមានអត្ថប្រយោជន៍យ៉ាងសំខាន់ចំពោះសុខភាពភាវរស់​ ជាពិសេសពេលត្រូវកម្ចាត់អាហារមិនល្អចេញពីរាងកាយភ្លាមៗជៀសវាងបង្កគ្រោះថ្នាក់ធ្ងន់ធ្ងរ ។

ក្រៅពីមិនអាចក្អួតហើយ ទន្សាយថែមទាំងខ្វះសមត្ថភាពក្នុងការដកអាហារគ្រោះថ្នាក់ភ្លាមៗចេញពីរាងកាយដែលបង្កឲ្យវាងាយឈឺទៀតផង ។ វេជ្ជបណ្ឌិត Jamie Whittenburg បានពន្យល់ថាបំពង់អាហាររបស់ទន្សាយមានសាច់ដុំខ្លាំងក្លាហើយវារារាំងអាហារមិនឱ្យធ្វើអ្វីផ្សេងក្រៅពីធ្វើដំណើរមួយផ្លូវឆ្លងកាត់រាងកាយរបស់ទន្សាយឡើយ ណាមួយទន្សាយជាសត្វស៊ីតិចតែច្រើនដង និងស្វាហាប់ដូច្នេះចំណុចនេះគឺល្អបំផុតសម្រាប់វា ។

អ្នកគ្រូពេទ្យ Whittenburg បន្តថា បំពង់អាហារចូលទៅក្នុងក្រពះនៅមុំមួយដែលការពារលំហូរត្រឡប់មកវិញហើយច្រកចូលទៅក្រពះត្រូវបានហ៊ុមព័ទ្ធដោយផ្នត់ក្រាស់ដែលជារបាំងការពារ រចនាសម្ព័ន្ធកាយវិភាគសាស្ត្រទាំងអស់នេះធ្វើការរួមគ្នាដើម្បីការពារសត្វទន្សាយមិនអោយក្អួត ៕

ប្រែសម្រួល ៖ វារី

ប្រភព ៖ Grunge

ចុចអាន ៖ ការពិតសាហាវៗពីត្រីដូហ្វីន ៧ ចំណុចមនុស្សគួរស្វែងយល់

ចុចអាន ៖ មកស្គាល់សត្វ Capybara រួសរាយជាងគេបំផុតនៅលើពិភពលោក