ព័ត៌មានជាតិ
ឃុំកោះស្តេច ត្រូវបានមន្ត្រីជំនាញគ្រោងប្រកាសថា ជាឃុំអស់គ្រប់មីន
កោះកុង ៖ មន្ត្រីជាន់ខ្ពស់នៃអាជ្ញាធរមីនកម្ពុជា បានគ្រោងដាក់ឃុំកោះស្តេចជាឃុំមានសុវត្ថិភាព និង ផុតគ្រោះថ្នាក់ដោយសារគ្រប់មីន ក្រោយមានការបោសសម្អាតរួចរាល់ទៅតាមផែនការដាក់ចេញរបស់កងកម្លាំងជំនាញបោះសំអាតគ្រាប់មីន និងបោសសម្អាតសំណល់ជាតិផ្ទុះពីសង្គ្រាមនៃមជ្ឈមណ្ឌលជាតិរក្សាសន្តិភាព។
លោក ទេព កល្យាណ អគ្គលេខាធិការរងអាជ្ញាធរមីន លោក ស្រេង ហុង អភិបាលរងខេត្ត និងអភិបាលរងស្រុកគិរីសាគរ នៅព្រឹកថ្ងៃទី២៨ ខែកុម្ភៈ ឆ្នាំ២០២៣នេះ បើកកិច្ចប្រជុំពិភាក្សាគ្នាអំពីគម្រោងប្រកាសឃុំកោះស្តេចថាជាឃុំគ្មានគ្រាប់មីន។
លោក ទួន ឪទី អភិបាលរងស្រុកគិរីសាគរ បានឱ្យដឹងថា ឃុំកោះស្តេច ត្រូវបានអាជ្ញាធរមីនកម្ពុជា គ្រោងប្រកាសថា អស់គ្រាប់មីននៅខ្ទង់ថ្ងៃទី១០ ខែមីនា ខាងមុខ ប៉ុន្តែការប្រព្រឹត្តពិធីជាផ្លូវការមិនអាចផ្តល់ព័ត៌មានបានទេ ដោយលោកនឹងជូនដំណឹងពេលក្រោយបន្ថែម។
លោកអភិបាលរងស្រុកគិរីសាគរ បន្ថែមថា ភូមិមួយចំនួនក្នុងឃុំកោះស្តេច ធ្លាប់ជាបន្ទាយយោធាសម័យ លន់ ណន់ និងសម័យខ្មែរក្រហម ដោយតំបន់មានការប្រយុទ្ធគ្នាទៅមកទៅវិញយ៉ាងខ្លាំង ព្រមទាំងបន្សល់នូវគ្រាប់មីនមិនទាន់ផ្ទុះជាច្រើនគ្រាប់រហូតមកដល់សព្វថ្ងៃ។
កន្លងទៅ កម្លាំងជំនាញបោះសំអាតគ្រាប់មីន និងបោសសំអាតសំណល់ជាតិផ្ទុះពីសង្គ្រាម នៃមជ្ឈមណ្ឌលជាតិរក្សាសន្តិភាព បានបើកប្រតិបត្តិការរុករកគ្រាប់មីនាបានប្រមាណ៦៣គ្រាប់ហើយ ភាគច្រើនជាមីនប្រឆាំងមនុស្ស។ ក្នុងនោះក៏មានគ្រាប់បែកគីមី១គ្រាប់ផងដែរ។
ឃុំកោះស្តេច ត្រូវបានកងកម្លាំងបោះសំអាតគ្រាប់មីន ប៉ាន់ស្មានថា ផ្ទៃដី៦៩៦,០៣៥ម៉ែត្រក្រឡា ស្មើនឹង ៦០ភាគរយ»មានគ្រាប់យុទ្ធភណ្ឌមិនទាន់ផ្ទុះមិនទាន់ដោះអស់។
នាយឧត្តមសេនីយ៍ សែម សុវណ្ណនី អនុប្រធានទី២ អាជ្ញាធរមីនកម្ពុជា ក្នុងពិធីកម្ទេចគ្រាប់មីន និងយុទ្ធភណ្ឌមិនទាន់ផ្ទុះកាលពីថ្ងៃទី១៦ ខែកុម្ភៈ ឆ្នាំ២០២៣ថា ក្នុងភូមិសាស្ត្រភូមិព្រែកស្មាច់ ឃុំកោះស្តេច ត្រូវបានរកឃើញគ្រាប់មីនប្រឆាំងថ្មើរជើងចំនួន៧គ្រាប់ គ្រាប់យុទ្ធភណ្ឌមិនទាន់ផ្ទុះ៤៨គ្រាប់ និងអំបែង១៩២ដុំ ទោះបីពេលនេះរកឃើញចំនួនបែបនេះ ប៉ុន្តែនៅគ្រាប់មីនជាច្រើនទៀតដែលមិនទាន់រកឃើញបន្ត។
លោក សែម សុវណ្ណនី ជំរុញឱ្យកម្លាំងជំនាញបង្កើនការយកចិត្តទុកដាក់ឱ្យបានខ្ពស់ និងអនុវត្តឱ្យបានល្អចំពោះភារកិច្ចទៅតាមស្តង់ដារបច្ចេកទេស និងមិនត្រូវមើលស្រាលជាដាច់ខាតចំពោះគ្រាប់យុទ្ធភណ្ឌមិនទាន់ផ្ទុះជាដាច់ខាត។ «ព្រោះគ្រាប់មីនអាចធ្វើឱ្យយើង ១វិនាទីរស់ ១វិនាទីស្លាប់ និង ១វិនាទីអាចសុវត្ថិភាព»។
គួរជម្រាបថា មូលដ្ឋានស្រុកគិរីសាគរ នឹងត្រូវបោះសម្អាតគ្រាប់មីន និងយុទ្ធភណ្ឌមិនទាន់ផ្ទុះលើផ្ទៃដីដែលកំពុងអនុវត្ត ដោយនៅសេសសល់ចំនួន ៤៤៣,៦០១ម៉ែត្រក្រឡា ដោយគ្រោងនឹងបញ្ចប់ជាស្ថាពរនៅក្នុងខែមេសា ឆ្នាំ២០២៣ តាមផែនការកំណត់ ដើម្បីឆ្លើយតបនឹងរាជរដ្ឋាភិបាលកម្ពុជានៅឆ្នាំ២០២៥ចាំបាច់រំដោះគ្រាប់មីន និងយុទ្ធភណ្ឌមិនទាន់ផ្ទុះអោយអស់៕
អត្ថបទ ៖ សិរីវឌ្ឍនៈ
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ