សន្តិសុខសង្គម

ផ្ទុះឆេះធុងហ្គាស ផ្អើលជាន់ជើងគ្នា ក្នុងផ្សារសំពៅលូន

បានផុស

៣ years មុន

នៅ

ថ្ងៃអង្គារ ២៨ មីនា ២០២៣

ដោយ

អគ្គិភ័យមួយបានកើតឡើងបណ្ដាលឲ្យឆេះធ្លាយធុងហ្គាសធុងធំ ធ្វើឲ្យមានការភ្ញាក់ផ្អើលយ៉ាងខ្លាំង ក្រោយពីអ្នកផ្សារឃើញអណ្ដាតភ្លើងធ្លាយចេញពីធុងហ្គាសយ៉ាងសន្ធោសន្ធៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ខាងលើនេះបានកើតឡើង កាលពីវេលាម៉ោង ៤ ល្ងាច ថ្ងៃទី ២៧ ខែមីនា ឆ្នាំ ២០២៣ ស្ថិតក្នុងភូមិគីឡូ ១៣ ឃុំសន្តិភាព ស្រុកសំពៅលូន ខេត្តបាត់ដំបង និងជាកន្លែងបញ្ចូលហ្គាស និងលក់ហ្គាស ផងដែរ។

ទីតាំងមានករណីអគ្គិភ័យកើតឡើងនេះ គឺរបស់ម្ចាស់ឈ្មោះ នង ពៅ ភេទប្រុស អាយុ ៣៦ ឆ្នាំ មុខរបរលក់ហ្គាស ដែលនៅពេលនោះ មានអណ្ដាតភ្លើងឆាបឆេះទាំងផ្ទះ ធ្លាយទាំងធុងហ្គាស ទម្ងន់ ៩០ គីឡូក្រាម។

ចំពោះសម្ភារៈខូចខាតរួមមាន ៖ ឆេះប្រាក់ថៃចំនួន ៥០០.០០០ បាត ,លុយខ្មែរប្រហែល ៤.០០០.០០០ រៀល, ឆេះហ្គាស ០១ ធុង ៩០ គីឡូ ,ឆេះទូម៉ាស៊ីនកុងទ័រ បាញ់ហ្គាស ០១ ឈុត, ឆេះម៉ូតូសាមឡ ០២ គ្រឿង, ឆេះតុដាក់លុយ ០១ និងសម្ភារៈមួយចំនួន។

បើតាមការអះអាងពីម្ចាស់ផ្ទះបានបញ្ជាក់អំពីមូលហេតុថា ជាការធ្វេសប្រហែស (ចង្ក្រានដាំបាយ ដាក់ជិតជញ្ជាំងពេក)។ ក្នុងនោះដែរ សមត្ថកិច្ចមូលដ្ឋាន បានចេញរថយន្តពន្លត់អគ្គិភ័យចំនួន ១ គ្រឿង និងប្រើប្រាស់អស់ទឹក ៣ ឡាន ដើម្បីជួយអន្តរាគមន៍ កុំឲ្យរាលដាលដល់ផ្ទះអ្នកដទៃ៕

អត្ថបទ ៖ សោ និយមរ័ត្ន