ព័ត៌មានជាតិ

សម្តេចតេជោ ហ៊ុន សែន ៖ ការបកស្រាយរបស់ក្មួយតាំង ហ្គិចលៀង មានបំណងល្អទេ

បានផុស

៣ years មុន

នៅ

ថ្ងៃសៅរ៍ ១ មេសា ២០២៣

ដោយ

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាបានប្រកាសឱ្យបញ្ចប់ការវាយប្រហារគ្នារឿងអ្នកមាន និងអ្នកក្រ។ នេះបើតាមសារសំឡេងពិសេសរបស់សម្តេចតាមបណ្តាញសង្គមតេឡេក្រាមនាល្ងាចថ្ងៃទី១ ខែមេសា ឆ្នាំ២០២៣នេះ។ ការប្រកាសនេះត្រូវបានធ្វើឡើងបន្ទាប់ពីអ្នកប្រើប្រាស់បណ្តាញសង្គមមានប្រតិកម្មផ្សេងៗគ្នាទៅនឹងការបកស្រាយរបស់លោកស្រី តាំង ហ្គិចលៀង ដែលជាអគ្គនាយិកាក្រុមហ៊ុន HL គ្រុបពីភាពខុសគ្នារវាងអ្នកមាន និងអ្នកក្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចតេជោបានមានប្រសាសន៍ថា ការបកស្រាយរបស់លោកស្រីតាំង ហ្គិចលៀង មានបំណងល្អ និងមានទិសដៅចង់ឱ្យមានការផ្លាស់ប្តូរផ្នត់គំនិត ប៉ុន្តែអ្វីដែលខ្វះចន្លោះគឺការរៀបពាក្យក្នុងការនិយាយ ដែលការរៀបពាក្យនេះគឺបញ្ហាសំខាន់ក្នុងការធ្វើបទឧទ្ទេសនាម បាឋកថា សង្កថាជាដើម។ កម្ពុជាគឺជា ប្រទេសដែលមិនមានការប្រកាន់វណ្ណៈទេរវាងអ្នកមាន និងអ្នកក្រនោះទេ ពិតមែនយើងមានពាក្យ«អ្នកមាន និងអ្នកក្រ»នៅក្នុងពេលវេលាធ្វើបាឋកថា ឬពេលវេលានៃការធ្វើបទបង្ហាញណាមួយមិនគួរយកពាក្យអ្នកមាន និងអ្នកក្រមកប្រើប្រាស់ទេ។ សម្តេចបានគូសបញ្ជាក់ថា គេអាចប្រើប្រាស់ពាក្យ ឬប្រយោគផ្សេងដូចជាអ្នកមានជីវភាពធូរធារ និងអ្នកមានជីវភាពទន់ខ្សោយ ដែលពាក្យយកមកប្រើជំនួស។

សម្តេចបានបន្ថែមថា យើងចង់ឱ្យមានការបណ្តុះបណ្តាល ចែករំលែកបទពិសោធន៍របស់បុគ្គលជោគជ័យ ហើយយើងក៏ចង់ឱ្យប្រទេសរបស់យើងមានការរីកលូតលាស់ដោយមិនធ្វើតាមរបបប៉ុលពត ដែលកម្ទេចចោលអ្នកមាន ហើយទុកតែអ្នកក្រនោះទេ។ យើងចាំបាច់ខិតខំធ្វើយ៉ាងម៉េចឱ្យអ្នកមានជីវភាពខ្សត់ខ្សោយ មានជីវភាពកាន់តែប្រសើរឡើង ទោះបីមិនដូចគ្នា៕

សូមស្តាប់ប្រសាសន៍សម្តេច ៖

Related Topics:សម្ដេចតេជោ ហ៊ុន សែន