ជីវិតកម្សាន្ដ

កម្រឃើញ! Kim Tae Hee បង្ហាញសម្រស់ក្មេងជាងវ័យនៅអាយុ ៤៣ ឆ្នាំ

បានផុស

២ years មុន

នៅ

ថ្ងៃអង្គារ ១១ មេសា ២០២៣

ដោយ

បន្ទាប់ពីរៀបការជាមួយ Rain តារាសម្ដែង Kim Tae Hee បានជ្រើសរើសដកថយពីវិស័យសិល្បៈដើម្បីផ្ដោតលើការមើលថែគ្រួសារតូចរបស់នាង ខណៈមកដល់ពេលនេះ គូស្នេហ៍មានកូនស្រី២នាក់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះជាយ៉ាងណាក៏ដោយ ជំនួសឲ្យការផ្សព្វផ្សាយរូបរាងរបស់កូនពួកគេជាសាធារណៈ ពួកគេបានព្យាយាមលាក់បាំង និងការពារគ្រប់រូបភាពរបស់កូនស្រីទាំងពីរ។ ថ្មីៗនេះ នៅលើទំព័រផ្ទាល់ខ្លួនរបស់នាង Kim Tae Hee បានបង្ហាញរូបភាពស្និទ្ធស្នាលដល់ទស្សនិកជន។ បើក្រឡេកមកមើលរូបភាពចុងក្រោយរបស់តារាស្រីរូបនេះ ទស្សនិកជនជាច្រើនស្ទើរតែមិនជឿថានាងមានអាយុ ៤៣ ឆ្នាំទៅហើយ។

មិនត្រឹមតែចែករំលែករូបភាពជីវិតប្រចាំថ្ងៃប៉ុណ្ណោះទេ តារាស្រីរូបនេះក៏បានបន្ថែមយ៉ាងសប្បាយចិត្តថា “យូរហើយអត់អីទេ កន្លងមកខ្ញុំផ្ដោតតែលើជីវិតប្រចាំថ្ងៃទៅថ្ងៃមុខនឹងលេចមុខជាមួយរូបថតថ្មី ការងារថ្មី ដូច្នេះហើយ ខ្ញុំគ្រោងនឹងបង្ហោះរូបភាពឲ្យបានញឹកញាប់ ចាប់ពីពេលនេះតទៅ ខ្ញុំថតរូប Selfie ម្ដងម្កាល ហើយបង្ហោះព្រោះពេញចិត្ត ហាហាហា”។

យ៉ាងណាមិញ នៅក្នុងផ្នែកបញ្ចេញមតិ អ្នកគាំទ្រភាគច្រើនរំភើបចិត្តយ៉ាងខ្លាំងចំពោះទង្វើចុងក្រោយរបស់ Kim Tae Hee ។ មិនតែប៉ុណ្ណោះ សម្រស់ដ៏ស្រស់សោភារបស់នាង បានធ្វើឲ្យទស្សនិកជនជាច្រើនបញ្ចេញមតិជាបេះដូង ស្របពេលដែលអ្នកខ្លះក៏សរសើរថា ត្បិតថាមានវ័យ៤៣ឆ្នាំតែសម្រស់នៅតែចែងចាំងមិនណាឡើយ៕