ព័ត៌មានជាតិ
ឆ្នាំ ២០២៣ គម្រោងបណ្តាញផ្លូវធំៗណាខ្លះក្នុងខេត្តកណ្តាលនឹងបញ្ចប់ការសាងសង់?
បណ្តាញផ្លូវគមនាគមន៍ធំៗមួយចំនួននៅក្នុងខេត្តកណ្តាល គ្រោងបញ្ចប់ការសាងសង់នៅឆ្នាំ ២០២៣។
លោក ម៉ឹង យូឡេង ប្រធានមន្ទីរសាធារណការនិងដឹកជញ្ជូនខេត្តកណ្តាលបានឲ្យកម្ពុជាថ្មីដឹងថា បណ្តាញផ្លូវគមនាគមន៍ធំៗនៅក្នុងខេត្តកណ្តាលដែលគ្រោងបញ្ចប់នៅឆ្នាំ ២០២៣ មានមួយចំនួនស្ថិតនៅក្រោមការគ្រប់គ្រងរបស់អាជ្ញាធរថ្នាក់ជាតិ មួយចំនួននៅក្រោមរដ្ឋបាលថ្នាក់ខេត្ត និងមួយចំនួនមន្ទីរសាធារណការខេត្តជាអ្នកគ្រប់គ្រង។
កំណាត់ផ្លូវជាតិលេខ ២ ក្នុងភូមិសាស្រ្តក្រុងតាខ្មៅខេត្តកណ្តាល
លោក ម៉ឹង យូឡេង បានបញ្ជាក់ថា បណ្តាញផ្លូវគមនាគមន៍ធំៗស្ថិតនៅក្រោមការគ្រប់គ្រងរបស់រដ្ឋបាលថ្នាក់ជាតិគ្រោងបញ្ចប់នៅឆ្នាំ ២០២៣ មានពីរគម្រោងគឺកំណាត់ផ្លូវជាតិលេខ ២ និងកំណាត់ផ្លូវជាតិលេខ ៥។ ដោយឡែកបណ្តាញផ្លូវដែលស្ថិតនៅក្រោមការគ្រប់គ្រងរបស់មន្ទីរសាធារណការខេត្តមានគម្រោងជួសជុលថែទាំកំណាត់ផ្លូវជាតិលេខ ១ កំណាត់ផ្លូវលេខ ១១៩ ពីស្អាងទៅស្រុកព្រៃកប្បាសខេត្តតាកែវ និងកំណាត់ផ្លូវជាតិលេខ ៧០ បេ នៅភូមិព្រែកតាមាក់ ឃុំព្រែកប្រសព្វ ស្រុកខ្សាច់កណ្តាល។ បន្ថែមពីនេះ នៅក្នុងឆ្នាំ ២០២៣ មន្ទីរសាធារណការខេត្តក៏គ្រោងបញ្ចប់ការរៀបចំប្រព័ន្ធលូនៅតំបន់ដែលតែងតែរងការលិចទឹកនៅលើកំណាត់ផ្លូវជាតិលេខ ២១ ផងដែរ។
ខេត្តកណ្តាលមានភូមិសាស្រ្តជាប់ដងទន្លេមេគង្គ ទន្លេសាប និងទន្លេបាសាក់ នៅមិនឆ្ងាយពីរាជធានីភ្នំពេញ ខណៈហេដ្ឋារចនាសម្ព័ន្ធក្នុងខេត្តត្រូវបានស្ថាបនាខ្វាត់ខ្វែងតភ្ជាប់ពីតំបន់ប្រជុំជនទៅតាមបណ្តាស្រុកនិងជនបទ។
ផ្លូវក្រវាត់ក្រុងទី ៣ ជាគម្រោងហេដ្ឋារចនាសម្ព័ន្ធដ៏ធំដែលប្រើប្រាស់ថវិកាវិនិយោគជាង ២០០ លានដុល្លារព័ទ្ធជុំវិញភូមិសាស្រ្តខេត្តកណ្តាលនិងរាជធានីភ្នំពេញ ដែលគ្រោងបញ្ចប់ដាក់ឲ្យដំណើរការក្នុងពេលឆាប់ៗខាងមុខនេះ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ