ទោះមានវ័យជិត៥០ឆ្នាំ អតីតស្វាមី Angelababy នៅតែត្រូវគេសរសើរថាសង្ហាខ្លាំង និងទាក់ទាញបំផុត

រូបភាពដែលមិនទាន់កែសម្រួលរបស់តារាប្រុសជើងចាស់នៅក្នុងឧស្សាហកម្មកម្សាន្ត Cbiz គឺតារាសម្ដែង Huang Xiaoming នៅមហោស្រពភាពយន្ត Shanghai លើកទី ២៥ លើព្រំក្រ​ក្រហមបានទាក់ទាញភ្នែកទស្សនិកជន​ជាច្រើន។ ជាពិសេស សម្រស់របស់លោកទទួល​បាន​ការសរសើរខ្លាំងបំផុត ដោយសារតែស្ទីល ភាពឆើតឆាយ និងស្បែករលោង ទោះបីជាមានវ័យlyជិត ៥០ ឆ្នាំក៏ដោយ។

ទោះយ៉ាងណាក៏ដោយ ​Huang Xiaoming ធ្លាប់បានធ្វើឲ្យកក្រើកពេញ Cnet ម្ដងរួចមកហើយ ជាមួយនឹងវីដេអូ​ឃ្លិប​នៅពីក្រោយកម្មវិធី Billionaires Beats the Wind 2023 នៅពេលលោកកំពុង​ជជែកជាមួយ​សមាជិក​ដែលចូលរួម។ ថ្វីត្បិតតែបច្ចុប្បន្ននេះ សម្រស់របស់បុរសសង្ហារូបនេះលែង​ឡើង​ដល់​កំពូល​ដូច​កាល​នៅក្មេង ប៉ុន្តែស្បែក និងការសម្តែងរបស់​តារា​ប្រុស​រូប​នេះ មិន​ដែល​ថមថយ​ឡើយ​តាម​ពេលវេលា។

Huang Xiaoming កើតនៅឆ្នាំ ១៩៧៧ បច្ចុប្បន្ន​លោក​មាន​អាយុ ៤៦ ឆ្នាំ គឺជាតារាកំពូលម្នាក់​ក្នុងកម្មវិធី showbiz របស់ចិន។ គាត់ធ្លាប់ធ្វើឲ្យ​កក្រើក​ជាមួយខ្សែភាពយន្តដូចជា Shanghai Bund, The Return of the Condor Heroes,my fair princess iii, the deer and the cauldron,The Patriot Yue Fei។

លើសពីនេះ រឿងរ៉ាវស្នេហារបស់តារាប្រុសរូបនេះ ក៏បានបង្កឲ្យមានការភ្ញាក់ផ្អើល​យ៉ាងខ្លាំងនៅ​ក្នុងប្រព័ន្ធផ្សព្វផ្សាយ​ចិនផងដែរ។ គាត់ធ្លាប់មានទំនាក់ទំនងស្នេហាដ៏ស្រស់ស្អាតជាមួយ Angelababy ហើយបានរៀបការនៅឆ្នាំ ២០១៥។ ប៉ុន្តែបន្ទាប់ពីរៀបការបាន ៧ ឆ្នាំ អ្នកទាំងពីរ​ស្រាប់តែ​ប្រកាស​លែងលះ​គ្នានៅឆ្នាំ ២០២២។ បន្ទាប់ពីនោះ Huang Xiaoming ត្រូវបានចាប់បាន​ថាមាន​ពាក្យចចាមអារ៉ាម​ថា​បានណាត់ជួបជាមួយតារាស្រីម្នាក់៕

ប្រែសម្រួល៖ សាង ស្រីល័ក្ខ

ចុចអាន៖មិនទាន់ឈ្នះពានរង្វាន់ផង Zhao Liying រងភាពចម្រូងចម្រាសទៅហើយ

ចុចអាន៖Yang Mi បង្ហាញខ្លួនក្នុងឈុតបៃតង ទស្សនិកជនសរសើរថា នាងស្អាតមិនសមវ័យសោះ