ជីវិតកម្សាន្ដ

តារាសម្ដែង ណូម័រ មិនទទួលការសុំទោសពីអ្នកមើលងាយអ្នកស្រែ អ្នកក្រ ឡើយ

បានផុស

៣ years មុន

នៅ

ថ្ងៃព្រហស្បតិ៍ ៦ កក្កដា ២០២៣

ដោយ

តារាសម្ដែង និងជាពិធីការិនីរូបស្រស់ ណូម័រ បច្ចុប្បន្ននៅតែរក្សាបានការគាំទ្រ និងកាន់តែមានរូបសម្រស់ស្រស់ស្អាត។ ចំណែកទីផ្សារការងារ ក៏មានហាងឆេងខ្ពស់ ជាហេតុធ្វើឲ្យ ណូម័រ មានលទ្ធភាពសម្ញែងភាពហ៊ឺហាមិនចាញ់តារាស្រីឯទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកងាកមកចាប់អារម្មណ៍កាលពីថ្មីៗកន្លងទៅ អំឡុងផ្ទុះរឿងរ៉ាវបុគ្គលមើលងាយអ្នកស្រែ រឿងទុរេន ត្រូវតារាស្រី ណូម័រ កាលនោះ ក៏សម្ដែងក្ដីហួសចិត្តខ្លាំងចំពោះទង្វើខ្វះការគិតពិចារណាមួយនេះផងដែរ។ ម្យ៉ាងទៀតស្រីស្អាត ណូម័រ បានប្រកាសជំហរដែរថា បើមានទង្វើនេះទៀត នាងមិនទទួលការសុំទោសពីអ្នកដែលមើលងាយអ្នកស្រែអ្នកក្រឡើយ។

តារាស្រីជាប់ឈ្មោះជាមេម៉ាយអ្នកនាង ណូម័រ បានបញ្ជាក់ថា «ខ្ញុំមិនទទួលការសុំទោសពីអ្នកដែលមើលងាយអ្នកស្រែ អ្នកក្រ ឡើយ ព្រោះថាកូនអ្នកខេត្តតាកែវ និងខេត្តកណ្ដាលម្នាក់នេះ ទម្រាំមានថ្ងៃនេះ ឆ្លងកាត់ឧបសគ្គ របួសកាយ របួសចិត្ត ឆ្អែតហើយ មនុស្សម្នាក់ៗ មានតម្លៃរៀងៗ ខ្លួន»។

ការប្រកាសជំហររបស់ស្រីស្អាត ណូម័រ នេះ បានធ្វើឲ្យមហាជនបង្ហាញការគាំទ្រ ខណៈកន្លងមកធ្លាប់កើតមានរឿងដៀល និងមើលងាយអ្នកស្រែ ពីសំណាក់បុគ្គលខ្វះសីលធម៌ផងដែរ។

សូមជម្រាបថា បច្ចុប្បន្ន ណូម័រ កំពុងសម្ពាយឈ្មោះជាអ្នកមេម៉ាយវ័យក្មេង មានរយៈពេលច្រើនឆ្នាំមកហើយ បន្ទាប់ពីលែងលះគ្នាជាមួយអតីតស្វាមី គឺ វីជេ សុភា ក្រោយរៀបការបានត្រឹមរយៈពេលខ្លីប៉ុណ្ណោះ៕

អត្ថបទ ៖ ចាន់រ៉ា