កីឡា
នេះជាមូលហេតុដែលក្រុមបាល់ទះនគរបាលព្រះសីហនុខ្លាំងរហូតឈ្នះវិសាខា
ក្រុមបាល់ទះស្នងការដ្ឋាននគរបាលខេត្តព្រះសីហនុទើបតែបានឈ្នះជើងឯកពាន ស សុខា ឆ្នាំ២០២៣ បន្ទាប់ពីបានយកឈ្នះក្រុមខ្លាំងវិសាខាដោយលទ្ធផល ៣-២ ក្នុងវគ្គផ្តាច់ព្រ័ត្រកាលពីថ្ងៃអាទិត្យ ទី៦ ខែសីហា នៅវិមានពហុកីឡដ្ឋានជាតិអូឡាំពិក។
ភាពខ្លាំងរបស់ក្រុមបាល់ទះនគរបាលព្រះសីហនុកើតឡើងមិនមែនជារឿងចៃដន្យ ឬសំណាងនោះទេ ប៉ុន្តែជាការត្រៀមខ្លួនបានល្អក្នុងរយៈពេលជាងមួយឆ្នាំចុងក្រោយ។
លោក សោម ចំណាប់ គ្រូបង្វឹកក្រុមបាល់ទះនគរបាលព្រះសីហនុបានលើកឡើងថា ៖«ខ្ញុំចង់សំណូមពរឲ្យក្រុមដែលចូលរួមប្រកួតក្នុងពានរង្វាន់បាល់ទះក្រោយៗ គួរមានកីឡាករបរទេស។ មូលហេតុគឺដើម្បីពង្រឹងសមត្ថភាពក្រុមឲ្យខ្លាំង។ ជាក់ស្តែង ក្រុមស្នងការដ្ឋាននគរបាលខេត្តព្រះសីហនុ ជាក្រុមមួយតូច កម្រិតលេងក៏ទាប តែក្រោយរយៈពេលជាង១ឆ្នាំ ដែលខ្ញុំបានធ្វើជាគ្រូបង្វឹកនៅទីនោះ សមត្ថភាពកីឡាករបានកើនឡើងជាលំដាប់។ ទីបំផុតយើងបានឈ្នះពានរង្វាន់ឯកឧត្តម ស សុខា ឆ្នាំ២០២៣»។
លោកគ្រូបង្វឹករូបនេះបានឲ្យដឹងថា ក្រុមបាល់ទះនគរបាលខេត្តព្រះសីហនុរបស់លោកមានកីឡាករបរទេស៣រូបគឺកីឡាករសញ្ជាតិវៀតណាម២រូប ហ៉្វាម ថយឃឿង និង ត្រឹង អាញ់ទូ ហើយម្នាក់ទៀតឈ្មោះ Mendez ជាកីឡាករគុយបា ប៉ុន្តែរូបគេមានសញ្ជាតិខ្មែរ ដូច្នេះមិនត្រូវបានចាត់ទុកជាកីឡាករបរទេសទេ។
តាមគោលការណ៍របស់សហព័ន្ធកីឡាបាល់ទះកម្ពុជាអនុញ្ញាតឲ្យក្រុមនីមួយៗដាក់កីឡាករបរទេសលេងនៅលើទីលានបានតែ២រូបប៉ុណ្ណោះក្នុងពានរង្វាន់ ស សុខា ឆ្នាំ២០២៣។
ការមានកីឡាករបរទេសចូលរួម និងមានការត្រៀមខ្លួន ក៏ដូចជាហ្វឹកហាត់បានដិតដល់ជាមូលដ្ឋានគ្រឹះសំខាន់ធ្វើឲ្យក្រុមបាល់ទះនគរបាលព្រះសីហនុមានសមត្ថភាព គុណភាពអាចប្រកួតប្រជែងជាមួយក្រុមខ្លាំងៗនៅកម្ពុជា។ ក្រុមបាល់ទះនគរបាលព្រះសីហនុស្ថិតក្នុងចំណោមក្រុមតិចតូចប៉ុណ្ណោះដែលមានកីឡាករបរទេសដូចជា វិសាខា ក៏មានកីឡាករបរទេសដែរ។
ស្របពេលជាមួយគ្នានេះ សហព័ន្ធកីឡាបាល់ទះកម្ពុជាគ្រោងនឹងបង្កើតលីគបាល់ទះអាជីពនៅកម្ពុជាដើម្បីបង្កើនការអភិវឌ្ឍ និងជំរុញបាល់ទះកម្ពុជាឲ្យរីកចម្រើន។ ជាពិសេសជាមូលដ្ឋានគ្រឹះដើម្បីកសាងក្រុមបាល់ទះជម្រើសជាតិកម្ពុជាដ៏រឹងមាំមួយសម្រាប់ការប្រកួតអន្តរជាតិ។
ក្រុមបាល់ទះកម្ពុជាបានបោះជំហានចូលកីឡាទ្វីបអាស៊ីជាលើកដំបូង បន្ទាប់ពីបានខកខានអស់រយៈពេលជិត៥០ឆ្នាំមកហើយបើគិតចាប់តាំងពីធ្លាប់ចូលរួមប្រកួតចុងក្រោយកាលពីឆ្នាំ១៩៧០។ ក្នុងនាមជាម្ចាស់មេដាយសំរិទ្ធក្នុងព្រឹត្តិការណ៍កីឡាស៊ីហ្គេម ឆ្នាំ២០២២ នៅប្រទេសវៀតណាម និងម្ចាស់មេដាយប្រាក់ក្នុងព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ ក្រុមបាល់ទះកម្ពុជាត្រូវតែបង្កើន និងអភិវឌ្ឍសមត្ថភាពបន្ថែមទៀតដើម្បីសម្រេចសមិទ្ធធំៗជូនជាតិ៕
អត្តបទ៖ ផា រតនា
-
ព័ត៌មានជាតិ៦ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម១ សប្តាហ៍ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៥ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
សេដ្ឋកិច្ច១ សប្តាហ៍ agoកម្ពុជា មានក្រុមហ៊ុននាំចូលសាច់បង្កកចំនួន ៥៧
-
ព័ត៌មានជាតិ១ សប្តាហ៍ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ១ សប្តាហ៍ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៥ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន
-
ព័ត៌មានជាតិ៦ ថ្ងៃ agoគម្រោងស្តារផ្លូវជាតិលេខ ៤ ប្រវែងជិត ២០០ គីឡូម៉ែត្រ ចាយថវិកាជាង ១០០ លានដុល្លារ សម្រេចបញ្ចប់ ១០០%