លាក់បាំងមកជា​យូរ Golf បី​កូន​​​បង្ហាញមុខ​ដល់សារព័ត៌មាន​​លើក​ដំបូង ​

បន្ទាប់ពីលេចឮព័ត៌មានថា​ តារាសម្ដែងប្រុស Golf Pichaya ​មានកូន ដំណឹងនេះបានធ្វើឲ្យកក្រើកវិស័យសិល្បៈថៃរហូតទស្សនិកជនជាច្រើនហាក់ចង់ដឹងថា តើនេះគឺជាការពិតឬយ៉ាងណា? ជាពិសេសពាក្យចចាអារ៉ាមមានគ្រួសារមានកូននេះ បានផ្ទុះខ្លាំងជាយូរណាស់មកហើយ។

តាមរយៈការបង្ហោះលើគណនី IG ផ្ទាល់ខ្លួន តារាសម្ដែងរូបនេះបានដាច់ចិត្តសារភាពដោយមានរូបភាពកូនតូចនៅក្នុងដៃដោយទម្លាយ​ថា “ខួបកំណើតឆ្នាំនេះ ខ្ញុំមានដំណឹងល្អមកអ្នកទាំងអស់គ្នា។ ខ្ញុំរក្សា​ការ​សម្ងាត់​នេះ​ជា​យូរ​មក​ហើយ! ខ្ញុំមានកូនម្នាក់ គាត់​ជា​ក្មេង​ល្អ ងាយស្រួល​ចិញ្ចឹម មិន​ដែល​យំ​បង្កការរំខានណាមួយទេ ខ្ញុំ​សង្ឃឹម​ថា​អ្នកគ្រប់គ្នា​ស្រលាញ់​គាត់ ​ដូច​ខ្ញុំ​ស្រលាញ់​គាត់”។

ទោះយ៉ាងណាក៏ដោយ រូបភាពប៉ុន្មានសន្លឹករបស់តារាចម្រៀងនិងសម្ដែង Golf Pichaya បានបង្កឲ្យមានការភ្ញាក់ផ្អើលនិងស្រឡាំងកាំងពីសំណាក់អ្នកគាំទ្រ ព្រមទាំងមហាជនជាច្រើនក្នុងប្រទេសថៃ។ ជាពិសេសការទម្លាយនូវរូបភាពកូនក្នុងដៃគឺចំថ្ងៃខួបកំណើតរបស់រូបលោកផ្ទាល់តែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះទៀតដែរ ​មហាជន​ជា​ច្រើន​ដែល​បាន​ឃើញ​ការ​បង្ហោះបានសម្ដែងការហួសចិត្តយ៉ាងខ្លាំង​​ នៅពេលពួកគេ​ឃើញរូបភាពក្មេងក្នុងដៃរបស់លោក ​ដែលតាមការពិតទៅវា​ជា​តុក្កតា​ក្មេង​លេងរបស់​​ Golf ដែលលោកបានរុំកន្សែងមួយបន្លំភ្នែកមហាជនតែប៉ុណ្ណោះ។

យ៉ាងណាមិញ ថ្វីបើជាការបើកបង្ហាញមុខកូនប្រុសជាសាធារណៈយ៉ាងណាក្ដី ប៉ុន្តែកន្លងមក Golf Pichaya តែងតែលេចនូវពាក្យចចាមអារ៉ាមថា លោកមានគ្រួសារនិងក្លាយជាឪពុកគេរួចហើយ។ ប៉ុន្តែមកទល់សព្វថ្ងៃនេះ តារាសម្ដែងពេញនិយមក្នុងប្រទេសចិនរូបនេះ មិនដែលបើកទម្លាយ ឬបង្ហាញមុខសូម្បីតែម្ដងណាឡើយ៕

អត្ថបទ៖ សាង ស្រីល័ក្ខ

ចុចអាន៖ក្រោយរៀបការជិត៦ខែ Kimberly ថា ស្វាមីជាតំបន់សុវត្ថិភាព និងតែងតែគាំទ្រនាងយ៉ាងខ្លាំងក្លា