ជីវិតកម្សាន្ដ

Taemin ក្រុម SHINee ផ្ញើសារដល់អ្នកគាំទ្រ ក្រោយចាកចេញពី SM ជាទ្រនំស្នាក់អស់១៦ឆ្នាំ

បានផុស

២ years មុន

នៅ

ថ្ងៃព្រហស្បតិ៍ ៧ មីនា ២០២៤

ដោយ

នៅថ្ងៃទី ០៦ ខែមីនា ឆ្នាំ២០២៤ សារព័ត៌មាន allkpop បានចេញផ្សាយពីតារាចម្រៀង Taemin សមាជិកក្រុម SHINee ដែលរូបផ្ទាល់បានចែករំលែកគំនិតដ៏ស្មោះត្រង់អំពីការចាកចេញពី SM Entertainment បន្ទាប់ពីស្នាក់នៅអស់រយៈពេល ១៦ ឆ្នាំក្នុងផលិតកម្មមួយនេះ។

Taemin បានផ្ញើសារទៅកាន់អ្នកគាំទ្ររបស់គាត់តាមរយៈកម្មវិធីទំនាក់ទំនងអ្នកគាំទ្រ Bubble ។ គាត់បានចែករំលែកថា “តើអ្នកមានការភ្ញាក់ផ្អើលនឹងការចេញអត្ថបទភ្លាមៗទេ? ខ្ញុំមិនចង់បង្កការព្រួយបារម្ភអ្វីឡើយ ដូច្នេះខ្ញុំចង់ប្រាប់អ្នកទាំងអស់គ្នាដោយប្រុងប្រយ័ត្ន ប៉ុន្តែអ្វីៗបានក្លាយជាបែបនេះ”។

គាត់បានបន្តសរសេរថា “ខ្ញុំគិតថាខ្ញុំនឹងចាប់ផ្តើមដំណើរថ្មីក្នុងពេលឆាប់ៗនេះ។ និយាយតាមត្រង់ ខ្ញុំនៅតែប្រយ័ត្នប្រយែងក្នុងការនិយាយរឿងទាំងនេះនៅពេលនេះ ប៉ុន្តែខ្ញុំគិតថានៅស្ងៀមមិនត្រឹមត្រូវទេ។ អស់អ្នកដែលគោរពស្រឡាញ់ខ្ញុំ ពេលនេះខ្ញុំបានសញ្ជឹងគិតតាំងពីឆ្នាំមុន ហើយបានសម្រេចចិត្តចាកចេញពីក្រុមហ៊ុន បន្ទាប់ពីបាននិយាយជាមួយសមាជិកផងដែរ”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះផងដែរ Taemin ក៏បានចែករំលែកថាបន្ថែមទៀតថា សូមអរគុណអ្នកគ្រប់គ្នាដែលបានជួយលោកមករហូតមកដល់ពេលនេះ ហើយក៏ចង់អរគុណអ្នកដែលជឿជាក់លើការសម្រេចចិត្តរបស់លោកផងដែរ។

តារាចម្រៀងរូបនេះក៏បានបញ្ជាក់ផងដែរថា “ខ្ញុំនឹងតែងតែជា Lee Taemin គ្រប់ទីកន្លែងដែលខ្ញុំនៅ និងតែងតែនៅជាមួយគ្នា។ ពួកយើងនៅជាមួយគ្នាយូរមកហើយ។ ខ្ញុំជឿថានឹងមានរឿងល្អជាងនេះចូលមក ហើយខ្ញុំនឹងធ្វើឲ្យប្រាកដថាវាក្លាយជាសមាជិកម្នាក់។ SHINee និងក្នុងនាម Taemin ខ្ញុំសុំឲ្យអ្នកបន្តការគាំទ្រនាពេលអនាគត។

ទោះយ៉ាងណាក៏ដោយ មុននេះ មានសេចក្តីរាយការណ៍ថា សមាជិកក្រុម SHINee Taemin និង Onew បានសម្រេចចិត្តមិនបន្តកុងត្រាជាមួយផលិតកម្ម SM Entertainment ខណៈដែលផលិតកម្ម បានប្រកាសថាសមាជិកទាំងពីរនឹងបន្តសកម្មភាពក្រុមរបស់ពួកគេជាមួយ SM ប៉ុន្តែនឹងមិនបន្តកិច្ចសន្យារបស់ពួកគេសម្រាប់សកម្មភាពបុគ្គលនោះទេ។

បន្ទាប់ពីមានព័ត៌មានអំពីការចាកចេញរបស់ Taemin ពីផលិតកម្ម SM Entertainment ក៏មានព័ត៌មានថាគាត់កំពុងចុះកុងត្រាជាមួយ Big Planet Made ដែលធ្វើឲ្យមានការព្រួយបារម្ភ៕

អត្ថបទ៖ សាង ស្រីល័ក្ខ

ចុចអាន៖រូបភាពលើ IG របស់ Lisa ធ្វើឲ្យហ្វេនអន្ទះសារចង់ដឹងថា នាងពិតជាតំណាងឲ្យយីហោ LV ?