ព័ត៌មានជាតិ
ស្ត្រីទី១កម្ពុជា អរគុណពលរដ្ឋដែលការពារភាពស្អាតស្អំរបស់លោកជំទាវ ក្រោយរងការចោទប្រកាន់ពី The Cambodia Daily
ស្ត្រីទី១កម្ពុជា លោកជំទាវ ពេជ ចន្ទមុនី ហ៊ុន ម៉ាណែត អរគុណប្រជាពលរដ្ឋដែលបានការពារភាពស្អាតស្អំរបស់លោកជំទាវ ក្រោយរងការចោទប្រកាន់យ៉ាងអយុត្តិធម៌ពីសំណាក់សារព័ត៌មាន The Cambodia Daily។
សំណេរនៅលើបណ្ដាញសង្គមហ្វេសប៊ុក នាព្រឹកថ្ងៃទី៤ ខែឧសភា ឆ្នាំ២០២៤នេះ លោកជំទាវ ពេជ ចន្ទមុនី ឧត្តមភរិយាសម្ដេចធិបតី ហ៊ុន ម៉ាណែត បានរៀបរាប់ទៅកាន់ប្រជាពលរដ្ឋយ៉ាងដូច្នេះថា៖ «ជាដំបូង នាងខ្ញុំសូមថ្លែងអំណរគុណដល់បងប្អូន ប្រជាពលរដ្ឋទាំងអស់ដែលចេញមកការពារភាពត្រឹមត្រូវ ស្អាតស្អំ របស់នាងខ្ញុំ ដែលរងគ្រោះដោយអយុត្តិធម៌ដោយសារព័ត៌មាន The Cambodia Daily កាលពីថ្ងៃទី ០២ ឧសភា កន្លងមកនេះ»។
ការណ៍នេះ លោកជំទាវ ពេជ ចន្ទមុនី បានសម្ដែងនូវក្ដីរំភើបរីករាយយ៉ាងណាខ្លាំង ដែលប្រជាពលរដ្ឋ រួមទាំងអ្នកដែលបានធ្វើការងារជាមួយលោកជំទាវកន្លងមក ព្រមទាំងពលរដ្ឋភាគច្រើនបានតាមដានសកម្មភាព និងការងារសង្គមរបស់លោកជំទាវ មានការស្រលាញ់រាប់អាន និងជឿជាក់លើលោកជំទាវ។ លោកជំទាវ ស្ត្រីទី១កម្ពុជា បានសង្កត់ធ្ងន់ថា ការគាំទ្រ ស្រលាញ់ និងការពារលោកជំទាវពេលនេះ គឺជាកម្លាំងចិត្តមួយដ៏សំខាន់ ដើម្បីជួយដល់លោកជំទាវក្នុងការបន្តនូវសកម្មភាពមនុស្សធម៌នេះបន្តទៅមុខទៀត។
គួរជម្រាបថា ពេលថ្មីៗនេះ មានការចុះផ្សាយរបស់សារព័ត៌មាន The Cambodia Daily ថា មន្ត្រីអគ្គនាយកដ្ឋានគយជាច្រើននាក់ បានទម្លាយថា អគ្គនាយកនៃអគ្គនាយកដ្ឋានគយ និងរដ្ឋករកម្ពុជា លោក គុណ ញឹម បានសូកប៉ាន់ លោកជំទាវ ពេជ ចន្ទមុនី ភរិយារបស់សម្តេច ហ៊ុន ម៉ាណែត សុំពន្យាពេលចូលនិវត្តន៍ដល់ឆ្នាំ២០២៨។ ការផ្សាយចោទប្រកាន់ដោយគ្មានមូលដ្ឋាននេះ ត្រូវបានប្រជាពលរដ្ឋគ្រប់ស្រទាប់វណ្ណៈ ចេញមកការពារភាពស្អាតស្អំរបស់លោកជំទាវ ព្រមទាំងសម្ដេចធិបតី ហ៊ុន ម៉ាណែត ក្នុងនាមប្ដី ក៏បានបង្ហាញនូវភាពស្អាតស្អំភរិយារបស់សម្ដេចផងដែរ ដោយច្រានចោលការផ្សាយនេះ៕
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៧ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
សេចក្ដីជូនដំណឹង១៧ ម៉ោង ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ១ សប្តាហ៍ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ