កីឡា

Nick Taylor ថា កម្ពុជាត្រូវការឈ្នះម៉ុងហ្គោលីដើម្បីទំនុកចិត្តជម្រុះ AFC Asian Cup

បានផុស

២ years មុន

នៅ

ថ្ងៃចន្ទ ២០ ឧសភា ២០២៤

ដោយ

ក្រុមបាល់ទាត់ជម្រើសជាតិកម្ពុជានឹងប្រកួតមិត្តភាពអន្តរជាតិជាមួយជម្រើសជាតិម៉ុងហ្គោលី នៅថ្ងៃទី៧ ខែមិថុនា ឆ្នាំ២០២៤ នៅលើទឹកដីកម្ពុជា និងលើកទី២នៅថ្ងៃទី១១ ខែមិថុនា ឆ្នាំ២០២៤ នៅទឹកដីម៉ុងហ្គោលីវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតមិត្តភាពអន្តរជាតិទាំងពីរជើងនេះគឺដើម្បីជាការត្រៀមខ្លួនសម្រាប់ការប្រកួតជម្រុះ 2027 AFC Asian Cup ដូចគ្នាសម្រាប់ក្រុមជម្រើសជាតិទាំងពីរនាខែកញ្ញា។ កម្ពុជាត្រូវប្រកួតជម្រុះជាមួយ ស្រីលង្កា ខណៈ ម៉ុងហ្គោលី ត្រូវប្រកួតជម្រុះជាមួយទីម័រខាងកើត។

បញ្ជីឈ្មោះជម្រើសជាតិកម្ពុជាមិនទាន់ចេញជាផ្លូវការទេរហូតដល់ពេលនេះ ប៉ុន្តែសមាជិកព្រះខ័នរាជស្វាយរៀង Nick Taylor រំពឹងត្រូវបានគ្រូបង្វឹកកោះហៅចូលជម្រើសជាតិ ហើយរូបគេចាត់ទុកការប្រកួតមិត្តភាពជាមួយម៉ុងហ្គោលីគឺពិតជាសំខាន់សម្រាប់កម្ពុជាដើម្បីសាងទំនុកចិត្ត។

កីឡាករខ្មែរ-អាមេរិក Nick បាននិយាយថា ៖«ខ្ញុំសង្ឃឹមថា ខ្ញុំនឹងត្រូវបានកោះហៅចូលជម្រើសជាតិកម្ពុជានាពេលខាងមុខ។ ខ្ញុំតែងតែពោរពេញដោយក្តីស្រឡាញ់សម្រាប់តំណាងជម្រើសជាតិកម្ពុជា។ ការលេងឲ្យជម្រើសជាតិគឺជាអ្វីដែលខ្ញុំពេញចិត្តបំផុតនៅលើទីលានជាមួយនឹងអាវជម្រើសជាតិ»។

«យើងត្រូវការជ័យជម្នះ។ យើងទន្ទឹងរង់ចាំជ័យជម្នះ។ មិនត្រឹមតែធ្វើឲ្យអ្នកគាំទ្រ និងប្រទេសជាតិសប្បាយរីករាយប៉ុណ្ណោះទេ ប៉ុន្តែយើងត្រូវបង្កើតការជឿជាក់លើខ្លួនឯងដើម្បីត្រៀមខ្លួនសម្រាប់ការប្រកួតជម្រុះ AFC Asian Cup នាពេលខាងមុខ។ យើងត្រូវមានទំនុកចិត្ត។ យើងត្រូវរៀបចំខ្លួនឲ្យបានល្អ ហើយនាំមកនូវភាពសប្បាយរីករាយដល់ប្រជាជនកម្ពុជា»។ កីឡាករបានសង្កត់ធ្ងន់។

Nick Taylor ត្រូវបានឃើញដើរកម្សាន្តជាមួយមិត្តស្រីតារាចម្រៀង Rabee នៅប្រទេសជប៉ុន បន្ទាប់ពីជួយឲ្យព្រះខ័នរាជស្វាយរៀងឈ្នះពានរង្វាន់សម្តេចតេជោ ហ៊ុន សែន និងខេមបូឌានព្រីមៀរលីគ រដូវកាល២០២៣-២៤។ នេះជារដូវកាលដំបូងដ៏ជោគជ័យសម្រាប់បុរសសង្ហាកាត់ខ្មែរ-អាមេរិក។ មិនត្រឹមតែជោគជ័យលើអាជីពបាល់ទាត់ប៉ុណ្ណោះទេ ប៉ុន្តែរូបគេក៏កំពុងជោគជ័យទាំងស្នេហា និងការផ្សាយពាណិជ្ជកម្ម៕

អត្ថបទ៖ វីរបុត្រ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា