ព័ត៌មានជាតិ

ផ្លូវជាតិលេខ ៥ កំណាត់ពីក្រុងសិរីសោភ័ណទៅក្រុងប៉ោយប៉ែត សម្រេចបានជាង ២០% គ្រោងបញ្ចប់ពាក់កណ្ដាលឆ្នាំ ២០២៥

បានផុស

២ years មុន

នៅ

ថ្ងៃពុធ ៤ កញ្ញា ២០២៤

ដោយ

ផ្លូវជាតិលេខ ៥ ដែលជាផ្លូវអាស៊ានហាយវេលេខ ១ (AH1) បានសាងសង់បញ្ចប់ពីព្រែកក្តាមដល់ក្រុងសិរីសោភ័ណខេត្តបន្ទាយមានជ័យ ខណៈកំណាត់ចុងក្រោយប្រវែងជាង 3០ គីឡូម៉ែត្រពីក្រុងសិរីសោភ័ណទៅដល់ទីប្រជុំជនក្រុងប៉ោយប៉ែត កំពុងដំណើរការសាងសង់សម្រេចបានជាង ២០%។

លោក ផន រឹម មន្រ្តីអ្នកនាំពាក្យក្រសួងសាធារណការនិងដឹកជញ្ជូនបានឲ្យកម្ពុជាថ្មីដឹងថា ដំណើរការសាងសង់កំណាត់ផ្លូវជាតិលេខ ៥ ពីក្រុងសិរីសោភ័ណខេត្តបន្ទាយមានជ័យទៅទីប្រជុំជនក្រុងប៉ោយប៉ែត វឌ្ឍនភាពការងារមកដល់ពេលនេះសម្រេចបានជាង ២០%។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើទោះបីការដ្ឋានសាងសង់ជួបបញ្ហាប្រឈមខ្លះៗជាមួយអាកាសធាតុដោយសារជារដូវភ្លៀង និងបញ្ហាបច្ចេកទេសមួយចំនួន លោក ផន រឹម បានអះអាងថា បើពុំមានការប្រែប្រួលនោះទេ គម្រោងនឹងបញ្ចប់អំឡុងពាក់កណ្តាលឆ្នាំ ២០២៥ ខាងមុខនេះ។

មន្រ្តីក្រសួងសាធារណការនិងដឹកជញ្ជូនរូបនេះ ក៏ស្នើការអធ្យាស្រ័យចំពោះការរំខានអំឡុងពេលដំណើរការការដ្ឋានខណៈដែលក្រសួងនឹងខិតខំបញ្ចប់ការងារសាងសង់តាមពេលវេលាដែលបានគ្រោងទុក។

គម្រោងធ្វើឱ្យប្រសើរឡើងវិញកំណាត់ផ្លូវជាតិលេខ ៥ គឺជាគម្រោងក្រោមកម្ចីឥណទានសម្បទានពីរដ្ឋាភិបាលជប៉ុន តាមរយៈទីភ្នាក់ងារសហប្រតិបត្តិការ អន្តរជាតិជប៉ុនប្រចាំកម្ពុជា ដែលផ្តើមសាងសង់ចេញពីព្រែកក្តាម រហូតដល់ក្រុងប៉ោយប៉ែត ឆ្លងកាត់ខេត្តកណ្តាល កំពង់ឆ្នាំង ពោធិ៍សាត់ បាត់ដំបង និង ខេត្តបន្ទាយមានជ័យ មានប្រវែងសរុប ៣៦៦ គីឡូម៉ែត្រ ដែលចំណាយថវិកាប្រមាណ ៥០០ លានដុល្លារអាមេរិក។ ការស្ថាបនាបែងចែកជាបីផ្នែកធំៗគឺ៖ ភាគខាងជើង ភាគខាងត្បូង និងភាគកណ្តាល។

ខណៈកំណាត់ពីព្រែកក្តាមដល់ក្រុងសិរីសោភ័ណខេត្តបន្ទាយមានជ័យ បានបញ្ចប់សម្ពោធដាក់ឲ្យប្រើប្រាស់ជាផ្លូវការ កំណាត់ចុងក្រោយពីក្រុងសិរីសោភ័ណខេត្តបន្ទាយមានជ័យ ទៅទីប្រជុំជនក្រុងប៉ោយប៉ែតប្រវែងជាង ៣៥ គីឡូម៉ែត្រ កំពុងដំណើរការសាងសង់ ហើយតាមផែនការគ្រោងបញ្ចប់នៅពាក់កណ្តាលឆ្នាំ ២០២៥៕

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា